_from blog_:
_June_ 08, 2018
_by_ Anika
ცილები ყველას ესაჭიროება , არ აქვს მნიშვნელობა სპორტსმენი ხართ თუ მინიმალურად აქტიური ადამიანი. სტანდარტული მონაცემებით, ჩვენი წონის ერთ კილოგრამზე დაახლოებით 1.3 გრამის ცილა უნდა მივიღოთ ყოველდღიურად. პირობითად, თუ თქვენ 5 კგ. იწონით, ყოველდღიურად 71.5 გრ. ცილა გესაჭიროებათ. ამასთან, ორგანიზმმა ცილები ყოველდღიურად უნდა მიიღოს, ცილოვანი დეფიციტი ორგანიზმისთვის შესაძლოა საშიში აღმოჩნდეს: ნახშირწყლებისგან და ცხიმებისგან განსხვავებით, ცილები ორგანიზმში არ გროვდება, მათ ორგანიზმი ენერგიის გამოსამუშავებლად ხარჯავს. როგორ უნდა ამოვიცნოთ ცილების დეფიციტი?
განწყობის გაუარესება - ცილა აუცილებელია სეროტონინის სინთეზისთვის, რომელიც კარგი გუნება-განწყობისთვის არის მნიშვნელოვანი. სეროტონინის ნაკლებობას კი მომენტალურად მოსდევს ისეთი უსიამოვნო შედეგები, როგორიცაა უხასიათობა, გაღიზიანება, ოპტიმიზმის შეგრძნების დაქვეითება.
ფერმკრთალი კანი - ცილების ნაკლებობა, თავის მხრივ, კოლაგენის ნაკლებობასაც იწვევს, ვინაიდან ეს უკანასკნელიც ცილების ჯგუფს მიეკუთვნება. ამ ყველაფერს კი კანის ტონუსის დაქვეითება, წვრილ-წვრილი ნაოჭების გაჩენა, სიმშრალე და ფერმკრთალი კანი მოყვება შედეგად.
ხშირი შეშუპებები - ცილები მნიშვნელოვან როლს ასრულებენ წყალ-მარილოვანი ბალანსის პროცესში, ცილების ნაკლებობა კი ამ პროცესის დარღცევას და შედეგად, საკმაოდ უსიამოვნო შეშუპებებს იწვევს.
თმის და ფრჩხილების მსხვრევადობა - თმის და ფრჩხილების სტრუქტურაში შემავალი კერატინი ასევე ცილას წარმოადგენს.