ბლოგი:
მარტი 06, 2014
ავტორი Anika
მოდის კვირეულები ყოველთვის ღირებულ ინფორმაციას გვაწვდიან ახალი სეზონის ტენდენციების შესახებ და ზოგადად, საინტერესო სიახლეების შესახებ. ახლა კი სწორედ ის დროა, როცა ხარბად შეგვიძლია დავეწაფოთ ასეთ სიახლეებს და გავარკვიოთ, რა იყო აქტუალური მოდის უმნიშვნელოვანეს ქალაქებში და რა სასარგებლო რჩევები შეგვიძლია ნივიღოთ წამყვანი ვიზაჟისტებისგან.
მოდით, დღეს მილანით დავიწყოთ, სადაც ვერცხლის და თეთრი ოქროს ტონალობის ჩრდილები ერთ-ერთი წამყვანი ტენდენცია იყო, ვიზაჟისტები კი ამ პალიტრის მეშვეობით თავისებურ ინტერპრეტაციებს აკეთებდნენ: ზოგან ქვედა ქუთუთო იყო ხაზგასმული, ზოგან smokey-eyes ვარიანტს ენიჭებოდა უპირატესობა, ზოგიერთმა კი თვალის შიდა ნაწილს გაუსვა ხაზი ამგვარი ჩრდილებით.
ტუჩები კონტრასტულად მკაფიოდ წითელი ან ალუბლის ფერი პომადით იყო გამოყოფილი, დანარჩენი მაკიაჟი კი მინიმუმამდე იყო დაყვანილი. არჩევანს ასეთი ფერის ტუჩის საცხზე თუ შეაჩერებთ, არ დაგავიწყდეთ, ტუჩის კონტურის სათანადოდ გადასმა - მუქი ფერის პომადის შემთხვევაში, ეს მნიშვნელოვანია.
ვინც ჩემზე ნაკლებ ზარმაცები ხართ თმის ვარცხნილობებთან მიმართებაში, ნაწნავის ახლებური ვერსიები აუცილებლად უნდა გამოსცადოთ: დრო, აშჯარად, ცოტა სჭირდება და განწყობასაც ახალისებს. თანაც, ჩემი აზრით, გაზაფხულის ამინდს და “ფრიალა” ქვედაბოლოებს განსაკუთრებით მოუხდება.
მანიკურს რაც შეეხება, მილანის ჩვენებებზე გამჭვირვალე, ღია კანისფერი და წითელი ფერის ლაქები სჭარბობდა - თქვენი არ ვიცი და წითელი ფერის ფრჩხილის ლაქი და პომადა, ჩემი კოსმეტიკის მუდმივი და განუყოფელი ნაწილია.
ახლა კი ჩემი ფავორიტი, Dolce & Gabbana-ს ჩვენებაზე ცნობილი ვიზაჟისტის პეტ მაკგრატის მიერ შექმნილი ზღაპრული მაკიაჟის შესახებ უნდა მოგიყვეთ. სახის იდეალური ტონალობის შესაქმნელად ვიზაჟისტმა Perfect Luminous Liquid Foundation სახის ცენტრიდან გვერდებისკენ გადაანაწილა. ჰაილაითერის სახით, მან უფრო ღია ფერის ტონალური საცხი გამოიყენა თვალების ირგვლივ, ცხვირზე, ყვრიმალებზე, შუბლზე და ნიკაპზე, ლოყების ჩავარდნილი ნაწილის ხაზგასასმელად კი “რუმიანა” ფერში nude.
თვალებზე Eyeshadow Quad «Desert 123»-ის პალიტრის ღია ფერები აქვს გამოყენებული, ხოლო ზემოდან კი Cream Eye Colour-ის კრემის ტექსტურის მქონე ერთფერიანი ჩრდილებიდან Innocence და Gold Dust-ის ფერები გადასმული. თვალის კონტურის ხაზგასასმელად ზედა და ქვედა ქუთუთოებზე, თვალის ცენტრიდან გარე კუთხემდე მსუბუქი ხაზის გასავლებად მაკგრატმა Crayon Intense გამოიყენა, ზედა ქუთუთოზე კი დამატებით Intense Liquid Eyeliner-ის მეშვეობით, უფრო გამოკვეთილი ხაზი გაავლო. ვიზაჟისტმა ზედა წამწამებზე Intenseyes Mascara შავი ფერის ტუში, ქვედაზე კი Passion eyes Mascara ყავისფერი ტუში გადაუსვა.
ახლა ტუჩებს რაც შეეხება - აქ ვიზაჟისტს Classic Cream Lipstick-ის თაფლისფერი ტუჩის საცხი აქვს გამოყენებული - მნიშვნელოვანია, რომ “შიშველი ტუჩების” ეფექტის მისაღწევად, მას პომადა ხელის თითებით აქვს წასმული ძალიან მსუბუქად. ტუჩის შუაგულში კი, დასასრულს ვიზაჟისტს Sheer Shine Gloss-ის ნახევრაგამჭვირვალე ტუჩის მბზინავი აქვს გამოყენებული Aqua-ს ფერში.
მომდევნო პოსტამდე,
ანიკა
მოდით, დღეს მილანით დავიწყოთ, სადაც ვერცხლის და თეთრი ოქროს ტონალობის ჩრდილები ერთ-ერთი წამყვანი ტენდენცია იყო, ვიზაჟისტები კი ამ პალიტრის მეშვეობით თავისებურ ინტერპრეტაციებს აკეთებდნენ: ზოგან ქვედა ქუთუთო იყო ხაზგასმული, ზოგან smokey-eyes ვარიანტს ენიჭებოდა უპირატესობა, ზოგიერთმა კი თვალის შიდა ნაწილს გაუსვა ხაზი ამგვარი ჩრდილებით.
ტუჩები კონტრასტულად მკაფიოდ წითელი ან ალუბლის ფერი პომადით იყო გამოყოფილი, დანარჩენი მაკიაჟი კი მინიმუმამდე იყო დაყვანილი. არჩევანს ასეთი ფერის ტუჩის საცხზე თუ შეაჩერებთ, არ დაგავიწყდეთ, ტუჩის კონტურის სათანადოდ გადასმა - მუქი ფერის პომადის შემთხვევაში, ეს მნიშვნელოვანია.
ვინც ჩემზე ნაკლებ ზარმაცები ხართ თმის ვარცხნილობებთან მიმართებაში, ნაწნავის ახლებური ვერსიები აუცილებლად უნდა გამოსცადოთ: დრო, აშჯარად, ცოტა სჭირდება და განწყობასაც ახალისებს. თანაც, ჩემი აზრით, გაზაფხულის ამინდს და “ფრიალა” ქვედაბოლოებს განსაკუთრებით მოუხდება.
მანიკურს რაც შეეხება, მილანის ჩვენებებზე გამჭვირვალე, ღია კანისფერი და წითელი ფერის ლაქები სჭარბობდა - თქვენი არ ვიცი და წითელი ფერის ფრჩხილის ლაქი და პომადა, ჩემი კოსმეტიკის მუდმივი და განუყოფელი ნაწილია.
ახლა კი ჩემი ფავორიტი, Dolce & Gabbana-ს ჩვენებაზე ცნობილი ვიზაჟისტის პეტ მაკგრატის მიერ შექმნილი ზღაპრული მაკიაჟის შესახებ უნდა მოგიყვეთ. სახის იდეალური ტონალობის შესაქმნელად ვიზაჟისტმა Perfect Luminous Liquid Foundation სახის ცენტრიდან გვერდებისკენ გადაანაწილა. ჰაილაითერის სახით, მან უფრო ღია ფერის ტონალური საცხი გამოიყენა თვალების ირგვლივ, ცხვირზე, ყვრიმალებზე, შუბლზე და ნიკაპზე, ლოყების ჩავარდნილი ნაწილის ხაზგასასმელად კი “რუმიანა” ფერში nude.
თვალებზე Eyeshadow Quad «Desert 123»-ის პალიტრის ღია ფერები აქვს გამოყენებული, ხოლო ზემოდან კი Cream Eye Colour-ის კრემის ტექსტურის მქონე ერთფერიანი ჩრდილებიდან Innocence და Gold Dust-ის ფერები გადასმული. თვალის კონტურის ხაზგასასმელად ზედა და ქვედა ქუთუთოებზე, თვალის ცენტრიდან გარე კუთხემდე მსუბუქი ხაზის გასავლებად მაკგრატმა Crayon Intense გამოიყენა, ზედა ქუთუთოზე კი დამატებით Intense Liquid Eyeliner-ის მეშვეობით, უფრო გამოკვეთილი ხაზი გაავლო. ვიზაჟისტმა ზედა წამწამებზე Intenseyes Mascara შავი ფერის ტუში, ქვედაზე კი Passion eyes Mascara ყავისფერი ტუში გადაუსვა.
ახლა ტუჩებს რაც შეეხება - აქ ვიზაჟისტს Classic Cream Lipstick-ის თაფლისფერი ტუჩის საცხი აქვს გამოყენებული - მნიშვნელოვანია, რომ “შიშველი ტუჩების” ეფექტის მისაღწევად, მას პომადა ხელის თითებით აქვს წასმული ძალიან მსუბუქად. ტუჩის შუაგულში კი, დასასრულს ვიზაჟისტს Sheer Shine Gloss-ის ნახევრაგამჭვირვალე ტუჩის მბზინავი აქვს გამოყენებული Aqua-ს ფერში.
მომდევნო პოსტამდე,
ანიკა