დაბალკალორიული ხილი და რა მნიშვნელობა აქვს ხილის ულუფას

ბევრჯერ მოგისმენიათ და წაგიკითხავთ, ალბათ, რომ ბოსტნეული შეგიძლიათ მიირთვათ იმდენი, რამდენიც გაგიხარდებათ და ეს ნეგატიურად არ აისახება თქვენს წონაზე - ამასთან დაკავშირებით, დიეტოლოგების დიდი ნაწილი დაგვეთანხმება. თუმცა, ბოსტნეულის მსგავსად, იგივეს ვერ ვიტყვით ხილზე.

მიუხედავად იმისა, რომ ხილი მდიდარია ვიტამინებით და ჯანმრთელობისთვის სასარგებლოა, მისი დიდი ოდენობით მიღება არ არის სასურველი. მიღებული ხილის სახეობა და რაოდენობა განსაკუთრებით უნდა ვაკონტროლოთ იმ შემთხვევაში, თუ წონაში დაკლებას ვცდილობთ. დიეტის დროს ძალიან დიდი ყურადღება ექცევა დაბალკალორიული ხილი შერჩევას, რომელსაც მაქსიმალურად მაღალი შემცველობით ექნება უჯრედისი და მისი ადექვატური ზომით მიღებას.

სხვადასხვა დიეტებში მითითებულ ულუფებს რაც შეეხება, გაუგებრობის თავიდან ასაცილებლად, მოდით დავაკონკრეტოთ, რომ:

ერთი ულუფა ნებისმიერი ხილი = ერთ ცალ საშუალო ზომის ხილს.

ერთი ულუფა კენკრა = 75 გრ.კენკრას.

ერთი ულუფა ბანანი = ნახევარ საშუალო ზომის ბანანს.

რაც შეეხება დაბალკალორიული ხილის სახეობებს, მათ შორის უნდა გამოვარჩიოთ:

ატამი - ერთ საშუალო ზომის ხილში 58 კკალ, 2 გრამი უჯრედისია და ის A და C ვიტამინების კარგი წყაროა.

გრეიფრუტი - მოდიდო გრეიფრუტის ნახევარში 52 კკალ. შედის და ატამის მსგავსად, ისიც მდიდარი უჯრედისით და C ვიტამინის ფანტასტიური წყაროა.

ნესვი - ერთი ჭიქა პატარა კუბებად დაჭრილ ნესვზე (დაახლოებით 180 გრამი) 53 კკალ, დიდი ოდენობით A და C ვიტამინი მოდის.