ბლოგი:
მარტი 27, 2015
ავტორი Anika
რაც ვარჯიში დავიწყე, 2 კილო მაქვს მომატებული! ნორმალურია ახლა ეს?! ყველაფერი პირიქით როგორ უნდა მემართებოდეს?! - შემომჩივის წარბებაზიდებული და განცვიფრებული ლიზა.
23 წლის ლიზასთვის იდეალურ ფორმაში ყოფნა ჯანსაღი ცხოვრების წესის ნაწილია, მაგრამ ვინაიდან არჩევანი ამგვარ ცხოვრებაზე არც თუ ისე დიდი ხანია რაც გააკეთა, ამდენად, დიდი რაოდენობით გადაწყვეტილებების მიღება უწევს ისე, რომ ახალი ჩვევების დამკვიდრების ავკარგიანობაზე საკმარის ინფორმაციას არ ფლობს. მოკლედ, ლიზას ჯერ კიდევ სათანადოდ არ შეუსწავლია საკითხი, რომელიც ვარჯიშის შემდეგ კვებას და ზოგადად, ვარჯიშისშემდგომ ქცევას ეხება. სწორედ ამ თემაზე ექიმების და ფიტნეს-ინსტრუქტორების ძალიან საინტერესო სტატიას წავაწყდი და ამონარიდები, რჩევების სახით, ანიკას ბლოგის მკითხველებს მინდა გაგიზიაროთ:
1. ვარჯიშის შემდეგ წვენების და მითუმეტეს, გაზიანი სასმელის მიღება მხოლოდ ნეგატიურ შედეგებს მოგიტანთ. ასეთი სითხის შედეგად მიღებული შაქრის რაოდენობის გათვალისწინებით, ჩათვალეთ, რომ თქვენი ნაშრომი წყალში უნდა ჩაყაროთ. სპეციალურ სპორტულ სასმელთან დაკავშირებით ერთგვაროვანი აზრი არ არსებობს: როგორც სპეციალისტები ამბობენ, ასეთი სასმელი მომეტებული ოფლის გამოყოფის შედეგად დაკარგული მინერალური ნივთიერებების, ნახშირწყლების და ელექტროლიტების დეფიციტის აღდგენას ემსახურება. თუმცა, მისი მიღება მხოლოდ იმ შემთხვევაშია რეკომენდირებული, თუ ვარჯიში ერთ საათზე მეტ ხანს გრძელდებოდა და ის კომპლექსურ ფიზიკურ დატვირთვებს გულიხსმობდა.
2. ვარჯიშის შემდეგ აუცილებლად უნდა მიიღოთ საკვები, მხოლოდ სათანადოდ შერჩეული: 500 კკალ.-ის შემცველი ჩიზქეიქის მსუყე ნაჭერი ამ შემთხვევაში პრიზის სახით არ გამოგვადგება! თუ თქვენ აერობული ვარჯიშებით (აერობული ტიპის ვარჯიშის დროს ორგანიზმში ნახშირწყლების და ცხიმოვანი მარაგების წვა კუნთებში მიწოდებული ჟანგბადის ხარჯზე ხდება. აერობული ვარჯიშები საშუალო ინტენსივობისაა და დროში ხანგრძლივი) იყავით დაკავებული, ასეთ შემთხვევაში, საკვების მეშვეობით გლიკოგენის მარაგის აღდგენა უნდა მოხდეს, რაც ნივთიერებათა ცვლის პროცესს დააჩქარებს და ორგანიზმის ამტანობას აამაღლებს. ამ ყველაფერში კი ხილი და სხვადასხვა ტიპის სმუზები დაგეხმარებათ. თუ თქვენ ძალოვანი ვარჯიშებით იყავით დაკავებული, მაშინ ორგანიზმს ცილოვანი საკვები უნდა მიაწოდოთ. ამ დროს ხაჭო, ფრინველის ხორცი და თევზეული არის რეკომენდირებული. პირველ შემთხვევაში (აერობული ვარჯიშის შემდეგ) საკვების მიღება, იდეალურ ვარიანტში, ვარჯიშის დასრულებიდან 15 წუთში უნდა მოხდეს, მეორე შემთხვევაში (ძალოვანი ვარჯიშების შემდეგ) კი - ვარჯიშის დარსულებიდან 2 საათის განმავლობაში.
3. არასდროს გამოტოვოთ მოთელვა (გახურება) და გაწელვები. მოთელვა კუნთებს ახურებს, აუმჯობესებს სისხლის მიმოქცევას და ორგანიზმს დატვირთვისთვის ამზადებს. გაწელვები კი ტრავმების რისკს ამცირებს. თითოეული ეს ეტაპი 5 წუთამდე უნდა გრძელდებოდეს.
მოკლედ, იმედია სპეციალისტების ეს რჩევები ცოტათი მაინც გამოგადგებათ. ჯანმრთელობას და სილამაზეს გისურვებთ!
ანიკა
23 წლის ლიზასთვის იდეალურ ფორმაში ყოფნა ჯანსაღი ცხოვრების წესის ნაწილია, მაგრამ ვინაიდან არჩევანი ამგვარ ცხოვრებაზე არც თუ ისე დიდი ხანია რაც გააკეთა, ამდენად, დიდი რაოდენობით გადაწყვეტილებების მიღება უწევს ისე, რომ ახალი ჩვევების დამკვიდრების ავკარგიანობაზე საკმარის ინფორმაციას არ ფლობს. მოკლედ, ლიზას ჯერ კიდევ სათანადოდ არ შეუსწავლია საკითხი, რომელიც ვარჯიშის შემდეგ კვებას და ზოგადად, ვარჯიშისშემდგომ ქცევას ეხება. სწორედ ამ თემაზე ექიმების და ფიტნეს-ინსტრუქტორების ძალიან საინტერესო სტატიას წავაწყდი და ამონარიდები, რჩევების სახით, ანიკას ბლოგის მკითხველებს მინდა გაგიზიაროთ:
1. ვარჯიშის შემდეგ წვენების და მითუმეტეს, გაზიანი სასმელის მიღება მხოლოდ ნეგატიურ შედეგებს მოგიტანთ. ასეთი სითხის შედეგად მიღებული შაქრის რაოდენობის გათვალისწინებით, ჩათვალეთ, რომ თქვენი ნაშრომი წყალში უნდა ჩაყაროთ. სპეციალურ სპორტულ სასმელთან დაკავშირებით ერთგვაროვანი აზრი არ არსებობს: როგორც სპეციალისტები ამბობენ, ასეთი სასმელი მომეტებული ოფლის გამოყოფის შედეგად დაკარგული მინერალური ნივთიერებების, ნახშირწყლების და ელექტროლიტების დეფიციტის აღდგენას ემსახურება. თუმცა, მისი მიღება მხოლოდ იმ შემთხვევაშია რეკომენდირებული, თუ ვარჯიში ერთ საათზე მეტ ხანს გრძელდებოდა და ის კომპლექსურ ფიზიკურ დატვირთვებს გულიხსმობდა.
2. ვარჯიშის შემდეგ აუცილებლად უნდა მიიღოთ საკვები, მხოლოდ სათანადოდ შერჩეული: 500 კკალ.-ის შემცველი ჩიზქეიქის მსუყე ნაჭერი ამ შემთხვევაში პრიზის სახით არ გამოგვადგება! თუ თქვენ აერობული ვარჯიშებით (აერობული ტიპის ვარჯიშის დროს ორგანიზმში ნახშირწყლების და ცხიმოვანი მარაგების წვა კუნთებში მიწოდებული ჟანგბადის ხარჯზე ხდება. აერობული ვარჯიშები საშუალო ინტენსივობისაა და დროში ხანგრძლივი) იყავით დაკავებული, ასეთ შემთხვევაში, საკვების მეშვეობით გლიკოგენის მარაგის აღდგენა უნდა მოხდეს, რაც ნივთიერებათა ცვლის პროცესს დააჩქარებს და ორგანიზმის ამტანობას აამაღლებს. ამ ყველაფერში კი ხილი და სხვადასხვა ტიპის სმუზები დაგეხმარებათ. თუ თქვენ ძალოვანი ვარჯიშებით იყავით დაკავებული, მაშინ ორგანიზმს ცილოვანი საკვები უნდა მიაწოდოთ. ამ დროს ხაჭო, ფრინველის ხორცი და თევზეული არის რეკომენდირებული. პირველ შემთხვევაში (აერობული ვარჯიშის შემდეგ) საკვების მიღება, იდეალურ ვარიანტში, ვარჯიშის დასრულებიდან 15 წუთში უნდა მოხდეს, მეორე შემთხვევაში (ძალოვანი ვარჯიშების შემდეგ) კი - ვარჯიშის დარსულებიდან 2 საათის განმავლობაში.
3. არასდროს გამოტოვოთ მოთელვა (გახურება) და გაწელვები. მოთელვა კუნთებს ახურებს, აუმჯობესებს სისხლის მიმოქცევას და ორგანიზმს დატვირთვისთვის ამზადებს. გაწელვები კი ტრავმების რისკს ამცირებს. თითოეული ეს ეტაპი 5 წუთამდე უნდა გრძელდებოდეს.
მოკლედ, იმედია სპეციალისტების ეს რჩევები ცოტათი მაინც გამოგადგებათ. ჯანმრთელობას და სილამაზეს გისურვებთ!
ანიკა