_from blog_:
_June_ 25, 2017
_by_ Anika
ხომ გქონიათ შემთხვევები, როცა ვარჯიშის დროს უჩვეულოდ იღლებით, იმისდა მიუხედავად, რომ რამე განსაკუთრებული ძალისხმევით ამ კონკრეტულ ჯერზე არ გივარჯიშიათ. ხშირ შემთხვევაში, ეს წყლის ბალანსის არქონით არის ხოლმე გამოწვეული - როცა ვარჯიშის დროს გვავიწყდება პერიოდულად წყლის მიღება, რის გამოც ორგანიზმი რიგი პრობლემების წინაში დგება. სწორედ ამ პრობლემებზე მოგიყვებით დღევანდელ პოსტში და ექიმების და ფიტნესის სპეციალისტების მოსაზრებებს გაგიზიარებთ იმის შესახებ, კონკრეტულად რა ემართება ორგანიზმს ვარჯიშის მიმდინარეობისას წყლის მიუღებლობის გამო.
1. ვარჯიშის ეფექტიანობა იკლებს - ჰოლანდიელი მეცნიერების მიერ ჩატარებული კვლევების თანახმად, ვარჯიშის დროს სითხის მხოლოდ 5% დაკარგვა დაახლოებით 30%-ით ამცირებს ვარჯიშის ეფექტიანობას.
2. გეწყებათ კუნთების ტკივილი - ზოგადად, კუნთების დაჭიმულობის და ზომიერი ტკივილის შეგრძნება ყოველი ახალი დატვირთვის თანმდევია და ეს არავის უკვირს. მაგრამ თუ თქვენ საკმარისი ოდენობის წყალს არ მიიღებს ვარჯიშის მიმდინარეობისას, ასეთ შემთხვევაში ეს ტკივილი მუდმივ ხასიათს მიიღებს და უკვე ტრადიციული და ჩვეული ვარჯიშების შესრულების შემდეგაც შეგაწუხებთ.
3. იზრდება გულზე დატვირთვა - როცა ორგანიზმი სითხის ნაკლებობას განიცდის, ასეთ დროს სისხლძარღვები ვიწროვდება, სისხლის კი გაუწყლოვანების გამო სქელდება. შესაბამისად, გულისთვის უკვე მომატებული დატვირთვაა, როცა ის შესქელებული სისხლის შევიწროვებულ კაპილარებში გატარებას ცდილობს. მაღალი არტერიული წნევა, ტაქიკარდია და გაძნელებული სუნთქვა რამდენიმე უსიამოვნო სიმპტომთაგანია ასეთ დროს.
4. ფიზიკური აქტივობის დროს სითხის მიღებია რეკომენდებულია 150-250 მლ. სითხის მიღება ყოველ 15-20 წუთში ერთხელ.
5. სხეული შუპდება - როგორც კი ორგანიზმის სითხის ნაკლებობას განიცდის, მომენტალურად იწყებს სარეზერვოდ სითხის შენახვას. სწორედ ეს ხდება ხშირად თვალების უპეების სიშავის მიზეზიც. ამ უსიამოვნების თავიდან ასაცილებლად სითხე უნდა მივიღოთ არამხოლოდ ვარჯიშის შემდეგ, არამედ მისი მიმდინარეობისასაც.
6. ჭამთ მეტს - ის რეცეპტორები, რომლებიც წყურვილის და შიმშილის შეგრძნებებზე არიან პასუხისმგებელი, ჩვენს ტვინში ერთმანეთის გვერდით არიან განლაგებული.