ბლოგი:
ივლისი 05, 2017
ავტორი Anika
გამართული და კარგად მომუშავე მეტაბოლური სისტემა, ალბათ, ყველა ჩვენგანის საზრუნავია: წარმოიდგინეთ პროცესი, რომელიც საკვებს ენერგიად გარდაქმნის და ნებისმიერი ჩვენი მოქმედებისთვის ენერგიით გვამარაგებს. ძილის დროსაც კი, როცა ერთი შეხედვით პასიურად ვართ და თითქოს ენერგია დიდად არაფერში უნდა გვესაჭიროებოდეს, რეალურად, სუნთქვისა და დაზიანებული უჯრედების აღდგენისთვის ენერგია მაინც გვესაჭიროება.
როგორ მოვიქცეთ საიმისოდ, რომ მეტაბოლიზმმა მაქსიმალურად ეფექტიანად იმუშაოს და ჩვენც შესაბამისად, შეძლებისდაგვარად მეტი ოდენობის კალორიები დავწვათ.
პირველ რიგში უნდა გავითვალისწინოთ, რომ დიეტები და არანორმირებული კვება დღის განმავლობაში საკმაოდ ვნებს ჩვენს მეტაბოლიზმს - ანელებს მას. ამას ადასტურებს არაერთი კლინიკური კვლევა, ამიტომაც, ამ შენელების თავიდან ასაცილებლად, საჭიროა სისტემატური ვარჯიში: თუ კვებით შეზღუდვას ფიზიკურ აქტივობებს შევუთავსებთ, ამ გზით დავაბალანსებთ მეტაბოლიზმის შენელებას. რაც შეეხება საკვების შეზღუდვას, ექიმები გვირჩევენ დღიური ნორმა 500 კკალ-ზე მეტით არ შევამციროთ, დაახლოებით იმავე ოდენობის კალორიები დავწვათ ვარჯიშის დროს და საბოლოო ჯამში დღიურად 1000 კკალ-ის დეფიციტი მოგვცემს სასურველ შედეგს - წონაში კლებას.
ერთ-ერთი მნიშვნელოვანი ფაქტორი, რომელიც მეტაბოლიზმს ანელებს, ქრონიკული სტრესია. სტრესული მდგომარეობის დროს ორგანიზმში ცილა ბეტატროფინი გამოიყოფა, რომელიც ცხიმების დაშლისთვის აუცილებელი ენზიმებს აფერხებს.
ძალოვანი ვარჯიშები (მაგ, ჰანტელებით) მნიშვნელოვნად უწყობს ხელს წლებთან ერთად შენელებული მეტაბოლიზმის გამოცოცხლებას. თუმცა, უახლესი კვლევების მიხედვით, ძალოვანი ვარჯიშების დროს კარგი შედეგის მისაღებად საჭიროა მისვლებს შორის 2-3 წუთანი შესვენება. როგორც ამბობენ, ასე კუნთოვანი მასის ზრდაც უფრო ეფექტიანად მოხდება ვიდრე მისვლებს შორის ძალიან მცირე დასვენებების დროს. ჰანტელებით თუ სხვა სიმძიმეებით ვარჯიში კვირის განმალობაში 2-3 ჯერ არის რეკომენდებული და მნიშვნელოვანია ამ რეჟიმის დაცვა.
დღის განმავლობაში საჭირო რაოდენობის წყლის მიღება კიდევ ერთი არანაკლებ მნიშვნელოვანი წინაპირობაა გამართული მეტაბოლიზმისთვის: დღიური მინიმუმი 1.5-2 ლიტრს შეადგენს.
და ბოლოს, არ დაგვავიწყდეს, რომ ცილები უმნიშვნელოვანესია კუნთოვანი მასის ფორმირებისთვის და შესაბამისად, მეტი ოდენობის კალორიების წვისთვის.
მომდევნო პოსტამდე,
ანიკა
როგორ მოვიქცეთ საიმისოდ, რომ მეტაბოლიზმმა მაქსიმალურად ეფექტიანად იმუშაოს და ჩვენც შესაბამისად, შეძლებისდაგვარად მეტი ოდენობის კალორიები დავწვათ.
პირველ რიგში უნდა გავითვალისწინოთ, რომ დიეტები და არანორმირებული კვება დღის განმავლობაში საკმაოდ ვნებს ჩვენს მეტაბოლიზმს - ანელებს მას. ამას ადასტურებს არაერთი კლინიკური კვლევა, ამიტომაც, ამ შენელების თავიდან ასაცილებლად, საჭიროა სისტემატური ვარჯიში: თუ კვებით შეზღუდვას ფიზიკურ აქტივობებს შევუთავსებთ, ამ გზით დავაბალანსებთ მეტაბოლიზმის შენელებას. რაც შეეხება საკვების შეზღუდვას, ექიმები გვირჩევენ დღიური ნორმა 500 კკალ-ზე მეტით არ შევამციროთ, დაახლოებით იმავე ოდენობის კალორიები დავწვათ ვარჯიშის დროს და საბოლოო ჯამში დღიურად 1000 კკალ-ის დეფიციტი მოგვცემს სასურველ შედეგს - წონაში კლებას.
ერთ-ერთი მნიშვნელოვანი ფაქტორი, რომელიც მეტაბოლიზმს ანელებს, ქრონიკული სტრესია. სტრესული მდგომარეობის დროს ორგანიზმში ცილა ბეტატროფინი გამოიყოფა, რომელიც ცხიმების დაშლისთვის აუცილებელი ენზიმებს აფერხებს.
ძალოვანი ვარჯიშები (მაგ, ჰანტელებით) მნიშვნელოვნად უწყობს ხელს წლებთან ერთად შენელებული მეტაბოლიზმის გამოცოცხლებას. თუმცა, უახლესი კვლევების მიხედვით, ძალოვანი ვარჯიშების დროს კარგი შედეგის მისაღებად საჭიროა მისვლებს შორის 2-3 წუთანი შესვენება. როგორც ამბობენ, ასე კუნთოვანი მასის ზრდაც უფრო ეფექტიანად მოხდება ვიდრე მისვლებს შორის ძალიან მცირე დასვენებების დროს. ჰანტელებით თუ სხვა სიმძიმეებით ვარჯიში კვირის განმალობაში 2-3 ჯერ არის რეკომენდებული და მნიშვნელოვანია ამ რეჟიმის დაცვა.
დღის განმავლობაში საჭირო რაოდენობის წყლის მიღება კიდევ ერთი არანაკლებ მნიშვნელოვანი წინაპირობაა გამართული მეტაბოლიზმისთვის: დღიური მინიმუმი 1.5-2 ლიტრს შეადგენს.
და ბოლოს, არ დაგვავიწყდეს, რომ ცილები უმნიშვნელოვანესია კუნთოვანი მასის ფორმირებისთვის და შესაბამისად, მეტი ოდენობის კალორიების წვისთვის.
მომდევნო პოსტამდე,
ანიკა