ბლოგი:
აგვისტო 26, 2017
ავტორი Anika
დღის რომელი მონაკვეთია ყველაზე ოპტიმალური ნახშირწყლების მისაღებად - ამ თემის ირგვლივ დებატები ბოლო 10-15 წელია მიმდინარეობს. ფიზიკური მომზადების გამოცდილ პროფესიონალებს და ფიტნეს-ინსტრუქტორებს თუ დავუჯერებთ, რეალურად, გადამწყვეტი არა კონკრეტული საათი, არამედ ის ფაქტორია, თუ რა უძღვის წინ ან რა მოსდევს ნახშირწყლების მიღებას. პირველ რიგში, ვითვალისწინებთ, თუ რა ტიპის ნახშირწყლებზეა საუბარი: მარტივზე (რომლებიც მინიმალურ დროში გადადის სისხლში, მაგალითად, გლუკოზა) თუ რთულ ნახშირწყლებზე, რომელთა ათვისებას გარკვეული დრო ესაჭიროება. ბუნებრივია, უმჯობესია უპირატესობა რთულ ნახშირწყლებს მივანიჭოთ, ვინაიდან ისინი ორგანიზმისთვის გაცილებით უსაფრთხოა.
გადამწყვეტი ამ პროცესში ჩვენი აქტიურობის დონეა - სწორედ ამის მიხედვით შეგვიძლია განვსაზღვროთ ნახშირწყლების მიღების დრო, ოდენობა და სახეობა. ასე ჩვენ ნახშირწყლებს სწორედ იმ დროს მივაწვდით ორგანიზმს, როდესაც ყველაზე მეტად ესაჭიროება ენერგიის მოსამარაგებლად და თავიდან ავიცილებთ ჭარბი ოდენობით მიღებას და შემდეგ მის ცხიმის სახით დაგროვებას. როდესაც ვიცით, რომ კონკრეტულ დღეს ინტენსიური ვარჯიში გველის ან სირბილს ვაპირებთ, ამ დღეს შეგვიძლია თავი ნახშირწყლების შედარებით მეტი ოდენობით გავინებივროთ, პასიურ დღეებში კი მაქსიმალურად ზომიერად მივიღოთ ისინი.
ამას გარდა, მნიშვნელოვანი ყოფილა ისეთი დროის შერჩევა, როდესაც ჩვენი კუნთები ყველაზე მეტად ადვილად იღებს ნახშირწყლებს - გლუკოზას ან სხვა ტიპის ნახშირწყლებს. ამიტომაც, იდეალური იქნება მათი მიღება ვარჯიშამდე და ვარჯიშის შემდეგ. მარტივი ნახშირწყლები სწრაფად მოგვცემენ ენერგიას ამ დროს და ჩვენთვისაც გაცილებით მარტივი იქნება მიღებული გლუკოზის ენერგიის სახით მოხმარება. რეკომენდებულია დაახლოებთ 25-50 გრ. ნახშირყწლების მიღება ვარჯიშამდე 1-2 საათით ადრე და იგივე ოდენობა ვარჯიშიდან 1-2 საათის გასვლის შემდეგ. თუმცა, თუ თქვენ ცხიმის დაწვა გსურთ, ასეთ შემთხვევაში ვარჯიშამდე ფიტნესის სპეციალისტები მხოლოდ ცილების მიღებას უწევენ რეკომენდაციას.
დასვენების დღეებში ან როდესაც თქვენ შედარებით დაბალი ინტენსივობის ვარჯიშს ირჩევთ (მაგ, იოგა, პილატესი) , რეკომენდებულია რთული ნახშირწყლების მოხმხარება - მაგალითად, ბურღულეული, ბოსტნეული, რომლებიც დამატებით უჯრედისსაც შეიცავენ.
მომდევნო პოსტამდე,
ანიკა
გადამწყვეტი ამ პროცესში ჩვენი აქტიურობის დონეა - სწორედ ამის მიხედვით შეგვიძლია განვსაზღვროთ ნახშირწყლების მიღების დრო, ოდენობა და სახეობა. ასე ჩვენ ნახშირწყლებს სწორედ იმ დროს მივაწვდით ორგანიზმს, როდესაც ყველაზე მეტად ესაჭიროება ენერგიის მოსამარაგებლად და თავიდან ავიცილებთ ჭარბი ოდენობით მიღებას და შემდეგ მის ცხიმის სახით დაგროვებას. როდესაც ვიცით, რომ კონკრეტულ დღეს ინტენსიური ვარჯიში გველის ან სირბილს ვაპირებთ, ამ დღეს შეგვიძლია თავი ნახშირწყლების შედარებით მეტი ოდენობით გავინებივროთ, პასიურ დღეებში კი მაქსიმალურად ზომიერად მივიღოთ ისინი.
ამას გარდა, მნიშვნელოვანი ყოფილა ისეთი დროის შერჩევა, როდესაც ჩვენი კუნთები ყველაზე მეტად ადვილად იღებს ნახშირწყლებს - გლუკოზას ან სხვა ტიპის ნახშირწყლებს. ამიტომაც, იდეალური იქნება მათი მიღება ვარჯიშამდე და ვარჯიშის შემდეგ. მარტივი ნახშირწყლები სწრაფად მოგვცემენ ენერგიას ამ დროს და ჩვენთვისაც გაცილებით მარტივი იქნება მიღებული გლუკოზის ენერგიის სახით მოხმარება. რეკომენდებულია დაახლოებთ 25-50 გრ. ნახშირყწლების მიღება ვარჯიშამდე 1-2 საათით ადრე და იგივე ოდენობა ვარჯიშიდან 1-2 საათის გასვლის შემდეგ. თუმცა, თუ თქვენ ცხიმის დაწვა გსურთ, ასეთ შემთხვევაში ვარჯიშამდე ფიტნესის სპეციალისტები მხოლოდ ცილების მიღებას უწევენ რეკომენდაციას.
დასვენების დღეებში ან როდესაც თქვენ შედარებით დაბალი ინტენსივობის ვარჯიშს ირჩევთ (მაგ, იოგა, პილატესი) , რეკომენდებულია რთული ნახშირწყლების მოხმხარება - მაგალითად, ბურღულეული, ბოსტნეული, რომლებიც დამატებით უჯრედისსაც შეიცავენ.
მომდევნო პოსტამდე,
ანიკა