ინტერვიუ ყველაზე შორ დისტანციაზე მორბენალ ქართველ ქალთან

მაისს მსოფლიო რბენის ყველაზე მასშტაბური ღონისძიების Wings for Life-ის ფარგლებში ისევ რომ დავრბივართ, ხომ გახსოვთ?! წყალი "ბაკურიანი" , როგორც ამ ღონისძიების ოფიციალური პარტნიორი, თავისი ბლოგის მეშვეობით, მარათონისთვის მზადების ეტაპზე, პროფესიონალების და გამოცდილების მქონე ადამიანების სასარგებლო რჩევებს გაგიზიარებთ, თუ როგორ მოვემზადოთ სარბენად და როგორ ვირბინოთ მაქსიმალურად ეფექტიანად.

დღევანდელ პოსტში, თბილისის და ყაზბეგის მარათონების გამარჯვებულ, ყველაზე  დიდ მანძილზე მორბენალ თამარ გელაშვილთან ინტერვიუს შემოგთავაზებთ, სადაც, იმედია, თქვენთვის საინტერესო ინფორმაციას ამოიკითხავთ:

თამარ გელაშვილი

31 წლის

თბილისი მარათონის (10კმ) და ყაზბეგი მარათონის (8კმ) გამარჯვებული.

პერსონალური რეკორდები -დაწყებიდან ერთი წლის შემდეგ:

3 კმ-  12:15 წთ.

10 კმ-  47:00 წთ.

ნახევარმარათონი (21 კმ.) 1:39 სთ.

• თამია, წელს უკვე მესამედ მიიღებ მონაწილეობას მსოფლიო რბენაში. რა გამოცდილება მიიღე 2014 და 2015 წლებში?

ჩემი სპორტული კარიერის ათვლა 2014 წლის მსოფლიო რბენიდან იწყება. ამის მერე დავიწყე ინტენსიური ვარჯიში და შედეგების გაუმჯობესება. ბევრ შეჯიბრში მივიღე მონაწილეობა და ამან კიდევ უფრო მეტი გამოცდილება მომცა. 2015 წლის მსოფლიო რბენას უფრო საკონტროლო გარბენი ერქვა ჩემთვის, ბევრ რამეში გამოვცადე ჩემი თავი.წელს ყველაზე საინტერესო იქნება ჩემთვის მონაწილეობა, ბევრი გამოცდილება დამიგროვდა და საკუთარ თავის მიმართაც მომთხოვნი გავხდი. მსურს გასული წლის შედეგი გავაუმჯობესო.

2. 8 მაისამდე აპირებ კიდევ რომელიმე გარბენში მონაწილეობის მიღებას?

20 მარტს მივემგზავრები პორტუგალიაში. ქალაქ ლისაბონში ტარდება ერთ-ერთი ყველაზე მაშტაბული ნახევარ მარათონი -ლისაბონის ნახევარმარათონი, სადაც დაახლოებით 35 000-მდე მონაწილე იღებს მონაწილეობას. 2 წლის წინ ვერც კი წარმოვიდგენდი თუ ასეთ ღონისძიების მონაწილე გავხდებოდი.

3. როდესაც ესეთი დატვირთვა აქვს ორგანიზმს, ალბათ არსებობს წესები, რომელიც უნდა დაიცვა.

ჩემთვის ძალიან მნიშვნელოვანია სწრაფი აღდგენა და დასვენება. ვცდილობ არ მივიყვანო ორგანიზმი გადაღლამდე და გამოფიტვამდე. აუცილებლად ინტენსიური კვირის მერე ერთი დღე ვისვენებ. სწორი კვება, ძილი და მასაჟი მალე მაბრუნებს ვარჯიშებზე.

4. რას ურჩვედი მათ, ვინც გადაწყვიტა გრძელ დისტანციაზე ირბინოს? მოსამზადებელ პერიოდს და თვითონ რბენის დროს როგორ უნდა მოიქცნენ?

მომზადების პერიოდი ყველაზე სასიამოვნოა. დაისახეთ მიზანი. დაიწყეთ მომზადება  შეჯიბრებამდე 10-12 კვირით ადრე. დაიწყეთ მოკლე დისტანციით და ყოველ კვირა გაზარდეთ კილომეტრაჟი.

შეჯიბრის დღეს გირჩევთ არ დაიწყოთ რბენა სწრაფ ტემპში. ნელ-ნელა მოუმატეთ ტემპს და თქვენთვის სასიამოვნო ტემპში გააგრძელეთ რბენა.

იგრძენით კომფორტი სირბილის დროს. თქვენ წინ კიდევ ბევრი კილომეტრი გაქვთ დასაფარი.

5. როგორ ფიქრობ 2014 წლის შემდეგ სირბილი უფრო პოპულარული გახდა? ზოგადად ჯანსაღი ცხოვრების მიმდევრების რაოდენობა გაიზარდა?

ჩემთვის სასიამოვნო იყო, როდესაც 2015 წელს მსოფლიო რბენაში მონაწილეობის სურვილი კიდევ უფრო ბევრმა ადამიანმა გამოხატა ვიდრე გასულ წელს.აღსანიშნავია ის ფაქტიც , რომ სავარჯიშო დარბაზებში იმატა ადამიანების რაოდენობამ. ჩემ გარშემო ბევრი მეგობარია ვინც ჯანსაღი ცხოვრების სტილი აირჩია და დაიწო ვარჯიში, დილით დარბის ან ცურავს.

6. შენ ორივეჯერ აჩვენე ყველაზე მაღალი რეზულტატი ქართველ ქალბატონებს შორის. შენი წლევანდელი მიზანი რამდენი კილომეტრის გადალახვა არის? 

30 კმ. რთული იქნება,მაგრამ ვეცდები მივაღწიო მიზანს.

წარმატებებს გისურვებთ 8 მაისს. ძალიან გვინდა, რომ ქალ მორბენლებში გამარჯვებული საქართველოდან იყოს. ეს უდიდესი სტიმული იქნება გოგონებისთვის, რომ ვარჯიში დაიწყონ და დიდი სიხარული ყველასთვის, ვინც რბენას ადევნებს თვალყურს.