რა რაოდენობის ცხიმი უნდა მივიღოთ დღის განმავლობაში

არ ვიცი, ვინ რა ტიპის კვების რეჟიმის თუ დიეტის მიმდევარი ხართ, მაგრამ წლების განმავლობაში თაობების მიერ გამოვლილი მრავალი პოპულარული დიეტის და მიღებული გამოცდილებების საფუძველზე, ერთი რამ ცალსახად შეიძლება ითქვას (და ამას ექიმებიც ადასტურებენ): ორგანიზმს ცხიმები ესაჭიროება ყოველდღიურად, დასაშვები ფორმით და ოდენობით. ის დიეტები, რომლებიც სრულად კრძალავენ ცხიმს და ცხიმისშემცველ პროდუქტებს, აშკარად არაგონივრული და არაჯანსაღია. ამიტომაც, ზომიერება ცხიმების შემთხვევაში საუკეთესო არჩევანია.

რა არის რეკომენდებული რაოდენობა და რა ფორმით მივიღოთ ეს ცხიმები?!

ცხიმები 4 ძირითად კატეგორიად იყოფა:

1. მონოუჯერი ცხიმები - ასეთი ცხიმები გვხვდება მცენარეულ პროდუქტებში, თხილეულში, ავოკადოში და ზეითუნის ზეთში.

2. პოლიუჯერი ცხიმები - გვხვდება თხილეულში, თესლებში, ზეითუნის ზეთში და თევზის გარკვეულ სახეობებში. ისინი ასევე შეიცავენ ომეგა-3 და ომეგა-6 ცხიმ-მჟავებს.

3. ნაჯერი ცხიმები - ძირითადად ცხოველურ პროდუქტებში გვხვდება, მაგალითად, წითელ ხორცში და რძის პროდუქტებში.

4. ტრანსცხიმები - ხელოვნურად გამოყვანილი ცხიმია, რომელსაც მხოლოდ მავნე ზეგავლენის მოხდენა შეუძლია ორგანიზმზე.

ამ ოთხი კატეგორიიდან, დიეტოლოგები მონოუჯერი და პოლიუჯერი ცხიმების მოხმარებას გვირჩევენ. რაც შეეხება ნაჯერ ცხიმებს, ისინი ძალიან ზომიერად და მინიმალური ოდენოით უნდა მივიღოთ, ტრანსცხიმები კი საერთოდ უნდა ამოვიღოთ კვების რაციონიდან.

დღის განმავლობაში მიღებული ცხიმები დღიური კილოკალორიების 2-35 პროცენტს უნდა შეადგენდეს.

იდეალურ ვარიანტში, ჯანსარი ცხიმების მიღება შეგვიძლია მონოუჯერი და პოლიუჯერი ცხიმების შემცველი ზემოთჩამოთვლილი პროდუქტებიდან. განსაკუთრებით, ავოკადოს გამოვარჩევდი, რომელიც მდიდარია ომეგა-3-6 ცხიმ-მჟავებით, ჯანსაღი ცხიმებით, ნოყიერია და გემრიელი.