ბლოგი:
ივლისი 25, 2016
ავტორი Anika
ნახშირწყლები ცხიმზე არანაკლებ მოსაფრთხილებელი რომ არის, ეს სიახლეს აღარ წარმოადგენს. თუმცა, არც ნახშირწყლების მინიმუმამდე დაყვანაა გონივრული გადაწყვეტილება: ნახშირწყლები აუცილებლად უნდა მივიღოთ, ვინაიდან ისინი ჩვენი ორგანიზმის ერთგვარი საწვავია. მხოლოდ მნიშვნელოვანია, რომ ის ნახშირწყლები, რომელთაც დღის განმავლობაში მივირთმევთ, სწორად შევარჩიოთ - ანუ არჩევანი დაბალანსებულ, გადაუმუშავებელ ნახშირწყლებზე შევაჩეროთ, რომლებიც ორგანიზმის მიერ შედარებით ხანგრლივად გადამუშავდება, სისხლში შაქრის დონეს ნორმის ფარგლებში შეინარჩუნებს და დამატებით ცილებს, უჯრედისს, ვიტამინებს და მინერალებს შეიცავს. როგორ მოვახერხოთ ეს ყველაფერი?
- საუზმე მაქსიმალურად დაბალანსებული უნდა იყოს. მაგალითად, მაწვნის და ხილისგან დამზადებული სმუზი - კენკრების და ჭარხლის; კოჭა, კენკრა და შვრიის; კენკრა, ბანანი, ნაკლებცხიმიანი რძის და მიწისთხილის კარაქის; საზამთროს, პინტის და მაწვნის; ატმის, მაწვნის, ბანანის, თაფლის და ყინულის კომბინაცია.
კიდევ ერთი კარგი ალტერნატივა ე.წ. "სომხურ ლავაშში" გახვეული ნახევარი ავოკადოს თხელი ნაჭრები და ომლეტია (3 კვერცხის ცილა და ერთი კვერცხის გულის კომბინაცია იდეალურია).
- წავისუსნაოთ ჭკვიანურად. დღის განმავლობაში, მცირე-მცირე წასუსნავების დროს ჩიფსების, კრეკერების და მსგავსი გადამუშავებული ნახშირწყლების ნაცვლად უჯრედისით და ცილით მდიდარი თხილეული (ნუში ჩემპიონია!) მიირთვით, მზა ხილის იოგურტების ნაცვლად კი სახლში დამზადებული მაწვნის და მოცვის სმუზი დალიეთ, რომელიც გაცილებით ნოყიერი და იმავდროულად ანტიოქსიდანტებით მდიდარი სასმელია.
- სადილი მაქსიმალურად ენერგიისმომცემი უნდა იყოს. მაკარონის ნაწარმის სალათი ერთ ულუფაზე საშუალოდ 40გრ. რაფინირებულ ნახშირწყლებს შეიცავს. პასტას ქინოათი თუ ჩავანაცვლებთ, ასე უჯრედისის რაოდენობას გავასამმაგებთ, ხოლო პარკოსან კულტურებზე დამზადებული წვნიანები კი ორჯერ მეტ უჯრედისს შეიცავენ ვიდრე ლაფშას თუ სხვა წვრილი ვერმიშელის შემცველი წვნიანი.
- ვახშამზე მირთმეულ სალათს გახუხული პურის კუბების ნაცვლად თხილეული დაამატეთ, მაღალკალორიული და ცხიმიანი სოუსების მაგივრად კი ზეითუნის ზეთი და ვაშლის ძმარი გამოიყენეთ.
მომდევნო პოსტამდე,
ანიკა