ბლოგი:
სექტემბერი 13, 2013
ავტორი Anika
ზაფხულის მზიანი ამინდების განწყობიდან გამოსულები ნელ-ნელა საზაფხულო ფერებსაც ვემშვიდობებით - დროებით, რასაკვირველია და ძალდაუტანებლად. ეს ყველაფერი ისე ბუნებრივად მოდის, ისე ჩაანაცვლებს ხოლმე მყვირალა ვარდისფერს ჩამცხრალი მარჯანისფერი ან კაშკაშა ლურჯს მუქი ნაცრისფერი, რომ ამისთვის დიდი დაფიქრება-ანალიზი არ გვჭირდება.
თუმცა, ამ თავისდაუნებურად მიმდინარე ცვლილებების მიუხედავად, ყოველსეზონური მოდის ჩვენებები და მათგან გამომდინარე წამოსული ხანგრძლივი თუ მოკლევადიანი ტენდენციები მაინც ახდენენ ჩვენზე გავლენას, რაშიც ნეგატიურს ვერაფერს ვხედავ - ხშირად, გრძნობ, რომ გარკვეული ცვლილება გესაჭიროება, მაგრამ ვერაფრით ხვდები რა შეიძლება გინდოდეს. ასეთ დროს, “ჩამოწოდებული” იდეა ან რჩევა კი შეიძლება ძალიანაც სასარგებლო აღმოჩნდეს.
ბევრი რომ არ გავაგრძელო, დღევანდელ პოსტში 2013-14 წლის შემოდგომა-ზამთრის მოდის ჩვენებებზე გამოკვეთილ რამდენიმე ტენდენციას გაგაცნობთ, რომლებიც ცივ სეზონზე მანიკურის გადასახალისებლად შეიძლება გამოგადგეთ.
ჩემი და ალბათ, ბევრი თქვენგანის საყვარელი Khaki (ჩვენებურად ხაკისფერს რომ ვეძახით) ერთ-ერთი ყველაზე აქტუალური ფერია ამ სეზონის ჩვენებებზე. ამ ფერის პალიტრას, ღია ტონალობიდან მუქის ჩათვლით, სხვებთან ერთად, Chanel-ის და Dior-ის საშემოდგომო კოლექციებშიც შეხვდებით, ყველაზე ეფექტური კი ეს ფერი მოკლე ფრჩხილებზეა.
Alexander Wang
Nude ანუ შიშველი ეფექტის მქონე მანიკური პოდიუმებზე ღია ნაცრისფერ, რძისფერ და ბეჟ ტონალობებში იყო გადათამაშებული. ამ ფერს ერთი დიდი პლიუსი აქვს: ის ყველაზე ნაკლებ პრეტენზიულია - ნებისმიერი სიგრძის და ფორმის ფრჩხილს უხდება და არც მის გარდერობთან შეხამებაზე გექნებათ თავი სამტვრევი.
Chanel
ვარდისფერი ტონალობების მოყვარულებს თამამად შეგიძლიათ მათი მოხმარება განაგრძოთ, როგორც ეს Chanel-ის და Giorgio Armani Prive-ს ჩვენებებზე იყო. სხვათაშორის, ამ სეზონზე ვარდისფერი, მანიკურის გარდა, ჩაცმულობაშიც და მაკიაჟშიც უხვად არის წარმოდგენილი.
Marni
კიდევ ერთი საინტერესო ტენდენცია ოქროსფერში გადაწყვეტილი ფრჩხილები იყო, რომელიც კლასიკური გაგებით, საღამოს გასვლით ღონისძიებებს უფრო შეეფერება, თუმცა დღისითაც, არანაკლებ ჰარმონიულად შეგიძლიათ გამოიყენოთ. მსგავსი ფერები კი OPI-ს და CND-ს საშემოდგომო კოლექციებში მოიძიეთ.
დროებით,
ანიკა
თუმცა, ამ თავისდაუნებურად მიმდინარე ცვლილებების მიუხედავად, ყოველსეზონური მოდის ჩვენებები და მათგან გამომდინარე წამოსული ხანგრძლივი თუ მოკლევადიანი ტენდენციები მაინც ახდენენ ჩვენზე გავლენას, რაშიც ნეგატიურს ვერაფერს ვხედავ - ხშირად, გრძნობ, რომ გარკვეული ცვლილება გესაჭიროება, მაგრამ ვერაფრით ხვდები რა შეიძლება გინდოდეს. ასეთ დროს, “ჩამოწოდებული” იდეა ან რჩევა კი შეიძლება ძალიანაც სასარგებლო აღმოჩნდეს.
ბევრი რომ არ გავაგრძელო, დღევანდელ პოსტში 2013-14 წლის შემოდგომა-ზამთრის მოდის ჩვენებებზე გამოკვეთილ რამდენიმე ტენდენციას გაგაცნობთ, რომლებიც ცივ სეზონზე მანიკურის გადასახალისებლად შეიძლება გამოგადგეთ.
ჩემი და ალბათ, ბევრი თქვენგანის საყვარელი Khaki (ჩვენებურად ხაკისფერს რომ ვეძახით) ერთ-ერთი ყველაზე აქტუალური ფერია ამ სეზონის ჩვენებებზე. ამ ფერის პალიტრას, ღია ტონალობიდან მუქის ჩათვლით, სხვებთან ერთად, Chanel-ის და Dior-ის საშემოდგომო კოლექციებშიც შეხვდებით, ყველაზე ეფექტური კი ეს ფერი მოკლე ფრჩხილებზეა.
Alexander WangNude ანუ შიშველი ეფექტის მქონე მანიკური პოდიუმებზე ღია ნაცრისფერ, რძისფერ და ბეჟ ტონალობებში იყო გადათამაშებული. ამ ფერს ერთი დიდი პლიუსი აქვს: ის ყველაზე ნაკლებ პრეტენზიულია - ნებისმიერი სიგრძის და ფორმის ფრჩხილს უხდება და არც მის გარდერობთან შეხამებაზე გექნებათ თავი სამტვრევი.
Chanelვარდისფერი ტონალობების მოყვარულებს თამამად შეგიძლიათ მათი მოხმარება განაგრძოთ, როგორც ეს Chanel-ის და Giorgio Armani Prive-ს ჩვენებებზე იყო. სხვათაშორის, ამ სეზონზე ვარდისფერი, მანიკურის გარდა, ჩაცმულობაშიც და მაკიაჟშიც უხვად არის წარმოდგენილი.
Marniკიდევ ერთი საინტერესო ტენდენცია ოქროსფერში გადაწყვეტილი ფრჩხილები იყო, რომელიც კლასიკური გაგებით, საღამოს გასვლით ღონისძიებებს უფრო შეეფერება, თუმცა დღისითაც, არანაკლებ ჰარმონიულად შეგიძლიათ გამოიყენოთ. მსგავსი ფერები კი OPI-ს და CND-ს საშემოდგომო კოლექციებში მოიძიეთ.
დროებით,
ანიკა