_from blog_:
_May_ 31, 2013
_by_ Anika
თითქმის ყოველთვიურად, ანიკას ბლოგი უახლესი პარფიუმერული სიახლეების შესახებ გიზიარებთ ინფორმაციას. დღევანდელ პოსტში ისევ ამ თემას მინდა მივუბრუნდე და რამდენიმე საზაფხულო, ახალი თუ გადახალისებულ/გადასხვაფერებული სურნელის შესახებ მოგიყვეთ.
Gucci-ის უკვე ცნობილი არომატი Gucci Flora, რომელიც სახლის ამჟამინდელი შემოქმედებითი დირექტორის ფრიდა ჯანინის მიერ გრეის კელისადმი მიძღვნილი ორნამენტის საპატივცემულოდ შეიქმნა რამდენიმე წლის წინ, სულ მალე ახლებური ვერსიით წარსდგება აუდიტორიის წინაშე. ამჯერად სუნამოს Flora 1966-ის სახელი ექნება, რაც იმ თარიღზე მიუთითებს, როდესაც მონაკოს რჩეული, ქერათმიანი ლამაზმანის ინსპირაციით ლეგენდარულმა იტალიურმა სახლმა ეს ცნობილი, ყვავილებიანი პრინტი შექმნა. სურნელი ბერგამოტის და წიწაკის არომატებით იხსნება, მას შუაგულში პიონის და ვარდის ნოტები ამძაფრებს, ხოლო სურნელის “ლეიტმოტივი” კი პაჩულის, ვეტივერის და მუსკუსის ნოტებია. ძველ ბოთლთან შედარებით, ახალი ოდნავ უფრო მაღალი და ვიწროა და Gucci-ის ყვავილებიანი პრინტით გაწყობილ ქისაშია მოთავსებული. სურნელის არ ვიცი, მაგრამ შეფუთვა ნამდვილად მიმზიდველად გამოიყურება.
ახალ სეზონზე Dior-ის მოდის სახლი ჩვეულ ტრადიციას არ დარღვევს და მისი ერთ-ერთი ყველაზე პოპულარული ტუალეტის წყლის Addict-ის “შემსუბუქებულ” ვარიანტს წარმოგვიდგენს. სიახლე Eau Délice-ის სახელით იქნება გაყიდვაში და მისი აღწერილობის და წარსულის სტატისტიკის გათვალისწინებით, შეგვიძლია ვივარაუდოთ, რომ ის ბესტსელერობის პრეტენდენტი ნამდვილად არის. სურნელის შემქმნელების თქმით, შტოშის, ჟასმინის ყვავილების, ბამბის, ილანგ-ილანგის და თეთრი მუსკუსის ნოტებით გაჯერებული წყალი ახალგაზრდობის სიმბოლოა და საზაფხულოდ აყვავებულ ბაღებს, პარკებსა და ბუნებაში პიკნიკებთან ასოცირდება. Addict-ის თაყვანისმცემელთა საყურადღებოდ: არომატი გაყიდვაში ივნისის მეორე ნახევრიდან გამოვა.
მაიამის ქვიშიან სანაპიროებზე დასვენებით შთაგონებულმა ოლივიე რუსტანმა კი Balmain Eau d'Ivoire-ის საკულტო სურნელის საზაფხულო ვარიანტი შექმნა. ახალ ტუალეტის წყალში პაჩულის, ვანილის, მაგნოლიის ნაზი ნოტები ჭარბობს და ის ღია ვარდისფერ შეფუთვაშია მოთავსებული. არომატი ევროპაში გაყიდვაში 1 ივნისიდან იქნება.
სურნელოვან ზაფხულს გისრუვებთ!
მომდევნო პოსტამდე,
ანიკა
Gucci-ის უკვე ცნობილი არომატი Gucci Flora, რომელიც სახლის ამჟამინდელი შემოქმედებითი დირექტორის ფრიდა ჯანინის მიერ გრეის კელისადმი მიძღვნილი ორნამენტის საპატივცემულოდ შეიქმნა რამდენიმე წლის წინ, სულ მალე ახლებური ვერსიით წარსდგება აუდიტორიის წინაშე. ამჯერად სუნამოს Flora 1966-ის სახელი ექნება, რაც იმ თარიღზე მიუთითებს, როდესაც მონაკოს რჩეული, ქერათმიანი ლამაზმანის ინსპირაციით ლეგენდარულმა იტალიურმა სახლმა ეს ცნობილი, ყვავილებიანი პრინტი შექმნა. სურნელი ბერგამოტის და წიწაკის არომატებით იხსნება, მას შუაგულში პიონის და ვარდის ნოტები ამძაფრებს, ხოლო სურნელის “ლეიტმოტივი” კი პაჩულის, ვეტივერის და მუსკუსის ნოტებია. ძველ ბოთლთან შედარებით, ახალი ოდნავ უფრო მაღალი და ვიწროა და Gucci-ის ყვავილებიანი პრინტით გაწყობილ ქისაშია მოთავსებული. სურნელის არ ვიცი, მაგრამ შეფუთვა ნამდვილად მიმზიდველად გამოიყურება.
ახალ სეზონზე Dior-ის მოდის სახლი ჩვეულ ტრადიციას არ დარღვევს და მისი ერთ-ერთი ყველაზე პოპულარული ტუალეტის წყლის Addict-ის “შემსუბუქებულ” ვარიანტს წარმოგვიდგენს. სიახლე Eau Délice-ის სახელით იქნება გაყიდვაში და მისი აღწერილობის და წარსულის სტატისტიკის გათვალისწინებით, შეგვიძლია ვივარაუდოთ, რომ ის ბესტსელერობის პრეტენდენტი ნამდვილად არის. სურნელის შემქმნელების თქმით, შტოშის, ჟასმინის ყვავილების, ბამბის, ილანგ-ილანგის და თეთრი მუსკუსის ნოტებით გაჯერებული წყალი ახალგაზრდობის სიმბოლოა და საზაფხულოდ აყვავებულ ბაღებს, პარკებსა და ბუნებაში პიკნიკებთან ასოცირდება. Addict-ის თაყვანისმცემელთა საყურადღებოდ: არომატი გაყიდვაში ივნისის მეორე ნახევრიდან გამოვა.
მაიამის ქვიშიან სანაპიროებზე დასვენებით შთაგონებულმა ოლივიე რუსტანმა კი Balmain Eau d'Ivoire-ის საკულტო სურნელის საზაფხულო ვარიანტი შექმნა. ახალ ტუალეტის წყალში პაჩულის, ვანილის, მაგნოლიის ნაზი ნოტები ჭარბობს და ის ღია ვარდისფერ შეფუთვაშია მოთავსებული. არომატი ევროპაში გაყიდვაში 1 ივნისიდან იქნება.
სურნელოვან ზაფხულს გისრუვებთ!
მომდევნო პოსტამდე,
ანიკა