რა უნდა ვიცოდეთ სითხით გამოწვეული ჭარბი წონის შესახებ

ეგ უბრალოდ სითხე გაქვს ორგანიზმში შენარჩუნებული და მაგიტომ გიჩვენა სასწორმა ამდენი! ერთი კვირაში კიდევ ერთხელ აიწონე და ნახავ!

- ნახშირწყლები ორგანიზმში სითხის შენარშუნებას უწყობს ხელს, მაგრამ რეალურად, ეს ცხიმი არ არის!

მსგავსი გამონათქვამები სულ მცირე ერთხელ მაინც გექნებათ მოსმენილი ან წაკითხული და როგორც ექიმები ამბობენ, ორივე მათგანი სიმართლეს შეესაბამება. თუმცა, როდესაც წონას სისტემატურად აკონტროლებ და ზედმეტი კილოგრამების დაგდებას ცდილობ, სასწორზე არასახარბიელო ციფრის დანახვა ძალიან დიდი დემოტივატორია. სითხის შენარჩუნება ხშირად წონაში კლების "შეფერხების" მნიშვნელოვანი მიზეზია და ის მამაკაცებსაც ემართებათ, რაოდენ გასაკვირიც არ უნდა იყოს.

რას ნიშნავს სითხის შეკავება? ამ დროს ჭარბი სითხე გროვდება უჯრედებს შორის ქსოვილებში და ეს შესაძლოა არაერთი მიზეზით იყოს გამოწვეული. რა მიზეზებს ასახალებენ ექიმები:

1. ნახშრიწყლები და მარილი - ორივე იწვევს სითხის შეკავებას. ამიტომაცაა, როცა დღის განმავლობაში მარილიან საკვებს მიიღებთ ან დიდი ოდენობით ტკბილეულს მიეძალებით, მეორე დილით დიდი ალბათობით შეშუპებული გაიღვიძებთ, სასწორმა კი შესაძლოა 1-2 კგ. ზედმეტი გიჩვენოთ ჭარბი სითხის ხარჯზე (და არანაირად ჭარბი ცხიმის ხარჯზე). მაგალითად, სადილზე ან ვახშამზე გემრიელი ულუფა მაკარონის ნაწარმი თუ მიირთვით და დესერტად არომატული შოკოლადის ნამცხვრის ნაჭერი დააყოლეთ, მიღებული ნახშირწყლების ოდენობის გათვალისწინებით, მეორე დილით სასწორზე შესაძლოა 600-1000 გრამი ჭარბი სითხე დაინახოთ.

2. ჰორმონებით გამოწვეული - ამ მხრივ, ქალები ყველაზე დაზარებული არიან. სტატისტიკურად, ქალების 92% ციკლის დაწყებამდე საშუალოდ 5-7 დღით ადრე განიცდის ჭარბი სითხის შეკავებას ორგანიზმში, რამაც შესაძლოა ზედმეტი 1-4 კგ გამოიწვიოს. ამას გარდა, ორსულობის დროსაც ფიზიოლოგიურად ხდება ორგანიზმში სითხის შეკავება.

3. კორტისოლის ჰორმონის დონით გამოწვეული - სტრესი, დაღლილობა, უძილობა როცა სისტემატურ ხასიათს ატარებს, ეს ორგანიზმში ხშირად კორტისოლის ჰორმონის მაჩვენებლის მატებას იწვევს. მის შედეგად კი ორგანიზმში ხდება როგორც ჭარბი სითხის, ასევე ჭარბი ცხიმის დაგროვებაც.

რა მოვუხერხოთ ამ პრობლემებს და როგორც ავიცილოთ თავიდან? პირველ რიგში, შევეგუოთ იმ ფაქტს, რომ ხანდახან ესეც მოხდება და სითხის შეკავება ჩვენც დაგვემართება და ტრაგედია ამაში არაფერია.