ჰორმონალური დიეტა

ჰორმონალური დიეტის შესახებ თუ გსმენიათ რამე?! ვინც ჩემს მსგავსად გაკვირვებულების რიგებში აღმოჩნდით, ამ ბლოგის წასაკითხად გეპატიჟებით - ერთად შევეცადოთ ამ დიეტის შესახებ ცოტა მეტი ინფორმაციის გარკვევას. მოკლედ, დიეტების დიდი ნაწილისგან განსხვავებით, სადაც წონაში კლება ერთიანად, მთელი სხეულის მასიდან ხდება, ამ დიეტის არსი შემდეგში მდგომარეობს: მის მიხედვით, მუცელი, ზურგი, მკლავები და თეძოები ზომაში ცვლილებას სხვადასხვა ჰორმონების გავლენით განიცდიან და თითოეული მათგანის მორჯულება კონკრეტული ტიპის საკვები პროდუქტებით არის შესაძლებელი. გააჩნია ვის რა საჭიროება აქვს: ზოგს ცხიმოვანი მასა მეტწილად მუცლის არეში აქვს განლაგებული, ზოგს თეძოებზე, ზოგსაც განსაკუთრებულად შეფუმფულებული მკლავები აქვს, მოკლედ ყველას ჩვენი წილი “მტკივნეული ადგილი” გვაქვს. ამ გარემოებას განსაკუთრებული ყურადღება ფიტნეს ინსტრუქტორმა ჩარლზ პოლიკვინმდა მიაქცია და იმ დასკვნამდე მივიდა, რომ ამგვარი განსხვავებების მთავარი განმაპირობებელი ფაქტორი ჰორმონალური დისბალანსია.

აი, რას გვირჩევს პოლიკვინი კონკრეტული ზონების მიხედვით:

ვისაც ცხიმი მომეტებულად მკერდის და მხრების ზონაში აქვს განლაგებული - ამ შემთხვევაში პრობლემა ტესტოსტერონის ნაკლებობაა, გამოსავალი კი შემდეგი:საკვებ რაციონში ცილებით, მაგნიუმით, ცინკით და ფლავონოიდებით მდიდარი საკვები უნდა შევიტანოთ, რაც ორგანიზმში ტესტოსტერონის სინთეზში დაგვეხმარება. ფლავონოიდებს შეხვდებით ვაშლში, ფორთოხალში, კენკრებში, მწვანე ჩაიში, ხახვში, სელის თესლში.

ვისაც პრობლემური ბეჭები და მხრები აქვს - აქ ძირითადად, გლუკოზისადმი ტოლერანტობის დარღვევასთან და ინსულინის სიჭარბესთან გვაქვს საქმე. ასეთ დროს, აუცილებლად უნდა მივირთვათ ცხიმიანი თევზის სახეობები, ქათამი, ქრომის შემცველი საკვები დანამატებია. მაქსიმალურად უნდა შევზღუდოთ ნახშირწყლების მიღება.

თუ ჩვენი პრობლემური ზონა წელია - აქ, როგორც წესი, ფარისებრი ჯირკვლის დაავადებებთან გვაქვს საქმე. ამიტომაც, საკვებ რაციონში აუცილებლად უნდა შევიტანოთ თევზი, ქათმის ხორცი, ნუში, გოგრის თესლი, ხახვი, სატაცური და სხვა სელენის, ცინკის, a, D, E და B6 ვიტამინების შემცველი პროდუქტები.

თუ ცხიმები მუცლის არეში გვაქვს განლაგებული - ეს სტრესის ჰორმონის, კორტისოლის სიჭარბეზე მიგვითითევს. ამიტომ, უნდა მივიღოთ ისეთი საკვები დანამატები, რომლებიც მაგნიუმს, C და B5 ვიტამინებს შეიცავს. გარდა ამისა, სტრესის შესამცირებლად, რაციონში აუცილებლად უნდა დააბალანსოთ ცხიმების, ცილები და ნახშირწყლების თანაფარდობა. შესაძლოა, თქვენ დიდი რაოდენბით იღებდეთ ადვილადათვისებად ცილებს.

თეზოებზე და დუნდულებზე მოჭარბებული რაოდენობის ცხიმის არსებობა ესტროგენის სიჭარბის მაჩვენებელია. ასეთ დროს, კარგი საკვებ რაციონში ბროკოლის, კომბოსტოს და სხვა უჯრედისით მდიდარი ბოსტნეულის ჩართვა - ასეთი ბოსტნეული ღვიძლის ფერმენტს არეგულირებენ, რომელთა მეშვეობითაც ხდება ესტროგენის ათვისება. ფრთხილად იყავით სოიოს პროდუქტებთან, სელის თესლთან და მიიღეთ ფოლიუმის მჟავა, B12 და B6 ვიტამინები.

მომდევნო პოსტამდე,

ანიკა