კაკაოს ზეთზე დამზადებული თმის ნიღბები

კაკაო და მისგან დამზადებული პროდუქტები განსაკუთრებული გასტრონომიული ღირსებების გარდა ეფექტურად გამოიყენება მედიცინაში და კოსმეტოლოგიაში. ეს მცენარეული პროდუქტი მდიდარია რკინით, კალციუმით, იოდით, მაგნიუმით და ჰიპოალერგიულიცაა, რის გამოც ბავშვებისთვისაც უვნებელია. მას აღდგენის უნარი გააჩნია, რის გამო ხშირად მოიხმარენ ნაწიბურების მოსაშუშებლად, პიგმენტაციის და სტრიების პრობლემების მოსაგვარებლად. კოსმეტოლოგიური მიზნებით გამოყენებული კაკაოს ზეთი კი კანის, ფრჩხილების, თმის მდგომარეობას მნიშვნელოვნად აუმჯობესებს. დღეს თმის მოვლაზე ვისაუბრებთ და რამდენიმე ნიღაბს შემოგთავაზებთ თმის ცვენის შესაჩერებლად, ზოგადად, თმის მბზინვარებისთვის და გასამაგრებლად.

თმის გასამაგრებელი ნიღაბი - 2 სუფრის კოვზ როზმარინს დავასხათ 100 მლ. მდუღარე წყალი და ნახევარი საათით გავაჩეროთ. ცოტა რომ შეგრილდება მარლით გადავწუროთ. 2 სუფრის კოვზი შემთბარი კაკაოს ზეთი (აფთიაქებში იყიდება) დავუმატოთ როზმარინის ნაყენს და მიღებული სითზე თმის ძირებში და ღერებში შევიზილოთ, შემოვიხვიოთ პოლიეთილენის პარკი, გარედან პირსახოცი და 2 საათი გავიჩეროთ. ნიღაბი შამპუნით ჩამოვიბანოთ. სასურველი შედეგის მისაღებად საჭიროა 10-12 ასეთი პროცედურის ჩატარება. კვირის განმავლობაში რეკომენდირებულია მაქსიმუმ 2 ნიღბის გაკეთება.