როგორ შევადგინოთ დაბალანსებული კვების რაციონი

მუდმივი სწრაფვა ჯანსაღი ცხოვრების წესის, იდეალური ფორმებისა და წონისკენ გვაიძულებს, განუწყვეტლივ ვიფიქროთ საკვებზე, რასაც მივირთმევთ: აქცენტი ცილებზე გადავიტანოთ, მინიმუმამდე დავიყვანოთ ნახშირწყლები, მივირთვათ შეძლებისდაგვარად უცხიმო საკვები, დავლიოთ დღის განმავლობაში მინიმუმ 2 ლიტრი წყალი - მოკლედ, წარმატების ფორმულა ყველას თავისი აქვს. ამ ყველაფრის მიუხედავად, არსებობს ობიექტური მოცემულობა, რომელიც უცვლელია: ყოველდღიურ საკვებ რაციონში აუცილებლად უნდა იყოს გათვალისწინებული ამინო-მჟავები, ცხიმ-მჟავები, მინერალური ნივთიერებები და ვიტამინები. ვინაიდან მინერალური ნივთიერებები ორგანიზმში თავად არ გამომუშავდება, ამდენად აუცილებელი მათი საკვებთან ერთად მიღება. მათი და რომელიმე მათგანის ნაკლებობა შესაძლოა გახდეს სისუსტის, მოდუნების, კონცენტრაციის და სხვადასხვა დაავადებების გამომწვევი მიზეზი.

ამ ყველაფრის ყოველდღიურ კვებაში ასახვა ძალიან მარტივი საქმეა, თუ კვების ექიმთან მივალთ და ის იდეალურ გაწერილ კვების რეჟიმს გამოგვატანს სახლში. მაგრამ როგორ ვიქცევით მაშინ, როცა ეს ყველაფერი სხვისი დახმარების გარეშე დამოუკიდებლად, თავადვე უნდა მოვაგვაროთ? მოდით, კვების ექიმების რჩევებს გავეცნოთ.

1. მივირთვათ ცილებით მდიდარი საკვები: ხორცი, თევზეი, კვერცხი, რძის პროდუქტები. ცილების გარდა, მათში დიდი ოდენობითაა B ჯგუფის ვიტამინები და მიკროელემენტები.

2. ჩავრთოთ კვებაში ცხიმიანი თევზი და ზღვის პროდუქტები, სალათებში კი აუცილებლად გამოვიყენოთ მცენარეული ზეთები - ასე შეუცვლელ ცხიმ-მჟავებს და E ვიტამინს მივიღებთ.

3. რეგულარულად მივირთვათ მთლიანმარცვლოვანი ბურღულეული და ბოსტნეული უჯრედისის საჭირო ოდენობით მისაღებად.

4. ახლადგამოწურული წვენების ნაცვლად უპირატესობა ცოცხალ ხილს მივანიჭოთ, რადგანაც ხილთან ერთად ორგანიზმში უჯრედისიც ხვდება და არამხოლოდ ნახშირწყლების და ვიტამინების მიქსი.

5.