ბლოგი:
ოქტომბერი 15, 2017
ავტორი Anika
ასაკის მატებასთან ერთად ჯანმრთელობასთან დაკავშირებული პრობლემებიც პროპორციულად მატულობს, ჩვენ კი, ჩვენი მხრივ, სულ უფრო მეტი ძალისხმევა გვესაჭიროება საიმისოდ, რომ ამ პრობლემებს მოვერიოთ და მათი გავლენა მინიმუმამდე დავიყვანოთ. ერთ-ერთი ასეთი გამოკვეთილი უსიამოვნო ფაქტი წლებთან ერთად "საჩუქრად მიღებული" შენელებული ნივთიერებათა ცვლაა და მიუხედავად იმისა, რომ ეს კონკრეტული შემთხვევა ჩვენი ბრალეულობით არ არის გამოწვეული, მას აუცილებლად სჭირდება სათანადო რეაგირება.
1. სიახლეს არ წარმოადგენს ის, რომ წლებთან ერთად ქალის ორგანიზმში იკლებს ჰორმონ ესტროგენის გამომუშავება და როცა ეს ხდება, თავის მხრივ, ის ერთგვარი კატალიზატორია დაბერების პროცესის ასამუშავებლად. ესტროგენები მნიშვნელოვან როლს თამაშობენ მეტაბოლიზმის მაჩევენებლის განსაზღვრაში, შესაბამისად, თუ მცირდება ესტროგენის გამომუშავება, პარალელურად ნელდება მეტაბოლიზმის ტემპიც.
2. ასაკის თანმხლები მეორე გამოკვეთილი პრობლემა ფარისებრი ჯირკვლის ჰორმონის დეფიციტია და თუ ორგანიზმში ფარისებრი ჯირკვლის ფუნქციონირების მარეგულირებელი ჰორმონები ნაკლები ოდენობით გამომუშავდება, ესეც პირდაპირ აისახება მეტაბოლიზმის ეფექტიანობაზე.
როგორ შევებრძოლოთ ამ პრობლემებს? რას გვირჩევენ ექიმები და ფიტნეს ინსტრუქტორები?
ვარჯიში, დაბალანსებული კვება და დანამატების მიღება - ეს არის შემოთავაზებული გამოსავალი.
ვარჯიში ერთ-ერთი საუკეთესო დამხმარეა ამ შემთხვევაში, ვინაიდან მას ყველაზე მნიშვნელოვნად შეუძლია ნივთიერებათა ცვლის პროცესის დარეგულირებაში და აჩქარებაში დაგვეხმაროს, იდეალური ვარჯიშის სახეობა კი ფიტნესის სპეციალისტების თქმით, მაღალი ინტენსივობის ვარჯიშებია მინიმალური შესვენებით.
შენელებული ნივთიერებათა ცვლის პირობებში აუცილებელია სათანადო ყურადღება მივაქციოთ ჩვენს საკვებ რაციონს - კერძოდ, ყურადღება გავამახვილოთ საკვები ღირებულებებით მდიდარ პროდუქტებზე, დაბალი კალორიულობის მქონე პროდუქტებზე როგორიცაა უცხიმო ცილები და უჯრედისით მდიდარი ბოსტნეული.
რაც შეეხება დანამატების მიღებას, ეს ყველა შემთხვევაში უნდა მოხდეს ექიმთან კონსულტაციის და შესაბამისი დიაგნოსტიკური კვლევების ჩატარების შემდეგ.
მომდევნო პოსტამდე,
ანიკა
1. სიახლეს არ წარმოადგენს ის, რომ წლებთან ერთად ქალის ორგანიზმში იკლებს ჰორმონ ესტროგენის გამომუშავება და როცა ეს ხდება, თავის მხრივ, ის ერთგვარი კატალიზატორია დაბერების პროცესის ასამუშავებლად. ესტროგენები მნიშვნელოვან როლს თამაშობენ მეტაბოლიზმის მაჩევენებლის განსაზღვრაში, შესაბამისად, თუ მცირდება ესტროგენის გამომუშავება, პარალელურად ნელდება მეტაბოლიზმის ტემპიც.
2. ასაკის თანმხლები მეორე გამოკვეთილი პრობლემა ფარისებრი ჯირკვლის ჰორმონის დეფიციტია და თუ ორგანიზმში ფარისებრი ჯირკვლის ფუნქციონირების მარეგულირებელი ჰორმონები ნაკლები ოდენობით გამომუშავდება, ესეც პირდაპირ აისახება მეტაბოლიზმის ეფექტიანობაზე.
როგორ შევებრძოლოთ ამ პრობლემებს? რას გვირჩევენ ექიმები და ფიტნეს ინსტრუქტორები?
ვარჯიში, დაბალანსებული კვება და დანამატების მიღება - ეს არის შემოთავაზებული გამოსავალი.
ვარჯიში ერთ-ერთი საუკეთესო დამხმარეა ამ შემთხვევაში, ვინაიდან მას ყველაზე მნიშვნელოვნად შეუძლია ნივთიერებათა ცვლის პროცესის დარეგულირებაში და აჩქარებაში დაგვეხმაროს, იდეალური ვარჯიშის სახეობა კი ფიტნესის სპეციალისტების თქმით, მაღალი ინტენსივობის ვარჯიშებია მინიმალური შესვენებით.
შენელებული ნივთიერებათა ცვლის პირობებში აუცილებელია სათანადო ყურადღება მივაქციოთ ჩვენს საკვებ რაციონს - კერძოდ, ყურადღება გავამახვილოთ საკვები ღირებულებებით მდიდარ პროდუქტებზე, დაბალი კალორიულობის მქონე პროდუქტებზე როგორიცაა უცხიმო ცილები და უჯრედისით მდიდარი ბოსტნეული.
რაც შეეხება დანამატების მიღებას, ეს ყველა შემთხვევაში უნდა მოხდეს ექიმთან კონსულტაციის და შესაბამისი დიაგნოსტიკური კვლევების ჩატარების შემდეგ.
მომდევნო პოსტამდე,
ანიკა