ბლოგი:
აგვისტო 16, 2013
ავტორი Anika
შეამჩნიეთ ამ სეზონზე წამწამები ცისარტყელასავით რომ აჭრელდა?! ყვითელი, ლურჯი, იასამნისფერი, მწვანე - რა ფერს არ შეხვდებით, მთავარია გამბედაობა გეყოთ ამ თამამი გადაწყვეტილებისთვის. ჰენრი ფორდი არ დაგეთანხმებოდათ და გეტყოდათ, რომ “ტუში შეიძლება ნებისმიერი ფერის იყოს, იმ პირობით, რომ ის შავი იქნება” (ერთხელ წამოცდა, თურმე). მაგრამ ამ ზაფხულს ჰენრი ფორდი ნაკლებად თუ ახსოვს ვინმეს, ქალების დიდი ნაწილი ახალი თავგადასავლების ძიებაშია ფერად-ფერადად აბზინვარებული წამწამებით.
თუ სიჭრელის შიში დაძლიეთ და წამწამის ტრადიციული შავის ნაცვლად რომელიმე ხალისიან ფერში შეღებვა გადაწყვიტეთ, მაშინ მოდით, ვიზაჟისტების რამდენიმე რჩევას გაგიზიარებთ ფერის არჩევანთან დაკავშირებით.
ცისფერი და ლურჯი - ფერად ტუშებს შორის ყველაზე ნეიტრალურად მიიჩნევა. როგორც ამბობენ, ის ყველას უხდება, განსაკუთრებით კი ქერა ქალბატონებს. მწვანე თვალებს სინათლეს მატებს, ლურჯს და ცისფერს კი სიღრმეს ანიჭებს. გარდა ამისა, მას უძილო ღამის შედეგად ჩამქრალი თვალებისთვის გაცილებით ცოცხალი გამოხედვის მინიჭებაც შეუძლია თურმე.
იასამნისფერი ტუშის წყალობით ყავისფერი თვალებისთვის სიმწვანის, მწვანე თვალებისთვის კი პირიქით ყავისფერი ელფერის შეგიძლიათ. ჟღალი თმის შემთხვევაში კი ვიზაჟისტების ყველაზე მეტად ქლიავისფერი ტუშის გამოყენებას გვირჩევენ.
ყავისფერი, ნაცრისფერი და თაფლისფერი თვალების გადასახალისებლად იდეალური ზურმუხტისფერი ტუში ყოფილა (მიჭირს წარმოდგენა, მაგრამ მაინც) და ის კარგად ესადაგება თურმე ვარდისფერ და წითელი ტონალობის პომადებს და თვალის ჩრდილს.
ყველაზე გაბედულებს კი ყვითელი ტუშიც შეუძლიათ გამოსცადონ: კაშკაშა, ნათელი ყვითელი! მუქი ფერის სახის კანსა და მუქ თვალებთან ყველაზე წარმატებულ კომბინაციას გვპირდებიან.
თუ მუქი ფერის ტუშის წასმა წამწამის მთელ სიგრძე ხდება, ნათელი ფერის ტუშის შემთხვევაში, ვიზაჟისტები გვირჩევენ, რომ ის ქვედა წამწამებზე ან წედა წამწამების ბოლოემბზე გადავისვათ. ასეთ შემთხვევაში, ჯერ ტრადიციულ შავ ტუშს წავისვამთ მთელ სიგრძეზე და შემდეგ უკვე სასურველ ფერადს.
და ბოლოს, კიდევ ერთი რჩევა: ნუ შეუხამებთ ტუშის ფერს თვალის ჩრდილს, თორემ ძალიან გადატვირთულ თვალებს მიიღებთ. იდეალურ ვარიანტში ტუშის ფერი და თვალის ჩრდილის ტონალობა კონტრასტული უნდა იყოს. ხოლო, ტუჩებს რაც შეეხება, აქ უკვე ჰარმონია უნდა სუფევდეს. ამისთვის იასამნისფერი ტუშის შემთხვევაში ტუჩისთვის ცივი ვარდისფერი ან მოვარდისფრო-მოიასამნისფრო პომადა შეარჩიეთ, მწვანე ტუშისთვის - მარჯანისფერი ან ატმისფერი პომადა, ხოლო ლურჯი ტონალობის ტუშისთვის კი ჟოლოსფერი ან წითელი პომადა.
მომდევნო პოსტამდე,
ანიკა
თუ სიჭრელის შიში დაძლიეთ და წამწამის ტრადიციული შავის ნაცვლად რომელიმე ხალისიან ფერში შეღებვა გადაწყვიტეთ, მაშინ მოდით, ვიზაჟისტების რამდენიმე რჩევას გაგიზიარებთ ფერის არჩევანთან დაკავშირებით.
ცისფერი და ლურჯი - ფერად ტუშებს შორის ყველაზე ნეიტრალურად მიიჩნევა. როგორც ამბობენ, ის ყველას უხდება, განსაკუთრებით კი ქერა ქალბატონებს. მწვანე თვალებს სინათლეს მატებს, ლურჯს და ცისფერს კი სიღრმეს ანიჭებს. გარდა ამისა, მას უძილო ღამის შედეგად ჩამქრალი თვალებისთვის გაცილებით ცოცხალი გამოხედვის მინიჭებაც შეუძლია თურმე.
იასამნისფერი ტუშის წყალობით ყავისფერი თვალებისთვის სიმწვანის, მწვანე თვალებისთვის კი პირიქით ყავისფერი ელფერის შეგიძლიათ. ჟღალი თმის შემთხვევაში კი ვიზაჟისტების ყველაზე მეტად ქლიავისფერი ტუშის გამოყენებას გვირჩევენ.
ყავისფერი, ნაცრისფერი და თაფლისფერი თვალების გადასახალისებლად იდეალური ზურმუხტისფერი ტუში ყოფილა (მიჭირს წარმოდგენა, მაგრამ მაინც) და ის კარგად ესადაგება თურმე ვარდისფერ და წითელი ტონალობის პომადებს და თვალის ჩრდილს.
ყველაზე გაბედულებს კი ყვითელი ტუშიც შეუძლიათ გამოსცადონ: კაშკაშა, ნათელი ყვითელი! მუქი ფერის სახის კანსა და მუქ თვალებთან ყველაზე წარმატებულ კომბინაციას გვპირდებიან.
თუ მუქი ფერის ტუშის წასმა წამწამის მთელ სიგრძე ხდება, ნათელი ფერის ტუშის შემთხვევაში, ვიზაჟისტები გვირჩევენ, რომ ის ქვედა წამწამებზე ან წედა წამწამების ბოლოემბზე გადავისვათ. ასეთ შემთხვევაში, ჯერ ტრადიციულ შავ ტუშს წავისვამთ მთელ სიგრძეზე და შემდეგ უკვე სასურველ ფერადს.
და ბოლოს, კიდევ ერთი რჩევა: ნუ შეუხამებთ ტუშის ფერს თვალის ჩრდილს, თორემ ძალიან გადატვირთულ თვალებს მიიღებთ. იდეალურ ვარიანტში ტუშის ფერი და თვალის ჩრდილის ტონალობა კონტრასტული უნდა იყოს. ხოლო, ტუჩებს რაც შეეხება, აქ უკვე ჰარმონია უნდა სუფევდეს. ამისთვის იასამნისფერი ტუშის შემთხვევაში ტუჩისთვის ცივი ვარდისფერი ან მოვარდისფრო-მოიასამნისფრო პომადა შეარჩიეთ, მწვანე ტუშისთვის - მარჯანისფერი ან ატმისფერი პომადა, ხოლო ლურჯი ტონალობის ტუშისთვის კი ჟოლოსფერი ან წითელი პომადა.
მომდევნო პოსტამდე,
ანიკა