რატომ უნდა მივირთვათ ყვავილოვანი კომბოსტო

შემოდგომის გრილი დღეების დადგომასთან ერთად, ჩვენს ოჯახში ნელ-ნელა მატულობს ყვავილოვანი კომბოსტოს მოხმარების სიხშირე - შემოდგომა ხომ ამ ბოსტნეულის ყველაზე ნაყოფიერი პერიოდია და ამ დროს ყველაზე მეტად მინდება ხოლმე მისი სხვადასხვა კერძებში გამოყენება. მე ადამიანების იმ ნაწილს მივეკუთვნები, რომელთან ყვავილოვანი კომბოსტოს სასარგებლოსთან ერთად, გემრიელ საკვებადაც მიაჩნიათ. ვინც ჩემნაირად ფიქრობთ, გეტყვით, რომ გაგიმართლათ, ვინაიდან ამ ბოსტნეული სისტემატურად მირთმევით არამხოლოდ დიეტურ, დაბალკალორიულ პროდუქტს იღებთ, არამედ ორგანიზმს უამრავი სასარგებლო ნივთიერებითაც ამარაგებთ:

1. ჯანდაცვის მსოფლიო ორგანიზაციის რეკომენდაციით, ჯვაროსანთა ოჯახის წარმომადგენელი ბოსტნეულის (ყვავილოვანი კომბოსტო, კომბოსტო, ბროკოლი, ბოლოკი, თალგამი) რეგულარული მირთმევა - საშუალოდ, 500-600 გრამი კვირის განმავლობაში - მნიშვნელოვნად შეუწყობს ხელს თქვენი ორგანიზმის მიერ ჯვაროსნების სასარგებლო თვისებების შერგებას.

2. მნიშვნელოვანია, თუ რა მეთოდით ვამზადებთ ყვავილოვან კომბოსტოს. არ არის რეკომენდებული მისი მდუღარე წყალში ხარშვა ან ორთქლზე მომზადება, იდეალური ვარიანტია წვრილ ყვავილებად დაჭრა და რამდენიმე წუთით ძალიან მაღალ ცეცხლე, მინიმალური ოდენობის ზეთის გამოყენებით ტაფაზე მისი მობრაწვა-მომზადება.

3. ყვავილოვანი კომბოსტო მდიდარია ანტიოქსიდანტებით და ერთ-ერთი საუკეთესო წყაროა C ვიტამინის მისაღებად. ამასთან, ყვავილოვანი კომბოსტო მდიდარია მაგნიუმით.

4. თავისი უნიკალური შემადგენლობის წყალობით, ყვავილოვანი კომბოსტოს სისტემატური მირთმევით, როგორც კვლევები ადასტურენებ, შეგვიძლია შევამციროთ რიგი სიმსივნური დაავადებების რისკი. ამას გარდა, ამ ბოსტნეული მიღება დადებითად აისახება სისხლში ქოლესტერინის დონის რეგულირებაზე.

5. რაც შეეხება შენახვას, რეკომენდებულია ყვავილოვანი კომბოსტოს მაცივარში ქაღალდის ან პოლიეთილენის პარკით შენახვა. C ვიტამინი, B6 ვიტამინი და კერტენოიდები საკმაოდ მგრძნობიარე არიან სითბოს მიმართ, ამიტომაც საჭიროა ყვავილოვანი კომბოსტოსთვის გრილი გარემოს შექმნა და მისი მაცივარში მოთავსება.

წარმატებები!

ანიკა