რა გვემართება, როცა აერობულ ვარჯიშებს ყოველდღიურად ვასრულებთ

მოდით, შევთანხმდეთ, რომ აერობული - იგივე კარდიო - ვარჯიშები აუცილებელია და ძალიან სასარგებლოა: მათი დახმარებით ვწვავთ დიდი ოდენობით კალორიებს, ორგანიზმი გამოიმუშავებს უამრავ ენდორფინს (ბედნიერების ჰორმონები), დადებითად მოქმედებს გულ-სისხლძარღვოვან სისტემაზე. მოკლედ, თითქოს ყველაფერი იდეალურადაა და თუ ამ ლოგიკას მივყვებით, რაც უფრო მეტს შევასრულებთ კარდიოვარჯიშებს, მით უკეთესი უნდა იყოს ჩვენი ჯანმრთელობისთვის, მაგრამ გამოცდილ ფიტნესის ინსტრუქტორებს ამასთან დაკავშირებით განსხვავებული მოსაზრება აქვთ: მათი აზრით, კარდიოვარჯიშების ყოველდღიურად შესრულება არ არის რეკომენდებული. იდეალურ ვარიანტში, სასურველია კვირის განმავლობაში მაქსიმუმ 150 წუთი დავუთმოთ ზომიერი დატვირთვის კარდიოვარჯიშების შესრულებას. ისინი განმარტავენ, რომ მოჭარბებული ოდენობით აერობული ვარჯიშების შესრულება ორგანიზმში ერთგვარ სტრესს იწვევს, რაც თავის მხრივ, სტრესის ჰორმონის მომეტებულად გამომუშავების მიზეზი შეიძლება გახდეს, ეს კი საბოლოო ჯამში, დროთა განმავლობაში კუნთვანი მასის შემცირებას იწვევს.

ამას გარდა, რა კონკრეტული გვერდითა ეფექტები აქვს ყოველდღიურად კარდიოვარჯიშების შესრულებას:

1. მადის მომატება. ვინც პერიოდულად აერობული ვარჯიშით ხართ დაკავებული - სირბილი, სარბენი ბილიკი, ველოსიპედი - დამეთანხმებით, რომ 30-40 წუთიანი კარდიოს შემდეგ სახლში მისულს შიმშილის შემოტევა მალევე შემოგაწვებათ. შედეგად, ორგანიზმში არსებული ცხიმის რაოდენობის შემცირება უფრო რთულად მისაღწევი ხდება.

2. მოჭარბებული კარდიოვარჯიში ხშირად "კომპენსაციას" მდგომარეობას იწვევს - ვარჯიშის შემდეგ მიღებული კალორიების ოდენობა დახარჯულს აჭარბებს, შედეგად ცხიმების შემცირების ნაცვლად ხდება ცხიმის მატება. ამიტომაც, აუცილებელი კარდიოვარჯიშები შესრულდეს ზომერი ოდენობით.

3. ხანგრძლივი დროის განმავლობაში აერობული ვარჯიშების ყოველდღიურად შესრულება კუნთოვანი მასის შემცირებას იწვევს.

4. ზემოთ ნახსენები კუნთოვანი მასის შემცირებას მოყვება მეტაბოლიზმის შენელება,

5. სისტემატური აერობული ვარჯიშების შესრულებისას, თუ არ ხდება ვარჯიშების სახეობების დივერსიფიცირება, იმატებს დაზიანებების რისკი.

6.