პროდუქტები, რომლებიც მალულად შეიცავენ შაქარს

როცა საქმე ტკბილეულს და საკონდიტრო ნაწარმს ეხება, ყველამ კარგად ვიცით, რომ საქმე დიდი ოდენობთ შაქართან და ჭარბ კალორიებთან გვაქვს. თუმცა, ხშირად არის, რომ წარმოდგენაც არ გვაქვს ისე მივირთმევთ შაქრით გაჯერებულ საკვებს - ერთი შეხედვით უმტკივნეულო, მაგრამ ფარულად საფრთხის შემცველ შაქარს. დღევანდელ პოსტში დიეტოლოგების რჩევებს გაგიზიარებთ, რომლებიც ასეთი "შეფარული" პროდუქტების ამოცნობაში დაგეხმარებათ.

1. ხორცის ნახევარფაბრიკატები - გადაუმუშავებელი ხორცი მხოლოდ ცილისა და ცხიმისგან შედგება, მზა ხორცის პროდუქტებში კი, როგორიცაა სოსისი, ძეხვი, კოტლეტი - ხშირად ამატებენ ნახშირწყლებს, საუკეთესო ვარიანტში სახამებელს ან ფქვილს, ყველაზე ცუდ შემთხვევაში კი - შაქარს. ამიტომაც, ყურადღება უნდა მივაქციოთ პროდუქციის ეტიკეტზე არსებულ წარწერებს - საქაროზა, გლუკოზა, ფრუქტოზა, მალტოზა, დექსტროზა, გალაქტოზა - ეს ყველა შაქრის აღმნიშვნელი სიტყვებია, როგორც დიეტოლოგები განმარტავენ.

2. სუპერმარკეტში ნაყიდი მზა სოუსები - აქ საუბარია არა მაიონეზზე, კეტჩუპსა და მდოგვზე, არამედ ერთი შეხედვით დახვეწილ სოუსებზე. სხვადასხვა ტიპის სოუსების ეტიკეტზე მითითებულ შემადგენლობას თუ გადაიკითხავთ, მიხვდებით, რომ ნებისმიერი მათგანი შეიცავს შაქარს.

3. უცხიმო პროდუქტები - დიეტოლოგების ერთ ნაწილს მიაჩნია, რომ ცხიმგამოცლილი პროდუქტების მირთმევით, ჩვენ რეალურად ორგანიზმს ზიანს ვაყენებთ, ვინაიდან ასეთი საკვები არ შეიცავს ჩვენი უჯრედების მემბრანებისთვის მნიშვნელოვან სამშენებლო მასალას - ცხიმს. ამას გარდა, ირღვევა ჰორმონის გამომუშავება, რომელიც სტრესთან გამკლავებაში გვეხმარება. თუმცა, ამას გარდა არსებობს კიდევ ერთი საფრთხე: ცხიმი პროდუქტის გემოს განსაზღვრავს. ზედმეტი შაქარი უცხიმო პროდუქტებში სწორედ იმის გამო ემატება, რომ ცხიმის არარსებობით გამოწვეული გემო შეცვალოს. თუმცა, როგორც ამბობენ, გამონაკლისი ამ შემთხვევაში უცხიმო რძე და რძის პროდუქტებია.

4. მზა საუზმე - ზოგადად, დღის ნახშირწყლებით მდიდარი საუზმით დაწყება ბევრი დიეტოლოგის აზრით, ვერ არის კარგი არჩევანი.