ბლოგი:
ივნისი 13, 2017
ავტორი Anika
დროის დეფიციტი დღეს ერთ-ერთი ყველაზე მტკივნეული რამაა, რის გამოც ადამიანები ხშირად დანიშნულების ადგილას გვიან მივდივართ, არაერთ წვრილმან საქმეს ვერ ვასწრებთ და ამის გამო მუდმივად დანაკლისის შეგრძნება გვაქვს. ამიტომაც, ის ძვირფასი დრო, რომელსაც სპორტულ დარბაზში სავარჯიშოდ საკუთარ თავს მოვპარავთ და გამოვიზოგავთ, მაქსიმალურად ეფექტიანად უნდა გამოვიყენოთ. დღევანდელ პოსტში ცნობილი ამერიკელი ფიტნეს ინსტრუქტორის რუდი მოერის რამდენიმე სასარგებლო რჩევას გაგიზიარებთ, რომლებიც სპორტდარბაზში 30 წუთის ნაყოფიერად გამოყენებაში და დროის ოპტიმიზებაში დაგვეხმარება.
1. წინასწარ უნდა განსაზღვროთ, ზუსტად რისი გაკეთება გსურთ დარბაზში: რა ტიპის სავარჯიშოების შესრულება გსურთ, აკეთებთ თუ არა ძალოვან ვარჯიშებს სიმძიმეებით, გამეორებების და მისვლების რაოდენობა. ასე, ზუსტად გეცოდინებათ რა ტიპის ტრენაჟორი თუ მოწყობილობა გესაჭიროებათ დარბაზში.
2. ძირითადი მიზანი რომ გეცოდინებათ, მას შემდეგ კონკრეტულად უნდა განსაზღვროთ, რაზე მოახდენთ ფოკუსირებას: მაგალითად, კუნთების მასის გაზრდა გსურთ, ცხიმის დაწვა თუ რამე სხვა მიზანი გაქვთ. თუ მიზანი ზოგადი სიძლიერის გაუმჯობესებაა, ასეთ შემთხვევაში ფოკუსს შერეულ მოძრაობებზე გადაიტანთ, რაც უკეთეს შედეგს მოიტანს, ვიდრე განცალკევებულად, რამდენიმე კონკრეტული მოძრაობის შესრულება. თუ თქვენი მიზანი კუნთოვანი მასის ზრდაა, ასეთ დროს კონკრეტულად ერთ ან ორ კუნთის ჯგუფზე სჯობს ყურადღების გამახვილება, ხოლო თუ ჭარბი ცხიმის დაწვა გსურთ, ამ შემთხვევაში ძლიერი დატვირთვის, მთელი სხეულისთვის განკუთვნილი ვარჯიშები, სადაც მინიმალურად შეისვებენთ, იდეალური გამოსავალი იქნება.
3. შეისვენეთ კონკრეტული ფოკუსის შესაბამისად.