ბლოგი:
აგვისტო 05, 2013
ავტორი Anika
თევზი გიყვართ? თუ კი, მაშინ გაგიმართლათ - თქვენ გაცილებით მეტი შანსი გაქვთ თევზეულისადმი მწყრალად განწყობილ ქალებთან შედარებით, რომ შეამციროთ ძუძუს კიბოს განვითარების რისკი. ამ დაავადების საშიშროების და მასშტაბების შესახებ ისედაც საკმარისი ინფორმაცია გექნებათ, ასე რომ ამ დეტალებით თავს არ შეგაწყენთ.
თევზეულს მივუბრუნდეთ. უახლესმა სამედიცინო კვლევების მიხედვით, თევზისგან მიღებული ომეგა 3 ცხიმ-მჟავები შესაძლოა სწორედ ზემოხსენებული სიმსივნური დაავადების წარმოშობის შესაძლებლობას ამცირებდეს.
ამ კვლევაში დაახლოებით 883 000 ადამიანი და 20 000-ზე მეტი ძუძუს კიბოს პაციენტი იყო ჩართული. ჩატარებული დაკვირვებების შედეგად, ყოველდღიურად მიღებული 100 მგ. ომეგა-3 ცხიმმჟავა 5%-ით ამცირებს ძუძუს კიბოს რისკს.
ომეგა-3 ცხიმმჟავების განსაკუთრებული თვისებები სიახლეს რა ხანია აღარ წარმოადგენს და თევზი რომ მათი საუკეთესო წყაროა, ესეც საყოველთაოდ აღიარებული ფაქტია: კერძოდ, თევზი იმ ორი ტიპის ომეგა-3 ცხიმმჟავას შეიცავს, რომელიც გულის და ტვინის ფუნქციონირებისთვის არის უმნიშვნელოვანესი. თუმცა, მისი სასარგებლო თვისებების ბოროტად გამოყენება სასიკეთო შედეგებს ნამდვილად არ მოვიტანს: ერთ-ერთ სხვა კვლევაში გამოვლინდა, რომ სისხლში ომეგა-3-ის გადამეტებულად მაღალი მაჩვენებელი მამაკაცებში პროსტატის სიმსივნის რისკს ზრდის.
მოკლედ, რა რაოდენობის ომეგა 3 გვჭირდება კვირის განმავლობაში, საიმისოდ, რომ ზომიერი რაოდენობა მივიღოთ და არ “გადავამლაშოთ”?! ექიმების თქმით, ყოველკვირეული დოზა 1750 მგ.-ს უნდა შეადგენდეს. ამ ნორმას კი 250 გრამამდე თევზის მიღებით შევასრულებთ - შეგვიძლია ორ კვებაზე გავყოთ და კვირაში ორჯერ, თითო კვებაზე 125 გრამი თევზი მივიღოთ.
მხედველობიდან არ გამოგრჩეთ ის ფაქტი, რომ სხვადასხვა თევზის სახეობას ომეგა-3-ის გასხვავებული შემცველობა აქვს. ამიტომაც, მეტი თვალსაჩინოებისთვის, ჩამონათვალს შემოგთავაზებთ, სადაც 125 გრამ თევზზე ომეგა-ის შემცველობაა მოცემული:
ქაშაყი და ანჩოუსი - 2300-2400 მგ
სკუმბრია - 1350-2100 მგ
ორაგული - 1200-2400 მგ
თინუსი (ალბაკორის ან ე.წ. blufin tuna) – 1700 მგ.
სარდინი - 1100-1600 მგ.
მდინარის კალმახი - 1000-1100 მგ.
თინუსი (თეთრი ალბაკორის,კონსერვირებული) – 1000 მგ.
ვირთევზა - 200 მგ.
ტილაპია - 150 მგ.
მომდევნო პოსტამდე,
ანიკა
თევზეულს მივუბრუნდეთ. უახლესმა სამედიცინო კვლევების მიხედვით, თევზისგან მიღებული ომეგა 3 ცხიმ-მჟავები შესაძლოა სწორედ ზემოხსენებული სიმსივნური დაავადების წარმოშობის შესაძლებლობას ამცირებდეს.
ამ კვლევაში დაახლოებით 883 000 ადამიანი და 20 000-ზე მეტი ძუძუს კიბოს პაციენტი იყო ჩართული. ჩატარებული დაკვირვებების შედეგად, ყოველდღიურად მიღებული 100 მგ. ომეგა-3 ცხიმმჟავა 5%-ით ამცირებს ძუძუს კიბოს რისკს.
ომეგა-3 ცხიმმჟავების განსაკუთრებული თვისებები სიახლეს რა ხანია აღარ წარმოადგენს და თევზი რომ მათი საუკეთესო წყაროა, ესეც საყოველთაოდ აღიარებული ფაქტია: კერძოდ, თევზი იმ ორი ტიპის ომეგა-3 ცხიმმჟავას შეიცავს, რომელიც გულის და ტვინის ფუნქციონირებისთვის არის უმნიშვნელოვანესი. თუმცა, მისი სასარგებლო თვისებების ბოროტად გამოყენება სასიკეთო შედეგებს ნამდვილად არ მოვიტანს: ერთ-ერთ სხვა კვლევაში გამოვლინდა, რომ სისხლში ომეგა-3-ის გადამეტებულად მაღალი მაჩვენებელი მამაკაცებში პროსტატის სიმსივნის რისკს ზრდის.
მოკლედ, რა რაოდენობის ომეგა 3 გვჭირდება კვირის განმავლობაში, საიმისოდ, რომ ზომიერი რაოდენობა მივიღოთ და არ “გადავამლაშოთ”?! ექიმების თქმით, ყოველკვირეული დოზა 1750 მგ.-ს უნდა შეადგენდეს. ამ ნორმას კი 250 გრამამდე თევზის მიღებით შევასრულებთ - შეგვიძლია ორ კვებაზე გავყოთ და კვირაში ორჯერ, თითო კვებაზე 125 გრამი თევზი მივიღოთ.
მხედველობიდან არ გამოგრჩეთ ის ფაქტი, რომ სხვადასხვა თევზის სახეობას ომეგა-3-ის გასხვავებული შემცველობა აქვს. ამიტომაც, მეტი თვალსაჩინოებისთვის, ჩამონათვალს შემოგთავაზებთ, სადაც 125 გრამ თევზზე ომეგა-ის შემცველობაა მოცემული:
ქაშაყი და ანჩოუსი - 2300-2400 მგ
სკუმბრია - 1350-2100 მგ
ორაგული - 1200-2400 მგ
თინუსი (ალბაკორის ან ე.წ. blufin tuna) – 1700 მგ.
სარდინი - 1100-1600 მგ.
მდინარის კალმახი - 1000-1100 მგ.
თინუსი (თეთრი ალბაკორის,კონსერვირებული) – 1000 მგ.
ვირთევზა - 200 მგ.
ტილაპია - 150 მგ.
მომდევნო პოსტამდე,
ანიკა