ბლოგი:
ოქტომბერი 10, 2014
ავტორი Anika
თვალი ჩვენი ორგანიზმის ყველაზე ფაქიზი და სათუთი ნაწილია - ეს ყველამ ვიცით და ახალი მგონი, არც არაფერი მითქვამს. თვალს რომ შესაბამისი მოვლა სჭირდება, ესეც უნდა ვიცოდეთ ყველამ, მაგრამ ჩემი ვარაუდით, ჩვენ შორის ძალიან ცოტა თუ ხარჯავს ამ მიმართულებით დროს და ძალისხმევას. რომ იცოდეთ, რა რაოდენობის სტრესს განიცდის ჩვენი მხედველობა დღის განმავლობაში და რამდენს ირჯება საიმისოდ, რომ უკვე განცდილი ზიანი თავადვე გამოასწოროს და გაჯანსაღდეს. ამას ხშირ შემთხვევაში ახერხებს, მაგრამ რიგ შემთხვევებში, ზიანი იმდენად მნიშვნელოვანია, რომ ორგანიზმი თავად ვერ სწვდება. მიხვდით, ალბათ, რომ ორგანიზმს ამ მხრივ დახმარება სჭირდება, რაზეც დღევანდელ პოსტში გესაუბრებით.
ლუტეინი და ზეაქსანტინი - ეს მნიშვნელოვანი ნივთიერებები თვალებს ულტრაიისფერი სხივების მავნე ზემოქმედებისგან იცავს და ასაკთან ერთად მხედველობის დაქვეითებასთან დაკავშირებულ ფაქტორებსაც ეფექტურად ებრძვის. ისინი ბლომად გვხვდება ფოთლოვან, მწვანე ბოსტნეულში, თუმცა ერთი რამ გაითვალისწინეთ: მათ ასათვისებლად ცხიმი ესაჭიროებათ, ამიტომაც, ფოთოლოვან სალათს აუცილებლად მოასხით ცოტა ზეითუნის ან სხვა სახეობის ზეთი.
C და E ვიტამინები - მზის სხივებისგან ჩვენი თვალები ყოველდღიურად იღებენ მავნე ზემოქმედებას, C და E ვიტამინები კი ამ შემთხვევაში ანტიოქსიდანტის როლში გამოდიან და მზის რადიაციის შედეგად წარმოქმნილი მავნე მოლეკულების დიდ ნაწილს იწოვენ. ამიტომაც, საკვებ რაციონში აუცილებლად შეიტანეთ ფორთოხალი, ბროკოლი, ბულგარული წიწაკა, თხილეული, ტკბილი კარტოფილი ფოთლოვანი მწვანე ბოსტნეული და ზეითუნის ზეთი.
ომეგა-3 ცხიმმჟავები - ამ ცხიმმჟავებზე იმდენი გვისაუბრია, აღარ დავწვრილმანდები, უბრალოდ შეგახსენებთ, რომ მისი საუკეთესო წყაროა ორაგული, ქაშაყი, სარდინები, ნიგოზი და სელის თესლი. მცენარეული ზეთებიც საკმაოდ მდიდარი არიან ამ ცხიმმჟავებით.
ცინკი - ცინკს ყველაზე დიდი რაოდენობით ხამანწკებში ვხვდებით, თუმცა წითელი ხორციც არანაკლები ალტერნატივაა ამ მიმართულებით. ამას გარდა, ლობიო და თურქული ბარდაც კარგი წყაროცა ცინკის დღიური დოზის მისაღებად.
A ვიტამინი -ეს ვიტამინი ყველაზე ხშირად სტაფილოსთან არის ასოცირებული და ძალიან მნიშვნელოვან როლს თამაშობს ჯანმრთელი მხედველობის შენარჩუნებაში და ღამის სიბრმავის პრევენციაში. სტაფილოს გარდა, ფერადი ხილი და ბოსტნეული, თევზი, თხილეული და მცენარეული ზეთი ასევე კარგ წყაროა A ვიტამინის მარაგების შესავსებად.
მომდევნო პოსტამდე,
ანიკა
ლუტეინი და ზეაქსანტინი - ეს მნიშვნელოვანი ნივთიერებები თვალებს ულტრაიისფერი სხივების მავნე ზემოქმედებისგან იცავს და ასაკთან ერთად მხედველობის დაქვეითებასთან დაკავშირებულ ფაქტორებსაც ეფექტურად ებრძვის. ისინი ბლომად გვხვდება ფოთლოვან, მწვანე ბოსტნეულში, თუმცა ერთი რამ გაითვალისწინეთ: მათ ასათვისებლად ცხიმი ესაჭიროებათ, ამიტომაც, ფოთოლოვან სალათს აუცილებლად მოასხით ცოტა ზეითუნის ან სხვა სახეობის ზეთი.
C და E ვიტამინები - მზის სხივებისგან ჩვენი თვალები ყოველდღიურად იღებენ მავნე ზემოქმედებას, C და E ვიტამინები კი ამ შემთხვევაში ანტიოქსიდანტის როლში გამოდიან და მზის რადიაციის შედეგად წარმოქმნილი მავნე მოლეკულების დიდ ნაწილს იწოვენ. ამიტომაც, საკვებ რაციონში აუცილებლად შეიტანეთ ფორთოხალი, ბროკოლი, ბულგარული წიწაკა, თხილეული, ტკბილი კარტოფილი ფოთლოვანი მწვანე ბოსტნეული და ზეითუნის ზეთი.
ომეგა-3 ცხიმმჟავები - ამ ცხიმმჟავებზე იმდენი გვისაუბრია, აღარ დავწვრილმანდები, უბრალოდ შეგახსენებთ, რომ მისი საუკეთესო წყაროა ორაგული, ქაშაყი, სარდინები, ნიგოზი და სელის თესლი. მცენარეული ზეთებიც საკმაოდ მდიდარი არიან ამ ცხიმმჟავებით.
ცინკი - ცინკს ყველაზე დიდი რაოდენობით ხამანწკებში ვხვდებით, თუმცა წითელი ხორციც არანაკლები ალტერნატივაა ამ მიმართულებით. ამას გარდა, ლობიო და თურქული ბარდაც კარგი წყაროცა ცინკის დღიური დოზის მისაღებად.
A ვიტამინი -ეს ვიტამინი ყველაზე ხშირად სტაფილოსთან არის ასოცირებული და ძალიან მნიშვნელოვან როლს თამაშობს ჯანმრთელი მხედველობის შენარჩუნებაში და ღამის სიბრმავის პრევენციაში. სტაფილოს გარდა, ფერადი ხილი და ბოსტნეული, თევზი, თხილეული და მცენარეული ზეთი ასევე კარგ წყაროა A ვიტამინის მარაგების შესავსებად.
მომდევნო პოსტამდე,
ანიკა