ბლოგი:
სექტემბერი 18, 2013
ავტორი Anika
კვების რეჟიმთან დაკავშირებული ყველაზე მავნე ჩვევა საუზმის გამოტოვებაა. თუმცა, არც სადილის და ვახშმის გარეშე დარჩენაა დიდად მარგებელი ნივთიერებათა ცვლისთვის და ზოგადად, ორგანიზმისთვის, მაგრამ ვინაიდან საუზმით დღეს ვიწყებთ და ჩვენი ორგანიზმიც მისი მეშვეობით იღებს სტარტს, ამდენად ძალიან მნიშვნელოვანია, რომ ეს “სასტარტო პოზიცია” შეძლებისდაგვარად სასარგებლო იყოს.
დღევანდელ პოსტში ექიმ-დიეტოლოგების რჩევებს გაგიზიარებთ იმ 5 პროდუქტთან დაკავშირებით, რომლებიც იდეალურია საუზმისთვის მათი საკვები ღირებულებით და იმავდროულად დაბალკალორიულიცაა.
ხაჭო - ერთ-ერთი ყველაზე სასარგებლო რძის პროდუქტია, რომელიც ცილებს, მინერალურ ნივთიერებებს, ლაქტოზას, ცხიმს, ფერმენტებს და სხვადასხვა ჯგუფის 12 ვიტამინს შეიცავს. ამას გარდა, ხაჭო კალციუმით, რკინით და ფოსფორით არის მდიდარი და რძესთან შედარებით, გაცილებით მაღალი საკვები ღირებულება გააჩნია.
საუზმისთვის ხაჭო შეგვიძლია გაყინულ ან ცოცხალ ხილთან, კენკრებთან ერთად დავაბლენდეროთ, რასაც სურვილისამებრ თაფლს, მიუსლის დავუმატებთ და მსუბუქ, ჰაეროვან მასას მივიღებთ.
კვერცხი - ქათმის კვერცხი A, E, D და B ვიტამინებს, კალციუმს, მაგნიუმს, ცინკს, რკინას, ფოსფორს და სელენს შეიცავს - ჩამონათვალი კარგად ჟღერს! კვერცხის რეგულარული მირთმევა იმუნიტეტს აძლიერებს, ვირუსულ ინფექციებთან და სტრესებთან გამკლავებაში გვეხმარება და ორგანიზმში ნივთიერებათა ცვლის პროცესს არეგულირებს.
საუზმისთვის შეგვიძლია ტაფაზე ზეითუნის ზეთში ოდნავ მოვთუშოთ რამდენიმე ნაჭერი პომიდორი და ყაბაყი (ან სურვილისამებს სხვა ბოსტნეული) და დავუმატოთ რძესთან ერთად ათქვეფილი კვერცხი. მივიღებთ ნოყიერ, ენერგიის მომცემ და სასარგებლო ომლეტს.
ხილი - ხილის მირთმევა საუზმეზე ერთ-ერთი საუკეთესო ალტერნატივაა მათთვის, ვისაც დღის განმავლობაში ხილის აუცილებელი დოზის მიღება ავიწყდება ან ვახშამზე ცილოვანი საკვების მიღებას ანიჭებს უპირატესობას. საუზმეზე დაჭრილი ხილი უცხიმო იუგურტთან ან მაწონთან ერთად შეგიძლიათ მიირთვათ.
შვრიის ფაფა - ამ ბურღულეულს ერთი დიდი პლიუსი აქვს: ის თითქმის არ შეიცავს ცხიმს და ქოლესტერინს, მდიდარია B1, E ვიტამინებით და მინერალებით - კალციუმით, რკინით, მაგნიუმით, ცინკით. გარდა ამისა, შვრია “ცუდი ქოლესტერინის” დონეს დაბლა წევს სისხლში, შაქრის დონესაც არეგულირებს და საბოლოოდ, ზედმეტი კილოგრამებისგან განთავისუფლებაშიც გვეხმარება.
მოზარდებს თუ რძეზე მომზადებულ შვრიას ვუმზადებთ, ჩვენთვის, მშობლებისთვის წყალზე მოხარშული შვრიაა იდეალური. მრავალფეროვნებისთვის კი მზა ფაფას შეგვიძლია წვრილად დაჭრილი ცოცხალი ხილი, მურაბა, ხილის ჩირი ან თხილი დავუმატოთ.
იოგურტი - დიდი რაოდენობით ვიტამინების შემცველი ნატურალური იოგურტი, ყოველგვარი დამატებების გარეშე ან ჩვენებური, კლასიკური მაწონი საუკეთესოა საჭმლის მომნელებელი სისტემისთვის.
ვისაც კიტრი გიყვართ, მარტივად შეგიძლიათ საუზმისთვის 2-3 კიტრი გათალოთ, დაჭრათ, ბლენდერში მოათავსოთ კოჭას პატარა ნაჭერთან და პიტნის რამდენიმე ფოთოლთან ერთად. შემდეგ ამ მასას იოგურტს ან მაწონს, ერთ კოვზ თაფლს და ნახევარ ჭიქა მინერალურ წყალს დაუმატებთ და საუზმეც მზადაა.
დროებით,
ანიკა
დღევანდელ პოსტში ექიმ-დიეტოლოგების რჩევებს გაგიზიარებთ იმ 5 პროდუქტთან დაკავშირებით, რომლებიც იდეალურია საუზმისთვის მათი საკვები ღირებულებით და იმავდროულად დაბალკალორიულიცაა.
ხაჭო - ერთ-ერთი ყველაზე სასარგებლო რძის პროდუქტია, რომელიც ცილებს, მინერალურ ნივთიერებებს, ლაქტოზას, ცხიმს, ფერმენტებს და სხვადასხვა ჯგუფის 12 ვიტამინს შეიცავს. ამას გარდა, ხაჭო კალციუმით, რკინით და ფოსფორით არის მდიდარი და რძესთან შედარებით, გაცილებით მაღალი საკვები ღირებულება გააჩნია.
საუზმისთვის ხაჭო შეგვიძლია გაყინულ ან ცოცხალ ხილთან, კენკრებთან ერთად დავაბლენდეროთ, რასაც სურვილისამებრ თაფლს, მიუსლის დავუმატებთ და მსუბუქ, ჰაეროვან მასას მივიღებთ.
კვერცხი - ქათმის კვერცხი A, E, D და B ვიტამინებს, კალციუმს, მაგნიუმს, ცინკს, რკინას, ფოსფორს და სელენს შეიცავს - ჩამონათვალი კარგად ჟღერს! კვერცხის რეგულარული მირთმევა იმუნიტეტს აძლიერებს, ვირუსულ ინფექციებთან და სტრესებთან გამკლავებაში გვეხმარება და ორგანიზმში ნივთიერებათა ცვლის პროცესს არეგულირებს.
საუზმისთვის შეგვიძლია ტაფაზე ზეითუნის ზეთში ოდნავ მოვთუშოთ რამდენიმე ნაჭერი პომიდორი და ყაბაყი (ან სურვილისამებს სხვა ბოსტნეული) და დავუმატოთ რძესთან ერთად ათქვეფილი კვერცხი. მივიღებთ ნოყიერ, ენერგიის მომცემ და სასარგებლო ომლეტს.
ხილი - ხილის მირთმევა საუზმეზე ერთ-ერთი საუკეთესო ალტერნატივაა მათთვის, ვისაც დღის განმავლობაში ხილის აუცილებელი დოზის მიღება ავიწყდება ან ვახშამზე ცილოვანი საკვების მიღებას ანიჭებს უპირატესობას. საუზმეზე დაჭრილი ხილი უცხიმო იუგურტთან ან მაწონთან ერთად შეგიძლიათ მიირთვათ.
შვრიის ფაფა - ამ ბურღულეულს ერთი დიდი პლიუსი აქვს: ის თითქმის არ შეიცავს ცხიმს და ქოლესტერინს, მდიდარია B1, E ვიტამინებით და მინერალებით - კალციუმით, რკინით, მაგნიუმით, ცინკით. გარდა ამისა, შვრია “ცუდი ქოლესტერინის” დონეს დაბლა წევს სისხლში, შაქრის დონესაც არეგულირებს და საბოლოოდ, ზედმეტი კილოგრამებისგან განთავისუფლებაშიც გვეხმარება.
მოზარდებს თუ რძეზე მომზადებულ შვრიას ვუმზადებთ, ჩვენთვის, მშობლებისთვის წყალზე მოხარშული შვრიაა იდეალური. მრავალფეროვნებისთვის კი მზა ფაფას შეგვიძლია წვრილად დაჭრილი ცოცხალი ხილი, მურაბა, ხილის ჩირი ან თხილი დავუმატოთ.
იოგურტი - დიდი რაოდენობით ვიტამინების შემცველი ნატურალური იოგურტი, ყოველგვარი დამატებების გარეშე ან ჩვენებური, კლასიკური მაწონი საუკეთესოა საჭმლის მომნელებელი სისტემისთვის.
ვისაც კიტრი გიყვართ, მარტივად შეგიძლიათ საუზმისთვის 2-3 კიტრი გათალოთ, დაჭრათ, ბლენდერში მოათავსოთ კოჭას პატარა ნაჭერთან და პიტნის რამდენიმე ფოთოლთან ერთად. შემდეგ ამ მასას იოგურტს ან მაწონს, ერთ კოვზ თაფლს და ნახევარ ჭიქა მინერალურ წყალს დაუმატებთ და საუზმეც მზადაა.
დროებით,
ანიკა