ქეით მიდლტონის ლამაზი მკლავების საიდუმლო

ხომ იცით, როგორც ხდება ხოლმე: სამეფო კარზე მომხიბვლელი, ახალგაზრდა ქალის გამოჩენა, განსაკუთრებით საქმე როცა დიდი ბრიტანეთის სამეფო კარს ეხება, ახალ-ახალი ტენდენციების კატალიზატორი ხდება. ქეითის იდეალური პროპორციების ცხვირმა მნიშვნელოვნად გაზარდა დიდ ბრიტანეთშ ცხვირის პლასტიკური ოპერაციების რაოდენობა; მის გრძელ და მბზინავ ვარცხნილობასაც ასიათასობით მიმბაძველი გამოუჩნდა; დიუკანის დიეტის მიმდევრების რიცხვმაც რადიკალურად იმატა მას შემდეგ, რაც ცნობილი გახდა მის მიდლტონის სწრაფი გახდომის თავიდათავი. ფიტნესის მიმდევრები, ლამაზად გამოყვანილ მკლავებზე საუბრისას ხშირად სწორედ ქეითს ახსენებენ ხოლმე და მსგავსი მკლავების მიღების ხერხებს განიხილავენ. საიდუმლო ალბათ არ არსებობს - საიდუმლო, სისტემატური და სწორი ვარჯიშია, რის შედეგადაც მსგავსი აღნაგობის მიღწევა ბევრს შეეძლება. ამისთვის კი დღეში სულ რაღაც 15 წუთის გამოყოფა და შემდეგი სავარჯიშოების შესრულება მოგიწევთ:

1. მაღალი პლანკა - დაწექით მუცელზე, მოსცილდით იატაკს და დაეყრდენით გასწორებულ ხელებს და ფეხის თითებს. იდაყვები იდეალურად გამართლი უნდა იყოს და ზოგადად, მთელი სხეული მაქსიმალურად სწორ მდგომარეობაში უნდა იმყოფებოდეს. შეძლებისდაგვარად დიდ ხანს დარჩით ამ პოზაში. დაიმახსოვრეთ ხანგრძლივობა და ყოველდღიუად დროის გაზრდას შეეცადეთ. ეს მარტივი სავარჯიშო არაჩვეულებრივად ავარჯიშებს ზედა ტანს და მხრების კუნთებს.



2. მაღალი პლანკიდან დაბალ პლანკაზე გადასვლა - მიიღეთ იგივე პოზა, როგორც მაღალი პლანკის დროს. შემდეგ ერთი ხელი იდაყვში მოხარეთ და დაეყრდენით იატაკს. იგივე გაიმეორეთ მეორე ხელით, ისე რომ ორივე ხელით ერთდროულად იატაკზე დაყრდნობილი აღმოჩნდეთ. მონაცვლეობით გამართეთ ხელები და დაუბრუნდით ისევ საწყის მდგომარეობას. ეს სავარჯიშო კარგად ამუშავებს ტრიცეფსის კუნთებს - მხრებს ქვემოთ არსებულ საკმაოდ პრობლემურ ზონას. რეალურად, მკლავების განსაკუთრებულ სილამაზეს სწორედ კარგ ფორმაში მყოფი ტრიცეფსის კუნთები განაპირობებს.