ბლოგი:
ივლისი 13, 2015
ავტორი Anika
ჩემ მსგავსად სულსწრაფი და მოუთმენელი თუ ხართ სპორტთან მიმართებაში, ნელ-ნელა და შეპარვით დატვირთვის და სირთულის გაზრდა ვისაც დიდად არ გეპიტნავებათ, მაშინ ამ პოსტის წაკითხვას გირჩევთ. დღეს იმ შეცდომების შესახებ გაგიზიარებთ ინსტრუქტორების რეკომენდაციებს, რომლებსაც იოგის პრაქტიკის დროს ვუშვებთ.
რთულის დაწყება - ერთ-ერთი ყველაზე გავრცელებული შეცდომა, რომელიც დასაწყისშივე ვახსენე, პრაქტიკის რთულით დაწყებაა: თუ თქვენი სხეული არ არის სათანადოდ გაწვრთნილ/ნავარჯიშევი, ასეთ შემთხვევაში განსაკუთრებული "აკრობატული" ასანებისგან თავის შეკავებაა რეკომენდირებული. ბ, ნუ ეცდებით თავზე დადგომას (შირშასანა), ვინაიდან ამ ასანას შესრულება მხოლოდ იმ ადამიანებისთვისა ნებადართული, ვისაც საშუალოდ ერთი წლის ვარჯიშის პრაქტიკა და უკვე გამყარებული კუნთოვანი კორსეტი აქვს. დამწყებმა ასეთი რთული ელემენტის შესრულებისას ადვილად შესაძლებელია ხერხემალი დაიზიანოს ან კისრის მიდამოს თიაქარსაც კი "გამოკრას ხელი". დაიწყეთ მარტივი ასანებით და ნელ-ნელა გაზარდეთ სირთულე, საიმისოდ რომ სხეული კარგად მოემზადოს.
ტკივილის თმენა - იოგას ფილოსოფიის ერთ-ერთი ამოსავალი პრინციპია "აქიმსა", რაც ძალდატანების გამორიცხვას ნიშნავს. ზოგადად, ითვლება, რომ იოგას ვარჯიშში წარმატების მიღწევას ის შეძლებს, ვინც სხვა ადამიანებს, ცხოველებს, გარემოს, საკუთარ თავს ზიანს არ აყენებს. ამიტომაც, იოგა არ აღიარებს ისეთ მძაფრ სავარჯიშოებს, სადაც ძლიერი ტკივილის განცდა ხდება. რასაკვირველია, სიძნელეების დაძლევა უნდა მოხდეს, ზომიერი ტკივილის თუ დაძაბვის გათვალისწინებით, მაგრამ თუ ასანას შესრულების დროს ძლიერ ტკივილს განიცდით, ასეთ შემთხვევაში ეს კონკრეტული ვარჯიში უნდა შეწყვიტოთ.
შესვენება საჭიროების შემთხვევაში - გამოცდილი ინსტრუქტორების თქმით, იოგას ვარჯიში არანაირად არ არის რეკომენდირებული გაციების დროს, განსაკუთრებით იმ შემთხვევაში, თუ სიცხეც გაქვთ მომატებული - შეისვენეთ და ვარჯიში გამოჯანმრთელების შემდეგ განაგრძეთ. ასევე, არ არის რეკომენდირებული მუცელზე დაწოლით შესრულებული ასანები ქალებისთვის ციკლის პირველ დღეებში - ამან შესაძლოა სისხლის დენა გააძლიეროს.
სუნთქვითი ვარჯიშების იგნორირება - ზოგიერთისთვის იოგა მხოლოდ ასანებით შემოიფარგლება და ისინი იოგას უმნიშვნელოვანესი კომპონენტის - პრანაიამას (სუნთქვითი ვარჯიშების კომპლექსი) - შესახებ ივიწყებენ. იოგას გამოცდილი ინსტრუქტორები გვარწმუნებენ, რომ მხოლოდ სუნთქვითი ვარჯიშების სათანადოდ დაუფლების შემდეგ შევძლებთ იოგას რეალური მიზნის მჲღწევას: ჯანმრთელობის გაუმჯობესებას, ამტანობის გაზრდას და წონის დაკლებას. ასანების მსგავსად, სუნთქვით ვარჯიშებსაც სხვადასხვა სირთულე გააჩნიათ, ამიტომაც რეკომენდირებულია ვარჯიშის ნაკლებ რთული სუნთქვითი ვარჯიშებით დაწყება და ნელ-ნელა სირთულის გაზრდა.
მომდევნო პოსტამდე,
ანიკა
რთულის დაწყება - ერთ-ერთი ყველაზე გავრცელებული შეცდომა, რომელიც დასაწყისშივე ვახსენე, პრაქტიკის რთულით დაწყებაა: თუ თქვენი სხეული არ არის სათანადოდ გაწვრთნილ/ნავარჯიშევი, ასეთ შემთხვევაში განსაკუთრებული "აკრობატული" ასანებისგან თავის შეკავებაა რეკომენდირებული. ბ, ნუ ეცდებით თავზე დადგომას (შირშასანა), ვინაიდან ამ ასანას შესრულება მხოლოდ იმ ადამიანებისთვისა ნებადართული, ვისაც საშუალოდ ერთი წლის ვარჯიშის პრაქტიკა და უკვე გამყარებული კუნთოვანი კორსეტი აქვს. დამწყებმა ასეთი რთული ელემენტის შესრულებისას ადვილად შესაძლებელია ხერხემალი დაიზიანოს ან კისრის მიდამოს თიაქარსაც კი "გამოკრას ხელი". დაიწყეთ მარტივი ასანებით და ნელ-ნელა გაზარდეთ სირთულე, საიმისოდ რომ სხეული კარგად მოემზადოს.
ტკივილის თმენა - იოგას ფილოსოფიის ერთ-ერთი ამოსავალი პრინციპია "აქიმსა", რაც ძალდატანების გამორიცხვას ნიშნავს. ზოგადად, ითვლება, რომ იოგას ვარჯიშში წარმატების მიღწევას ის შეძლებს, ვინც სხვა ადამიანებს, ცხოველებს, გარემოს, საკუთარ თავს ზიანს არ აყენებს. ამიტომაც, იოგა არ აღიარებს ისეთ მძაფრ სავარჯიშოებს, სადაც ძლიერი ტკივილის განცდა ხდება. რასაკვირველია, სიძნელეების დაძლევა უნდა მოხდეს, ზომიერი ტკივილის თუ დაძაბვის გათვალისწინებით, მაგრამ თუ ასანას შესრულების დროს ძლიერ ტკივილს განიცდით, ასეთ შემთხვევაში ეს კონკრეტული ვარჯიში უნდა შეწყვიტოთ.
შესვენება საჭიროების შემთხვევაში - გამოცდილი ინსტრუქტორების თქმით, იოგას ვარჯიში არანაირად არ არის რეკომენდირებული გაციების დროს, განსაკუთრებით იმ შემთხვევაში, თუ სიცხეც გაქვთ მომატებული - შეისვენეთ და ვარჯიში გამოჯანმრთელების შემდეგ განაგრძეთ. ასევე, არ არის რეკომენდირებული მუცელზე დაწოლით შესრულებული ასანები ქალებისთვის ციკლის პირველ დღეებში - ამან შესაძლოა სისხლის დენა გააძლიეროს.
სუნთქვითი ვარჯიშების იგნორირება - ზოგიერთისთვის იოგა მხოლოდ ასანებით შემოიფარგლება და ისინი იოგას უმნიშვნელოვანესი კომპონენტის - პრანაიამას (სუნთქვითი ვარჯიშების კომპლექსი) - შესახებ ივიწყებენ. იოგას გამოცდილი ინსტრუქტორები გვარწმუნებენ, რომ მხოლოდ სუნთქვითი ვარჯიშების სათანადოდ დაუფლების შემდეგ შევძლებთ იოგას რეალური მიზნის მჲღწევას: ჯანმრთელობის გაუმჯობესებას, ამტანობის გაზრდას და წონის დაკლებას. ასანების მსგავსად, სუნთქვით ვარჯიშებსაც სხვადასხვა სირთულე გააჩნიათ, ამიტომაც რეკომენდირებულია ვარჯიშის ნაკლებ რთული სუნთქვითი ვარჯიშებით დაწყება და ნელ-ნელა სირთულის გაზრდა.
მომდევნო პოსტამდე,
ანიკა