_from blog_:
_June_ 12, 2017
_by_ Anika
წონაში დასაკლებად მადის დათრგუნვა ბევრისთვის ერთ-ერთ სტრატეგიული ნაბიჯია: დაქვეითებული მადა გულისხმობს ნაკლები საკვების მიღებას, შესაბამისად ნაკლებ კილოკალორიებს და ლოგიკურად, ზედმეტი კილოგრამების კლებას. ხშირად, მადის დასათრგუნად ათასგვარ ქიმიურ პრეპარატებს მიმართავენ, რომელთაც ლამაზად ფუთავენ და რეკლამასაც არ იშურებენ - მსგავსი პრეპარატების მიმართ სკეპტიკური დამოკიდებულება დღემდე არ გამნელებია, მითუმეტეს იმის გათვალისწინებით, რომ არსებობს არაერთი ნატურალური პროდუქტი, რომელიც ბუნებრივად გვეხმარება მადის გაკონტროლებასა და დათრგუნვაში.
ნუში - ერთი მუჭა ნუში ორგანიზმს ანტიოქსიდანტებით, მაგიუმით, E ვიტამინით მოამარაგებს და იმავდროულად ადვილად მოგვრის დანაყრების შეგრძნებასაც.
ყავა - დღის განმავლობაში ზომიერი ოდენობით მირთმეული ყავა მეტაბოლიზმს აჩქარებს და მადის დათრგუნვასაც უწყობს ხელს. მხოლოდ რაოდენობა აკონტროლეთ - ზედმეტი ოდენობა არასასიკეთოდ აისახება ნერვულ სისტემაზე.
კოჭა - საუკუნეებია, რაც კოჭას საჭმლის მომნელებელ სისტემაზე მისი დადებითი მოქმედების გამო აქტიურად იყენებს - ის მასტიმულირებელ ეფექტს ახდენს ორგანიზმზე, აუმჯობესებს საჭმლის მონელებას და ანელებს შიმშილის შეგრძნებას.
ავოკადო - უჯრედისით და ჯანსაღი მონოუჯერი ცხიმებით მდიდარი ავოკადო იდეალურია მადის დასათრგუნად: მასში შემავალი ცხიმები ტვინს დანაყრების შესახებ სიგნალს უგზავნიან და ჩვენც შესაბამისად, დროულად ვწყვეტთ საკვების მიღებას.
კაიენის პილპილი - ჟურნალ Physiology & Behavior -ში გამოქვეყნებული კვლევის შედეგების თანახმად, ამ წითელი შეფერილობის პილპილის ნახევარი ჩაის კოვზის დოზა სრულიად საკმარისია მეტაბოლიზმის გასაძლიერებლად და ზედმეტი კილოკალორიების დასაწვავად.
ვაშლი - ეს ხილი მდიდარია ხსნადი უჯრედისით და პექტინით, რაც ადვილად დანაყრებაში გვეხმარება. ამას გარდა, ვაშლი სისხლში გლუკოზის დონეს არეგულირებს და ენერგიით ამარაგებს ორგანიზმს.
წყალი - ჯანსაღი ცხოვრების წესი ყოველდღიურად 2 ლიტრამდე წყლის მიღებას რომ გულისხმობს, ეს უკვე კარგად ვიცით. საკვების მიღებამდე ერთი საათით ადრე 2 ჭიქა წყლის დალევა კი მადის გაკონტროლებაშიც დაგვეხმარება - საშუალო მაჩვენებლით,