ბლიც-ინტერვიუ ნინუცა მაყაშვილთან

მარათონის დღემდე რამდენი ხნით ადრე იწყებთ მზადების პროცესს?
ვცდილობ 3-5 თვით ადრე, ეტაპობრივად დავიწყო მომზადება, რომ უშუალოდ რბენაზე „გული არ გამისკდეს“ დატვირთვისგან.

მზადების პროცესში რას ცვლით საკვებ რაციონში? ყველაზე ხშირად რა საკვებს იღებთ?
საკვებ რაციონს საერთოდ არ ვცვლი, ზუსტად ისე ვიკვებები, როგორც მარათონამდე მზადების დროს. ზოგადად კვების ასეთი რაციონალური ცვლილება ორგანიზმში ცუდ ცვლილებებს ახდენს, შესაბამისად ჯობია იმავე რაციონით გავაგრძელოთ მზადება, რა რაციონითაც ვიკვებებოდით მანამდე, თუმცა თუ საუბარი მწვადებსა და შაურმებზეა, სასურველია რბენამდე 3-4 კვირით ადრე შეცვალონ ეტაპობრივად და უმტკივნეულოდ შეამსუბუქოთ თქვენი კვება.

სპეციალური ცილოვან ან ხილის/ბოსტნეულის სმუზებს ხომ არ ანიჭებთ უპირატესობას?
ზოგადად პირდაპირ ხილის მიღებაზე ვაკეთებ არჩევანს და არ ვაკეთებ სმუზებს.

ფიზიკური მომზადება მარათონისთვის როგორ გამოიყურება?
რბენისთვის ისევე ვემზადები, როგორც ყველა ნორმალური ადამიანი, აქტიურად და ხალისით.

რა ტიპის ვარჯიშებს ანიჭებს უპირატესობას მარათონისთვის მზადებისას?
ძირითადად სირბილი და გაწელვითი ვარჯიშები.

რა რაოდენობით იღებთ წყალს ყოველდღიურად და ფიზიკურად აქტიურ დღეებში?
ყოველდღიურად ვიღებ ძალიან ბევრ წყალს, არასდროს დამითვლია, მაგრამ ალბათ 3-დან 4 ლიტრამდე ვსვამ. ასევე მინდა აღვნიშნო რომ მივირთმევ მხოლოდ ბაკურიანს რადგან ძალიან მიყვარს მისი გემო.

თქვენთვის იდეალური დრო წყლის მისაღებად: საკვების მიღებამდე და მის შემდეგ რა დროის მონაკვეთს იყენებთ?
წყლის მისაღებად იდეალური დრო არ არსებობს. წყალი უნდა სვათ სულ, რომ ორგანიზმის გამოშრობა არ მოხდეს. ზოგადად სასურველია არ მოგწყურდეთ.

უშუალოდ მარათონის დღეს, გარბენამდე რა კონკრეტული რეკომენდაციები გაქვთ: დავლიოთ თუ არა წყალი და რა ოდენობით? რა საკვები მივიღოთ და გარბენამდე რამდენი ხნით ადრე?
გარბენამდე 1-2 საათით ადრე საკვების მიღება არ ღირს, რადგან კუჭზე დაწოლა იცის სირბილის დროს.