ბლოგი:
ივლისი 04, 2016
ავტორი Anika
რაოდენ აბსურდულადაც არ უნდა ჟღერდეს, ცხიმების მიღება ზედმეტი წონის დაკლებაში გვეხმარება, გვარწმუნებენ ნუტრიციოლოგები. ჩემთვის ამ განაცხადში საღ აზრს მოკლებული ნამდვილად არაფერია, თუ რასაკვირველია იმას გავითვალისწინებთ, თუ რა ტიპის საკვებზე და ცხიმებზეა საუბარი, უფრო კონკრეტულად კი რომელი საკვებიდან ღირს ცხიმების მიღება და რომლიდან არა. დღეს სწორედ ამაზე ვისაუბრებთ ანიკას ბლოგში - ასე, რომ 90-იანი წლებიდან გამოყოლილი ცხიმოფობია გვერდზე გადადეთ და ჯანსაღ, ცხიმიან საკვებს დაუმეგობრდით.
რა გზით გვეხმარება ცხიმი წონაში კლებაშ? თუ წლების განმავლობაში გაბატონებული იყო ის შეხედულება, რომ ცხიმი ჩვენი ორგანიზმის დაუძინებელი მტერია და მისი მიღება მინიმუმამდე უნდა იყოს დაყვანილი, დღეს ეს განაცხადი უკვე არარეალური თეორიების სფეროშია და ჯანმრთელი ცხიმი ჩვენი საკვები რაციონის განუყრელი ნაწილია. კვების ექიმების მტკიცებით, თუ ჩვენი ყოველდღიური საკვები რაციონის კილოკალორიების 20-25% ცხიმიდან მოდის, ასეთ შემთხვევაში გაცილებით დიდი ხნით ნაყრდებით, ნაკლებად გაგირბით ხელი ტკბილეულისკენ და მადასაც უფრო მარტივად აკონტროლებთ. შესაბამისად, როდესაც მადის გაკონტროლება შეგიძლიათ, ასეთ დროს ადვილად შეძლებთ თავი აარიდოთ გადამუშავებულ ნახშირწყლებს, უცებ წასახემსებელ მაღალკალორიულ სასუსნავოებს და ტკბილეულს, რომელიც დიდი რაოდენობით კილოკალორიას შეიცავს.
ამას გარდა, ცხიმები ნივთიერებათა ცვლის ნორმალურ ფუნქცნიონირებას უწყობენ ხელს: ისინი საჭირო მკვებავ ნივთიერებებს დანიშნულების ადგილას მოხვედრაში ეხმარებიან, ამიტომაც, ბოსტნეულის სალათზე ზეითუნის ზეთის მოსხმას ნუ მოერიდებით.
რომელი კატეგორიის ცხიმი უნდა მივირთვათ? უჯერი ცხიმები, კერძოდ, მონოუჯერი და პოლიუჯერი ცხიმები, რომლებიც ჯანსაღ ცხიმებად ითვლებიან და მცენარეულ საკვებში გვხვდებიან: ავოკადო, ქოქოსი, ზეთისხილი, მზესუმზირას მარცვალი და მიწის თხილი, ნიგოზი, სელის მარცვლები, ასევე არამცენარეული კატეგორიიდან ორაგული.
რა რაოდენობით უნდა მივიღოთ ცხიმი? რეკომენდებული ყოველდღიური ნორმა 10-35 პროცენტამდე მერყეობს (დღის დაშვებული კილოკალორიების ნორმიდან), სქესის და ინდივიდუალური მონაცემების გათვალისწინებით.
მომდევნო პოსტამდე,
ანიკა
რა გზით გვეხმარება ცხიმი წონაში კლებაშ? თუ წლების განმავლობაში გაბატონებული იყო ის შეხედულება, რომ ცხიმი ჩვენი ორგანიზმის დაუძინებელი მტერია და მისი მიღება მინიმუმამდე უნდა იყოს დაყვანილი, დღეს ეს განაცხადი უკვე არარეალური თეორიების სფეროშია და ჯანმრთელი ცხიმი ჩვენი საკვები რაციონის განუყრელი ნაწილია. კვების ექიმების მტკიცებით, თუ ჩვენი ყოველდღიური საკვები რაციონის კილოკალორიების 20-25% ცხიმიდან მოდის, ასეთ შემთხვევაში გაცილებით დიდი ხნით ნაყრდებით, ნაკლებად გაგირბით ხელი ტკბილეულისკენ და მადასაც უფრო მარტივად აკონტროლებთ. შესაბამისად, როდესაც მადის გაკონტროლება შეგიძლიათ, ასეთ დროს ადვილად შეძლებთ თავი აარიდოთ გადამუშავებულ ნახშირწყლებს, უცებ წასახემსებელ მაღალკალორიულ სასუსნავოებს და ტკბილეულს, რომელიც დიდი რაოდენობით კილოკალორიას შეიცავს.
ამას გარდა, ცხიმები ნივთიერებათა ცვლის ნორმალურ ფუნქცნიონირებას უწყობენ ხელს: ისინი საჭირო მკვებავ ნივთიერებებს დანიშნულების ადგილას მოხვედრაში ეხმარებიან, ამიტომაც, ბოსტნეულის სალათზე ზეითუნის ზეთის მოსხმას ნუ მოერიდებით.
რომელი კატეგორიის ცხიმი უნდა მივირთვათ? უჯერი ცხიმები, კერძოდ, მონოუჯერი და პოლიუჯერი ცხიმები, რომლებიც ჯანსაღ ცხიმებად ითვლებიან და მცენარეულ საკვებში გვხვდებიან: ავოკადო, ქოქოსი, ზეთისხილი, მზესუმზირას მარცვალი და მიწის თხილი, ნიგოზი, სელის მარცვლები, ასევე არამცენარეული კატეგორიიდან ორაგული.
რა რაოდენობით უნდა მივიღოთ ცხიმი? რეკომენდებული ყოველდღიური ნორმა 10-35 პროცენტამდე მერყეობს (დღის დაშვებული კილოკალორიების ნორმიდან), სქესის და ინდივიდუალური მონაცემების გათვალისწინებით.
მომდევნო პოსტამდე,
ანიკა