როგორ შევასრულოთ აზიდვები სწორად

აზიდვები, "პლანკასთან ერთად", ერთ-ერთი ყველაზე უნივერსალური სავარჯიშოა, რომელიც მრავალ კუნთს ავარჯიშებს და რომლის შესრულებაც ნებისმიერ გარემოში არის შესაძლებელი. არ აქვს მნიშვნელობა დამწყები მოვარჯიშე ხართ თუ გამოცდილი ათლეტი - აზიდვები ყველას გვჭირდება და ყველასთვის არის სასარგებლო. თუმცა, ამ მოძრაობისგან მაქსიმალური სარგებელის მისაღებად, მნიშვნელოვანია, რომ სწორად შევასრულოთ ის და ფიტნეს ინსტრუქტორების რამდენიმე მნიშვნელოვანი რჩევა გავითვალისწინოთ:

1. აზიდვების შესრულება იატაკზე დაიწყეთ: ასე მეტი შანსი გექნებათ, მოძრაობა სწორად შეასრულოთ და გამძლეობა მუცლის კუნთების ხარჯზე გამოიმუშაოთ. ამას გარდა, ამ გზით უფრო მარტივად გაიგებთ, გჭირდებათ თუ არა აზიდვების მოდიფიკაცია. დაწექით იატაკზე, ფეხები გასწორებული და მუცლის კუნთები შეკუმშული. თუ ზურგის გასწორებულ მდგომარეობაში შენარჩუნება გიჭირთ, მაშინ მოდიფიცირება უნდა მოახდინოთ.

2. ერთი შეხედვით აზიდვები თითქოს სულ არ უნდა იყოს რთული შესასრულებელი, თუმცა ამ დროს არსებობს ტრავმის მიღების რისკი. ამიტომაც, საწყის ეტაპზე კარგ იქნება, თუ აზიდვებს მოდიფიცირებულად შეასრულებთ: ფეხები მუხლებში მოხარეთ და აიზიდეთ.

3. ხელები მხრებთან შედარებით ოდნავ უფრო განზე მოათავსეთ: ეს შედარებით გაგიმარტივებთ აზიდვების შესრულებას.

4. ნუ ასწევთ დუნდულოს ზემოთ. როგორც კი ზურგის სისწორე დაირღვევა, ეს შეასუსტებს მუცლის კუნთების ეფექტურობას და დატვირთვას. ამას გარდა, დუნდოლოს ზემოთ აწევით, მხრებს ზედმეტი დატვირთვა დააწვება.

5. აზიდვის შესრულებისას, როცა დაბლა ეშვებით, თავი ქვემოთ არ დახაროთ: ხერხემალი უნდა შენარჩუნდეს ბუნებრივად და თავიც სხეულს უნდა მიყვებოდეს, ზედმეტი განცალკევებული მოძრაობის გარეშე.

6. აქცენტი გააკეთეთ ხარისხზე და არა რაოდენობაზე.