კვების ზოგადი რჩევები მარათონისთვის მზადებისას

წყალი ბაკურიანი" უკვე რამდენიმე წელია, რაც Wings for Life-ის მსოფლიო რბენის პარტნიორი და მხარდამჭერია. გამონაკლისი არც წლევანდელი წელია და ამჯერადაც "წყალი ბაკურიანი" 7 მაისს, 15:00 საათისთვის, კახეთში, ლოპოტის ხეობაში დაგეგმილ რბენას უჭერს მხარს და ჩვენი ბლოგის მეშვეობით მარათონისთვის მოსამზადებელ პროცესში პერიოდულად სასარგებლო რეკომენდაციებს გაგიზიარებთ.

ზოგადად, როცა სისტემატურად ვვარჯიშობთ და ფიზიკურად აქტიურები ვართ, დაბალანსებულ კვებას დიდი მნიშვნელობა აქვს. თუმცა, როცა ეს დატვირთვა იზრდება და საქმე მარათონისთვის მზადებას ეხება, ასეთ შემთხვევაში კვებაც მაქსიმალურად ოპტიმალური უნდა იყოს. რას გვრიჩევენ ექიმები?

- საჭირო რაოდენობით მივიღოთ ნახშირწყლები. ხანგრძლივი სირბილის დროს ნებისმიერს შეიძლება წარმოეშვას ნახშირწყლების "საწვავის ამოწურვის" პრობლემა: ეს ის საწვავია, რომელსაც ორგანიზმი მაღალი ინტენსივობის ვარჯიშის დროს იყენებს ენერგიის მისაღებად და რომელიც კუნთებსა და ღვიძლში გლიკოგენის სახით ინახება. ნახშირწყლების მარაგის უცებ დავარდნის დროს, ტვინსა და კუნთებს მყისიერად დაღლილობა მოიცავს. ეს კრიზისი ხანგრძლივი სირბილის დროს ნებისმიერს შეიძლება დაემართოს, ამიტომაც, მისი მაქსიმალურად პრევენციისთვის ექიმები მარათონამდე და უშუალოდ მის წინ საკმარისი ოდენობით ნახშირწყლების მიღებას გვირჩევენ: მაკარონის ნაწარმი, კარტოფილი, კონკრეტული ხილი და ბოსტნეული.

- ცილების მნიშვნელობაც არ უნდა დაგვავწიყდეს ამ დროს, განსკუთრებით, დიდ დისტანციაზე სირბილის შემდეგ, როცა კუნთის დაზიანებულ ქსოვილებს აღდგენა და ახლის წარმოქმნის სტიმულირებაა საჭირო. სირბილის შემდეგ იდეალურია რძის დალევა, ყველის, მაწონის, თეთრი ხორცის და კვერცხის მირთმევა.

მოკლედ, ვინაიდან მარათონამდე ერთი თვეა დარჩენილი, დრო საკმარისად გაქვთ საიმისოდ, რომ ორგანიზმი და თქვენი სხეული მაქსიმალურად მოამზადოთ ხანგრძლივი და ინტენსიური სირბილისთვის.