ბლოგი:
ივნისი 02, 2017
ავტორი Anika
გაწელვებს ბევრ სხვა სიკეთესთან ერთად, კიდევ ერთი დადებითი ეფექტი აქვს: ის ამცირებს სტრესის და შფოთის მდგომარეობას, დამამშვიდებელი და სარელაქსაციო მოქმედება აქვს. გაწელვების შესრულება საკმაოდ მოსახერხებელია იმის გათვალისწინებით, რომ ძილის წინ ან დილით გაღვიძებისთანავე ამისათვის სავარჯიშო მატრასის გამოღება არ დაგჭირდებათ - მათი შესრულება საწოლზეც მარტივად შესაძლებელია.
1. სპინალური მობრუნება - საწოლისთვის ზედგამოჭრილი მოძრობაა, რომელიც ზურგის ქვედა ნაწილის გაწელვისთვისაა იდეალური. ზურგზე ვწვებით, ორივე ფეხს ვხრით და მუხლებით მარცხენა მხარეს გადავიწევით, ტანის ზედა ნაწილს და თავს კი საპირისპირო მარჯვენა მხარეს გადავხრით. ასე დავრჩებით 30 წამის განმავლობაში. იგივეს გავიმეორებს მეორე მხარეს.
2. ეს მოძრაობაც ზურგის ქვედა მონაკვეთზეა ორიენტირებული. ვწვებით ზურგზე, ფეხები გაშლილია და ერთმანეთზე მიტყუპებული. ნელი მოძრაობით მარცხენა ფეხს მოვხრით და მუხლით გულმკერდთან მივიტანთ. ხელებით მოვეჭიდებით მარცხენა ფეხს და ნელ-ნელა მივიზიდავთ გულმკერდისკენ, რაც გაწელვას გააძლიერებს. ასე გავჩერდებით 30 წამის განმავლობაში და შემდეგ იგივეს გავიმეორებთ მეორე მხარესაც.
3. მუხლის ქვედა მყესის გაწელვები - ზურგზე ვქვებით, ფეხები გაშლილია. მარცხენა ფეხს გასწორებულ მდგომარეობაში მაღლა ვწევთ, მენჯი გაუნძრევლად საწოლზეა. მუხლს ქვემოთ ხელით მოვეჭიდებით ფეხს და მაქსიმალურად ჩვენსკენ მივიზიდავთ. ასე გავჩერდებით 30 წამი და შემდეგ იგივეს გავიმეორებთ მეორე მხარეს.
4. ეს გაწელვა მენჯ-ბარძაყის ფლექსორებზე და მხრებზეა გათვლილი. ვწვებით მარცხენა გვერდზე, მარცხენა იდაყვს დავეყრდნობით თავით. მარჯვენა ფეხს მუხლში მოვკეცავთ და მარჯვენა ხელით ფეხის ტერფს დავიჭერთ. შევეცდებით ტერფი დუნდოლოსკენ მაქსიმალურად მივწიოთ. ამ მდგომარეობაში 30 წამის განმავლობაში გავჩერდებით და შემდეგ იგივეს მეორე მხარეს გავიმეორებთ.
5. კობრას პოზა იდეალურია გულმკერდის, კისრის და აბდომინალური კუნთების გასაჭიმად და იმავდროულად ხერხემლის მოქნილობისთვის. დავწვებით მუცელზე, ხელებს წინა მიმართულებით გავშლით. ნელ-ნელა ხელებს გულმკერდისკენ მოვწევთ და დავეყრდნობით მათ, ზედატანს იატაკიდან ავწევთ ასევე ნელი მოძრაობით, ტანს მაქსიმალურად ავწევთ, ვიდრე სასიამოვნო გაწელვას არ ვიგრძნობთ აბდომინალურ მონაკვეთში.