5 მარტივი მოძრაობა ზურგის ქვედა ნაწილის დაჭიმულობის მოსახსნელად

საუკუნეში ზურგის ქვედა ნაწილის ტკივილი გლობალურ პრობლემად იქცა, განსაკუთრებით მათთვის, ვინც სისტემატურად დარბის ან ვარჯიშობს და ამას არაერთი ჩატარებული კვლევა ადასტურებს. რეალურად, მათთვის ვინც აქტიური ფიზიკური ვარჯიშითაა დაკავებული, ზურგის ტკივილი ხელშემშლელი ფაქტორია არაა, თუმცა ყველა ცდილობს სავარჯიშოები ისე შეასრულონ, რომ თავიდან აიცილონ ამ პრობლემატური მონაკვეთის კიდევ უფრო მეტად დაძაბვა და ტკივილის გამოწვევა.

გამოცდილ ფიტნეს ინსტრუქტორებს თუ დავუჯერებთ, ამ მონაკვეთის ტკივილის მოსახსნელად მუცლის პრესისთვის განკუთვნილი რამდენიმე სავარჯიშოს შესრულება ძალიან ეფექტიანია. ამის მიზეზი კი ისაა, რომ მუცლის ზონაში არსებული ღრმა კუნთები სრულად ჩვენი სხეულის შუა ნაწილის სტაბილიზებას ახდენენ.

კონკრეტულად რომელ სავარჯიშოებს გვთავაზობენ ფიტნესის სპეციალისტები? დღევანდელ პოსტში 5 გამორჩეულად ეფექტიან სავარჯიშოს შემოგთავაზებთ, რომელთა შესრულებაც ძალიან მარტივია, თუნდაც დამწყები მოვარჯიშისთვის.

1. მკვდარი ხოჭო - დასახელება ალბათ, სასაცილოდ მოგეჩვენებათ, მაგრამ მერწმუნეთ, ეს სავარჯიშო ნამდვილად ღირს იმად, რომ ცოტა ხანი მკვდარი ხოჭოს იმიტაცია ვცადოთ. როგორც ფოტოზე ხედავთ, სავარჯიშო დაწოლილ მდგომარეობაში სრულდება, ხელების და ფეხების მონაცვლებით 30 გამეორებად. ვარჯიში სრულდება 3 მისვლად.

2. ფოტოზე მოცემულ გვერდულ აწევას და გაჩერებას ვასრულებთ 2-2 ჯერ თითო მხარეს. იატაკიდან აზიდვისას მაქსიმალურად ვეყრდნობით მხარს და იდაყვს და ვცდილობთ მუცლის ზონა შევკუმშოთ და ამ მდგომარეობაში ვყოვნდებით 20 წამით.

3. კატის და აქლემის მოძაობების მიქსი მარტივად სრულდება და იდეალურად ადუნებს ზურგის კუნთებს. ჩაზნექვისა და ამოზნექვის თითო მოძრაობა დაახლოებით 15 წამი უნდა გაგრძელდეს და ეს ერთ გამეორებად ითვლება. ვასრულებთ სულ 5 გამეორებას.

4. ჩიტის და ძაღლის მოძრაობა ზემოთ მოცემული ფოტოს მიხედვით სრულდება ხელებზე და მუხლებზე დაყრდნობილ პოზაში, საიდანაც მონაცვლებით ჯერ ერთ დიაგონალზე ხელსა და ფეხს ვწევთ მაღლა და რამდენიმე წამით ვყოვნდებით, შემდეგ მეორე დიაგონალზე. სულ ვასრულებთ 8-12 გამეორებას 2 მისვლად.

5.

5. და ბოლო ვარჯიში, რომელიც დაწოლილ მდგომარეობაში სრულდება, მუხლებში მოხრილი ფეხები მონაცვლებით გადაგვაქვს ხან მარცხენა, ხანაც მარჯვენა მხარეს. სხეულის ზედა ნაწილი ამ დროს მაქსიმალურად უძრავია, ხელები განზე გვაქვს გაშლილი და ასე ვინარჩუნებთ ბოლომდე.