რატომ არ უნდა ვთქვათ უარი გაყინულ ბოსტნეულზე

გაყინულ ხილთან და ბოსტნეულთან დაკავშირებით ბევრს მცდარი წარმოდგენა აქვს და მიაჩნია, რომ გაყინული პროდუქტი თავის სასარგებლო თვისებებს კარგად და მას არავითარი ღირებულება აღარ გააჩნია. რეალურად, ყველაფერი პირიქითაა: ბოსტნეულის საყინულეში შენახვას თუ გაყინული ბოსტნეულის ყიდვას არაერთი დადებითი მხარე აქვს. კერძოდ:

1. სუპერმარკეტში საყიდლებზე ყოფნისას, გვერდს ნუ ჩაუვლით გაყინული ბოსტნეულის დახლს და აუცილებლად გამოაყოლეთ ხელს საცდელად ერთი შეკვრა გაყინული ციცქნა სტაფილოები, ბროკოლი ან ბარდა, გვირჩევენ დიეტოლოგები. ასე, პირველ რიგში, დროს დაზოგავთ ბოსტნეულის გასამზადებლად - გაყინულ ბოსტნეულს, რეალურად, მიკროტალღურში მოთავსება ესაჭიროება მცირე ხნით, ოდნავ მოშუშვა ტაფაზე და სულ ესაა. ამას გარდა, ასეთ ბოსტნეულს გათლა, დაჭრა და დაქუცმაცებაც არ ესაჭიროება.

2. ასე მეტი შანსი გაქვთ ორგანული ბოსტნეულის შესაძენად. როცა კონკრეტული ბოსტნეულისთვის სეზონი არ არის, ლოგიკურია, რომ ბაზარში გასაყიდად გამოტანილი არასეზონური ხილი თუ ბოსტნეული პესტიციდებით იყოს გაჯერებული.

3. ვინაიდან ხარისხიანი მწარმოებლები ბოსტნეულს მათ საუკეთესო კონდიციაში ყოფნის დროს ყინავენ - ყველაზე ქორფა მდგომარეობაში - ამდენად, ასე შენახულ ბოსტნეულში მაქსიმალურად ნარჩუნდება სასარგებლო ნივთიერებები.

რას უნდა მივაქციოთ ყურადღება გაყინული ბოსტნეულის შერჩევისას? აუცილებლად კარგად უნდა შევისწავლოთ ეტიკეტი და არ შევიძინოთ ისეთი პროდუქცია, რომელიც დამატებით შაქარს ან საკვებ სახამებელს შეიცავს. იდეალურ ვარიანტში უნდა მოიძიოთ ისეთი პროდუქტი, რომელიც უბრალოდ გაყინული ბოსტნეულია. დიეტოლოგები დასაშვებად მიიჩნევენ, ასეთ ბოსტნეულს მცირე ოდენობით მარილი თუ ექნება დამატებული - ერთ ულუფაზე 150 მგ. მისაღები მაჩვენებელია.

რაც შეეხება მათ მოხმარებას, გაყინულ ბოსტნეულს სულ რამდენიმე წუთით მიკროტალღურ ღუმელში მოთავსება ყოფნის საიმისოდ, რომ საჭმელად მზად იყოს. თუ გემოს გაუმჯობესება გვსურს, ასეთ შემთხვევაში შეგვიძლია ოდნავ მოვშუშოთ ზეთში ან გრილზე დავბრაწოთ.

მომდევნო პოსტამდე,

ანიკა