საუზმე ოჯახის ყველაზე პატარა წევრებთან

საუზმე დღის საკრალური რუტინაა, ყველაზე მნშვნელოვანი გასტრონომიული რიტუალი, რომელიც ჩვენს და ჩვენი შვილების მთელ დღეს განსაზღვრავს. სისტემატურად ჩამოყალიბებული საუზმის ჩვევები უკვე ცხოვრების წესს აყალიბებს, რომლის წლების შემდეგ შეცვლა უკვე საკმაოდ რთულია. ამიტომაც, თუ დროულად მივაჩვევთ ჩვენს შვილებს შეძლებისდაგვარად ჯანსაღი და სასარგბელო საუზმის მიღებას, ეს მათ შემდგომ ძალიან დაეხმარება. ყველაზე მნიშვნელოვანი ამ დრო შაქრის მოხმარების მინიმუმამდე დაყვანაა, ვინაიდან არაერთი კვლევა სწორედ იმაზე მიუთითებს, რომ საუზმე ყველაზე მეტადაა გაჯარებული ტკბილი პროდუქტებით. ამიტომაც, უპირველესი ამოცანა ამ ტკბილეულის განეიტრალებაა - სწორედ ამას გვირჩევენ კვების ექიმები. მაინდ როგორ უნდა მოვახეხოთ ეს?

1. "განახევრების" ტაქტიკა. თუ თქვენს შვილებს დილით ხილის იოგურტების მირთმევა უყვართ , მარტივ მეთოდს შეგიძლიათ მიმართოთ და ნახევარ იოგურტს ნახევარი ულუფა მაწონი შეურიოთ, ან თაფლიან და სიტკობით გაჯერებულ ბურბუშელას ნაკლებად შაქრიანი ბურბუშელა შეურიეთ სანახევროდ - მოკლედ, ნებისმიერ პროდუქტთან დაკავშირებით შეგიძლიათ ეს განახევრევა-განეიტრალების მეთოდი გამოიყენოთ.

2. ყურადღებით შეარჩიეთ საბავშვო ბურბუშელა. ეტიკეტზე დააკვირდით, რომ თითო ულუფაზე (აღნიშვნა per serving) შაქრის შემცველობა 5 გრამს არ აღემატებოდეს. ალტერნატივად შეგიძლიათ უშაქრო ბურბუშელა შეიძინოთ და შემდეგ უკვე თქვენ თვითონ დაუტკბოთ სახლში - გაცილებით გონივრული იქნება.

3. ყოველთვის იქონიეთ მზადყოფნაში სხვადასხვა სახეობის ხილი, რომელსაც 'დამატკბობელის" ფუნქციით გამოიყენებთ - მაგალითად, ბუტერბროდს გადაუსვამთ არაქისის კარაქს და ზედ რომელიმე ხილს დაასკუპებთ ტკბილი გემოსთვის: ბანანის ან მარწყვის ნაჭერი ან სულაც ყურძენი, გააჩნია სეზონს და შესაბამის ხილს.

4. მაჭკატები და ბლინები შაქრის გარეშე დაამზადეთ და დასატკბობად ზემოდან ან თაფლი მოასხით ან ტკბილი ხილის ნაჭრები მოაყარეთ ან არაქისის კარაქი გადაუსვით - გადახედეთ სამზარეულოში არსებულ ნაკლებად ტკბილ ალტერნატივებს.

მომდევნო პოსტამდე,

ანიკა