ბლოგი:
იანვარი 10, 2015
ავტორი Anika
მოდურ ტენდენციებზე საუბარს არ ვაპირებ: ვიცი, რომ ე.წ. nude მაკიაჟი პერიოდულად იბრუნებს აქტუალობას და სეზონის გამოკვეთილი ტენდენციაა ხოლმე. თუმცა, პირადად ჩემთვის, ბუნებრივი და მდგრადი მაკიაჟი ყოველდღიურობის განუყოფელი ნაწილი და არავითარ ტენდენციების ცვალებადობებს არ ექვემდებარება. ამიტომაც, დღეს ისეთ კოსმეტიკურ საშუალებებს გაგიზიარებთ, რომლებიც ასეთი ბუნებრივი, ყოველდღიური დღის მაკიაჟის შექმნაში გამოგადგებათ.
Smashbox Contour Palette - ფანტასტიური რამაა, სახის კორექტორების (3 ფერი) იდეალური ნაკრები. ნაკრების სამი განსხვავებული ფერიდან ერთი კონტურების გამოსაკვეთადაა განკუთვნილი, მეორე - ბრონზერია, ხოლო მესამე კი ჰაილაითერი. კომპლექტს მოყვება ფუნჯი, რომლის მეშვეობითაც მონაცრისფრო ტონის კორექტორს ყვრიმალის ქვეშ და ცხვირის ნესტოების გაყოლებაზე გადაისვამთ, ღია ფერის კორექტორით კი ცხვირის ძვალს, ყვრიმალის ქვედა მონაკვეთს, ოდნავ შუბლს და ნიკაპს გამოყოფთ.
Chanel-ის ბრონზერი Soleil Tan de Chanel - ეს ბრონზერი კრემისებური ტექსტურისაა და მისი ტონალური კრემის ნაცვლად გამოყენება სრულიად შესაძლებელია. თუმცა, ალბათ, უფრო ზაფხულის პერიოდში, როცა კანი ისედაც მზისგან შეფერილია. ზამთარში კი, ამ ბრონზერის დახმარებით სახის კონტურის დავიწროებას და მსუბუქი რუჯის ეფექტის შექმნას შეძლებთ: თამამად შეგიძლიათ ის თქვენი ყოველდღიური ტონალურის ზემოდან გადაისვათ ან საერთოდაც დამოუკიდებლად.
Smashbox-ის თვალის ჩრდილების ნაკრები Full Exposure Palette - ამ არაჩვეულებრივ ნაკრებში 14 ფერია შესული, რომელთაგან გარკვეული ფერების გამოყენება წარბების საკორექციოდაცაა შესაძლებელი. თან ნაკრებს ძალიან პრაქტიკული ფუნჯი მოყვება, რაც იშვიათობაა - პირადად მე იშვიათად ვიყენებ ხოლმე ასე ნაკრებებში ჩადებულ ფუნჯებს, იმიტომ რომ ნაკლებად ფუნქციურია.
M.A.C.-ის ტუში შავ ფერში In Extreme Dimension 3D Black lash - ძალიან ზომიერი ტუშია: წვიმაშიც რომ მოხვდეთ, არ გაიტყიპნებით; იდეალურად ნაწილდება წამწამებზე და ზომიერ მოცულობას მატებს და აგრძელებს წამწამებს.
BB Beauty Booster Guerlain-ისგან - ეს BB კრემი ტონალური საცხივით სრულყოფილად ვერ ნიღბავს სახეზე არსებულ ხარვეზებს, სამაგიეროდ კარგად უმკლავდება თვალის ქვეშ სიშავეებს, შეწითლებულ ადგილებს, გამონაყარის ნაკვალევს და თითქმის მთელი დღე ძლებს კანზე.
კონსილერი Dior Skin Star - დიორის ეს სიახლე შემოდგომაზე გამოვიდა გაყიდვაში და მაშინვე დიდი პოპულარობა მოიპოვა იმის გამო, რომ დანაპირები - ეფექტური სტუდიური მაკიაჟი და იდეალური კანის ტონი - შეასრულა.
Givenchy-ს პომადა Le Rouge Beige Caraco 107 - ტუჩისფერი, ბუნებრივი ტუჩის საცხია. კონკრეტულად ეს ფერი იდეალურად ნაწილდება ტუჩზე, ოდნავ მუქი შეფერილობისაა ბუნებრივ ფერთან შედარებით და თუ ტუჩის კონტურზე ოდნავ ზემოთ გადაისვამთ, მაშინ ეშმაკურად ტუჩის ვიზუალურად გადიდებასაც შეძლებთ.
მომდევნო პოსტამდე,
ანიკა
Smashbox Contour Palette - ფანტასტიური რამაა, სახის კორექტორების (3 ფერი) იდეალური ნაკრები. ნაკრების სამი განსხვავებული ფერიდან ერთი კონტურების გამოსაკვეთადაა განკუთვნილი, მეორე - ბრონზერია, ხოლო მესამე კი ჰაილაითერი. კომპლექტს მოყვება ფუნჯი, რომლის მეშვეობითაც მონაცრისფრო ტონის კორექტორს ყვრიმალის ქვეშ და ცხვირის ნესტოების გაყოლებაზე გადაისვამთ, ღია ფერის კორექტორით კი ცხვირის ძვალს, ყვრიმალის ქვედა მონაკვეთს, ოდნავ შუბლს და ნიკაპს გამოყოფთ.
Chanel-ის ბრონზერი Soleil Tan de Chanel - ეს ბრონზერი კრემისებური ტექსტურისაა და მისი ტონალური კრემის ნაცვლად გამოყენება სრულიად შესაძლებელია. თუმცა, ალბათ, უფრო ზაფხულის პერიოდში, როცა კანი ისედაც მზისგან შეფერილია. ზამთარში კი, ამ ბრონზერის დახმარებით სახის კონტურის დავიწროებას და მსუბუქი რუჯის ეფექტის შექმნას შეძლებთ: თამამად შეგიძლიათ ის თქვენი ყოველდღიური ტონალურის ზემოდან გადაისვათ ან საერთოდაც დამოუკიდებლად.
Smashbox-ის თვალის ჩრდილების ნაკრები Full Exposure Palette - ამ არაჩვეულებრივ ნაკრებში 14 ფერია შესული, რომელთაგან გარკვეული ფერების გამოყენება წარბების საკორექციოდაცაა შესაძლებელი. თან ნაკრებს ძალიან პრაქტიკული ფუნჯი მოყვება, რაც იშვიათობაა - პირადად მე იშვიათად ვიყენებ ხოლმე ასე ნაკრებებში ჩადებულ ფუნჯებს, იმიტომ რომ ნაკლებად ფუნქციურია.
M.A.C.-ის ტუში შავ ფერში In Extreme Dimension 3D Black lash - ძალიან ზომიერი ტუშია: წვიმაშიც რომ მოხვდეთ, არ გაიტყიპნებით; იდეალურად ნაწილდება წამწამებზე და ზომიერ მოცულობას მატებს და აგრძელებს წამწამებს.
BB Beauty Booster Guerlain-ისგან - ეს BB კრემი ტონალური საცხივით სრულყოფილად ვერ ნიღბავს სახეზე არსებულ ხარვეზებს, სამაგიეროდ კარგად უმკლავდება თვალის ქვეშ სიშავეებს, შეწითლებულ ადგილებს, გამონაყარის ნაკვალევს და თითქმის მთელი დღე ძლებს კანზე.
კონსილერი Dior Skin Star - დიორის ეს სიახლე შემოდგომაზე გამოვიდა გაყიდვაში და მაშინვე დიდი პოპულარობა მოიპოვა იმის გამო, რომ დანაპირები - ეფექტური სტუდიური მაკიაჟი და იდეალური კანის ტონი - შეასრულა.
Givenchy-ს პომადა Le Rouge Beige Caraco 107 - ტუჩისფერი, ბუნებრივი ტუჩის საცხია. კონკრეტულად ეს ფერი იდეალურად ნაწილდება ტუჩზე, ოდნავ მუქი შეფერილობისაა ბუნებრივ ფერთან შედარებით და თუ ტუჩის კონტურზე ოდნავ ზემოთ გადაისვამთ, მაშინ ეშმაკურად ტუჩის ვიზუალურად გადიდებასაც შეძლებთ.
მომდევნო პოსტამდე,
ანიკა