ბლოგი:
ივნისი 02, 2017
ავტორი Anika
ეს პოსტი მათთვისაა, ვისაც ჩემ მსგავსად ტოტალური ქანცისგამცლელი დიეტები არ უყვარს და მათგან თავი შორის უჭირავს. დღეს რამდენიმე მარტივ რჩევას გაგიზიარებთ, რაც დიდ ძალისხმევას არ მოითხოვს და თავის მხრივ, გარკვეული პერიოდის განმავლობაში რამდენიმე ზედმეტი კილოგრამის დაკლებაში დაგეხმარებათ.
- ვინც კაფეებში და რესტორნებში კვებას ხართ შეჩვეული და ეს კვირაში რამდენჯერმე მაინც ხდება, შეეცადეთ რაციონალურად გადახედოთ თქვენს არჩევანს და შედარებით კალორიული და ნახშირწყლებით მდიდარი მენიუ დაბალკალორიული და ცილოვანით ჩაანაცვლოთ: იტალიური პასტას ნაცვლად გრილზე შემწვარი ქათამი ან თევზი შეუკვეთოთ.
- არ იქონიოთ სახლში ისეთი სასუსნაო პროდუქტები, როგორიცაა ჩიფსი, კრეკერები, ბურბუშელა. მერწმუნეთ, ღამის 11.00 საათზე ამ ყველაფრისთვის მარკეტში ჩასვლა ნამდვილად დაგავიწყებთ სუსნაობის იდეას.
- დილით მიირთვით 300 კკალ-ის მქონე საუზმე. საუზმეზე ანიკას ბლოგში ბევრი გვისაუბრია და ვიცით, რომ ჯანსაღი საუზმე საჭირო ენერგიასაც მოგვცემს და დღის განმავლობაში ნაკლებად მოგვანდომებს წახემსებას.
- თანამშრომლებთან ერთად შესვენებაზე საჭმელად თუ გადიხართ, კვების შემდეგ 15-20 წუთი მაინც ფეხით რომ გაიაროთ, ზედმეტი კალორიების დაწვაში დაგეხმარებათ.
- სატრენაჟორო დარბაზში ვინც დადიხართ და ბოლო ხანებში ატყობთ, რომ სავარჯიშოდ წასასვლელად საკუთარი თავის იძულება სულ უფრო რთული საქმე ხდება, შეგიძლიათ ტელეფონში ან აიპოდში საგანგებოდ სავარჯიშოდ შერჩეული მუსიკა ჩატვირთოთ: მერწმუნეთ, ეს განწობაზე ძალიან მოქმედებს და ვარჯიშიც გაცილებით სასიამოვნო და ენერგიული გახდება.
- მაქსიმალურად ჩართეთ საკვებ რაციონში ბოსტნეული. მაგალითად, თუ პიცა ძალიან გიყვართ და მის მირთმევაზე უარის თქმა წამოუდგენელი რამაა თქვენთვის, პეპერონის ნაცვლად შეარჩიეთ ბოსტნეულით გაწყობილი პიცა.
- თუ დღის განმავლობაში საკვების რაციონალურ გადანაწილებას მოახერხებთ, ცომეულს მინიმუმამდე დაიყვანთ,