_from blog_:
_June_ 06, 2018
_by_ Anika
ტაბატას ვარჯიშების შესახებ ალბათ, გსმენიათ: ეს ინტერვალური მოკლე ხანგრძილივობის (საშუალოდ 20 წუთი) ვარჯიშის ისეთი სახეობაა, რომელიც 4 წუთიან სავრაჯიშოების რაუნდზეა აგებული. რეალურად, ტაბატა მაღალი ინტენსივობის ინტერვალური ვარჯიშის (HIIT workout) პოპულარული ნაირსახეობაა, სადაც 20 წამიან ინტენსიურ ვარჯიშს 10 წამიანი დასვენება მოსდევს და ეს ჯამში 8-ჯერ მეორდება 4 წუთის განმავლობაში.
დღევანდელ პოსტში გამოცდილი ფიტნეს ინსტრუქტორების მიერ შემოთაბაზებულ ტაბატას ვარჯიშებს შემოგთავაზებთ, რომელიც ოპტიმალურადაა გათვლილი ცხიმების დაწვასა და ლამაზი კუნთოვანი მასის ფორმირებაზე.
1. პირველი ტაბატას დროს ინტენსიური ტემპით სრულდება ფეხების წელის დონეზე სწრაფად აწევის მოძრაობები - ფეხი მუხლში მოხრილი, ხელებს პარალელურ რეჟიმში ვამოძრავებთ სხეულის ზედა ნაწილის გასავარჯიშებლად.
2. ამ მოძრაობის შესრულებისას წონას მაქსიმალურად ვინარჩუნებთ ფეხის ტერფების დონეზე და ფეხებს წინა და უკანა მიმართულებით მაკრატელის მსგავსად ვამოძრაბვებთ. ხელების მოძრაობასაც ვუწყობთ ფეხების მოძრაობას, როგორც ეს ფოტოზეა მოცემული.
3. ამ სავარჯიშოს შესრულებისას ვდგებით წელში გასწორებული და ავხტებით შეძლებისდაგვარად სწრაფად და მაღლა, რის შემდეგაც რბილად ვეშვებით იატაკზე და ჩავჯდებით მოხრილი მუხლებით ისე, რომ წინ გაშლილი ხელებიტ იატაკს ვეყრდნობით. ფეხებს უცებ, გადახტომის მოძრაობით გავშლით უკან და ვდგებით "პლანკას" პოზიციაში. ამის შემდეგ ისევ წინ გადავხტებით ჩამჯდარ პოზიციაში და შემდეგ მაღლა ავიმართებით და ავხტებით. ამ ციკლს ვიმეორებთ 4 წუთის განმავლობაში, 10 წამიანი შესვენებებით.
4. იოგათი ვინც ხართ დაკავებული, ჩატურანგას ასანას მარტივად ამოიცნობთ ამ მოძრაობაში: მის შესასრულებლად სწორად გაშლილი ხელებით ვეყრდნობით იატაკს, ფეხები უკან სწორად გაშლილია, ნელა ვეშვებით გულ-მკერდით იატაკისკენ ისე, რომ წელი მაქსიმალურად მყარი და გასწორებულია, იდაყვებში ვხრით ხელებს და შემდეგ ისევ საწყის მდგომარეობაში ვბრუნდებით.
5. მეხუთე ტაბატას შესრულებისას ზედატანი და გულმკერდი წინ გვაქვს გადახრილი, მარჯვენა მუხლი მოხრილია, მარცხენა ფეხი გასწორებული, ხელები წინ შეერთებული. გაითვალისწინეთ, რომ მუხლი არ უნდა გასცდეს წინ ფეხის თითების დონეს.