მარტივი ყოველდღიური რჩევები წონაში დასაკლებად

ხომ იცით, როგორც ხდება ხოლმე, აი ის ზემდეტი 3-4 კგ ჩუმად რომ შემოგეპარება და შემდეგ დაუღალავი შრომა და ბრძოლა რომ გიწევს მათ დასაკლებად. მკაცრად გაწერილი დიეტები ბევრისთვის გამოსავალი არ არის, ვინაიდან ლიმიტირებული და რეგლამენტირებული კვება განწყობაზე და ემოციებზე ნეგატიურად აისახება. ჩემთვის და სავარაუდოდ, ბევრი თქვენგანისთვისაც, ალბათ, დაბალანსებული დღის განრიგი და ნელ-ნელა უმტკივნეულად დაკლებული კილოგრამები არის იდეალური გასაღები ამ სიტუაციაში. დღევანდელ პოსტში რამდენიმე მარტივ რჩევას გაგიზიარებთ, რომლებიც რამდენიმე თვიან პერსპექტივაში კვების მოწესრიგებაში და წონაში დაკლებაში დაგეხმარებათ.

1. სავალდებულო წესით მიირთვის საუზმე და არც იფიქროთ იმაზე, რომ საუზმის გამოტოვებით კალორიებს დაზოგავთ. საშუალოდ 300-400 კკალ გაიანგარიშეთ დილის კვებაზე და ცილებს, უჯრედისს და ჯანსაღ ცხიმს მიანიჭეთ.

2. შეეცადეთ ბოსტნეული დღის ყველა კვებაში ჩართოთ. შეგახსენებთ, რომ ბოსტნეული მინიმალური ოდენობით შეიცავს კალორიებს, მდიდარია უჯრედისით, დიდი ხნით გვანაყრებს და იმავდროულად ორგანიზმს საჭირო ვიტამინების და ნივთიერებებითაც ამარაგებს.

3. დღის ერთი კონკრეტული კვება დაუთმეთ მსუყე და გემრიელი სალათის დიდ ულუფას. სალათი შეგიძლიათ ბოსტნეულის და ხილის ნაირსახეობებით, სალათის ფოთლების გამოყენებით მოამზადოთ, რასაც საყვარელ საკმაზებს და მცენარეულ ზეთს დაუმატებთ და მცირე ოდენობით ქინოას ან კუსკუსს.

4. ნახშირწყლებით და შაქრით გაჯერებული პროდუქტების ნაცვლად, ცილებით და უჯრედისით მდიდარი საკვებით წაისუსნავეთ: მაგალითად, შვრიის ფანტელებისგან, ბანანისგან და ვანილის პროტეინის ფხვნილისგან შეგიძლიათ დესერტის ბურთულები მოამზადოთ, რომელიც დესერტის ფანტასტიური ალტერნატივაა.

5. ეტაპობრივად შეამცირეთ შაქრის მოხმარება: ფინჯან ყავაშ ნელ-ნელა სულ უფრო მცირე ოდენობით შაქარი ჩაყარეთ, შვრიის ფაფაში შაქრის ნაცვლად ბანანი ჩაჭყლიტეთ, სახლში ორცხობილების ან კექსის გამოცხობისას კი დასატკბობად ხილი გამოიყენეთ ალტერნატივად,.

6.