_from blog_:
_October_ 05, 2015
_by_ Anika
წლევანდელი შემოდგომისთვის იმდენი საინტერესო სიახლე შემოგვთავაზეს მსოფლიოს წამყვანმა კოსმეტიკურმა ბრენდებმა, რომ მათი ერთ პოსტში მოქცევა წარმოდუგენელი იქნება, ამიტომაც დღეს მხოლოდ რამდენიმე მათგანს გაგაცნობთ, რომლებიც ჩემი სუბიექტური შეფასებით გამოვარჩიე.
რა შეიძლება მოხდეს, როცა იტალიური კინოს ლეგენდა სოფი ლორენი და ცნობილი იტალიური მოდის სახლი Dolce & Gabbana ერთიანდებიან?! ბევრი რამ. ამჯერად, კი ამ თანამშრომლობის შედეგად ულამაზესი ფერის ტუჩის საცხი მივიღეთ, რომელსაც "სოფიას წითელს" უწოდებენ - თუ თქვენ მსახიობის საკულტო ტუჩის ფერი გახსოვთ და მოგწონთ, მაშინ ეს საცხი - Sophia Loren N1 , რომელიც მოვარდისფრო-მოწითალო ფერისაა და მწიფე ალუბლის ფერსაც მოგაგონებთ - აუცილებლად უნდა გამოსცადოთ.
ჩემი საყვარელი კოსმეტიკური ბრენდი Clinique ერთდროულად 3 სიახლეს წარმოგვიდგენს Clinique Smart -ის ხაზში. ეს ხაზი ინტელექტუალური ტექნოლოგიებითაა ცნობილი, რომლის წყალობითაც მიზანმიმართულად ებრძვის ისეთ პრობლემებს როგორიცაა ნაოჭები, სიმკვრივის დაკარგვა, სიმშრალე და არაერთგვაროვანი კანის ფერი. სიახლის სახით ამჯერად თვალის საცხი Clinique Smart Custom-Repair Eye Treatment, დამატენიანებელი სახის საცხი Clinique Smart SPF 15 Custom-Repair Moisturizer და ღამის სპეციალური დამატენიანებელი საცხი Clinique Smart Night Custom-Repair Moisturizer არის წარმოდგენილი.
იტალიური მოდის სახლ Moschino-ს ახალმა შემოქმედებითმა დირექტორმა ჯერემი სკოტმა საკუთარი ირონიულობა არც პარფიუმერიის მიმართულებით დაზოგა და ახალი სუნამო არც მეტი არც ნაკლები სარეცხი საშუალების ბოთლში მოათავსა. ახალი სურნელი სახელწოდებით Fresh Couture ბერგამოტის, ილანგ-ილანგის, მანდარინის, პაჩულის და თეთრი პიონის ნოტებით გამოირჩევა - საკმაოდ აღმოსავლური მიქსი გამოდის.
ივ სენ ლორანის კოსმეტიკის ლოიალურ მომხმარებლებს გაუხარდებათ იმის გაგება, რომ ორი ყველაზე პოპულარული პროდუქტი: კორექტორი touche eclat და თვალის ჩრდილების პალიტრა Couture Palette საკოლექციო, განსაკუთრებულ შეფუთვაში გამოვა. ტრადიციული, სადა ოქროსფერი შეფუთვის ნაცვლად ამჯერად ზემოთჩამოთვლილი ნივთები ლეგენდარული სენ ლორანის საყვარელი გამჭვირვალე ქსოვილების და კოპლებიანი კოლგოტის ინსპირაციის მიხედვით იქნება გადაწყვეტილი: ძალიან მომწონს!
მომდევნო პოსტამდე,
ანიკა
რა შეიძლება მოხდეს, როცა იტალიური კინოს ლეგენდა სოფი ლორენი და ცნობილი იტალიური მოდის სახლი Dolce & Gabbana ერთიანდებიან?! ბევრი რამ. ამჯერად, კი ამ თანამშრომლობის შედეგად ულამაზესი ფერის ტუჩის საცხი მივიღეთ, რომელსაც "სოფიას წითელს" უწოდებენ - თუ თქვენ მსახიობის საკულტო ტუჩის ფერი გახსოვთ და მოგწონთ, მაშინ ეს საცხი - Sophia Loren N1 , რომელიც მოვარდისფრო-მოწითალო ფერისაა და მწიფე ალუბლის ფერსაც მოგაგონებთ - აუცილებლად უნდა გამოსცადოთ.
ჩემი საყვარელი კოსმეტიკური ბრენდი Clinique ერთდროულად 3 სიახლეს წარმოგვიდგენს Clinique Smart -ის ხაზში. ეს ხაზი ინტელექტუალური ტექნოლოგიებითაა ცნობილი, რომლის წყალობითაც მიზანმიმართულად ებრძვის ისეთ პრობლემებს როგორიცაა ნაოჭები, სიმკვრივის დაკარგვა, სიმშრალე და არაერთგვაროვანი კანის ფერი. სიახლის სახით ამჯერად თვალის საცხი Clinique Smart Custom-Repair Eye Treatment, დამატენიანებელი სახის საცხი Clinique Smart SPF 15 Custom-Repair Moisturizer და ღამის სპეციალური დამატენიანებელი საცხი Clinique Smart Night Custom-Repair Moisturizer არის წარმოდგენილი.
იტალიური მოდის სახლ Moschino-ს ახალმა შემოქმედებითმა დირექტორმა ჯერემი სკოტმა საკუთარი ირონიულობა არც პარფიუმერიის მიმართულებით დაზოგა და ახალი სუნამო არც მეტი არც ნაკლები სარეცხი საშუალების ბოთლში მოათავსა. ახალი სურნელი სახელწოდებით Fresh Couture ბერგამოტის, ილანგ-ილანგის, მანდარინის, პაჩულის და თეთრი პიონის ნოტებით გამოირჩევა - საკმაოდ აღმოსავლური მიქსი გამოდის.
ივ სენ ლორანის კოსმეტიკის ლოიალურ მომხმარებლებს გაუხარდებათ იმის გაგება, რომ ორი ყველაზე პოპულარული პროდუქტი: კორექტორი touche eclat და თვალის ჩრდილების პალიტრა Couture Palette საკოლექციო, განსაკუთრებულ შეფუთვაში გამოვა. ტრადიციული, სადა ოქროსფერი შეფუთვის ნაცვლად ამჯერად ზემოთჩამოთვლილი ნივთები ლეგენდარული სენ ლორანის საყვარელი გამჭვირვალე ქსოვილების და კოპლებიანი კოლგოტის ინსპირაციის მიხედვით იქნება გადაწყვეტილი: ძალიან მომწონს!
მომდევნო პოსტამდე,
ანიკა