სავარჯიშოები ჯიუტი ცელულიტის დასამარცხებლად

ზრდასრულობის ყოველ 10 წელიწადზე, საშუალოდ ქალი 3 კილოგრამამდე კუნთის მასას კარგავს და მას 9 კილოგრამამდე ცხიმით ანაცვლებს" - ასე ამბობენ ექიმები. იმედის მომცემი განაცხადი ნამდვილად არ არის. ისედაც კი ვიცოდით, რომ წლებთან ერთად მეტაბოლიზმი იცვლება ორგანიზმში და ამდენად, ცხიმებს ადვილად ვაგროვებთ და ცელულიტიც გაცილებით მარტივად გვიჩნდება. ამიტომაც არის საჭირო სისტემატური ვარჯიში და დაბალანსებული საკვები რაციონი, ხოლო უკვე არსებული ჯიუტი ცელულიტის "მოსარჯულებლად" კი სპეციალური სავარჯიშოები არსებობს, რომლებიც ცელულიტის საგრძნობლად შემცირებაში დაგვეხმარება. დღეს სწორედ ამ სავაჯიშოებს გაგაცნობთ.

თითო სავარჯიშოს ვასრულებთ 10-15 გამეორებად. სასურველია, ეს სავარჯიშოები კვირაში სამჯერ შესრულდეს.





სავარჯიშო N1

ვავარჯიშებთ ბარძაყის ოთხთავა კუნთებს, მუხლის ქვედა მყესს, დიდ დუნდულა კუნთს.

სასურველია ჰანტელების გამოყენება, თუმცა ამ სავარჯიშოს შესრულება მათ გარეშეც არის შესაძლებელი.

დადექით, ფეხები მხრების დონეზე გაშალეთ, ზურგი გასწორებული უნდა იყოს. დაიჭირეთ ჰანტელები და ბარძაყთან მიიტანეთ.

გადადგით მარცენა მხარეს დიდი ნაბიჯი და მოხარეთ მუხლი ისე, რომ იატაკის პარელულური იყოს. ამ დროს მარცხენა ფეხი გაშლილია. რამდენიმე წამი გაჩერდით ასე, დაუბრუნდით საწყის პოზიციას და შემდეგ იგივე მოძრაობა შეასრულეთ მარჯვენა მხარეს.

სავარჯიშო N2

ვავარჯიშებთ დუნდულების კუნთებს

თუ კოჭზე შემოსახვევი ჰანტელები გაქვთ, გაიკეთეთ და ეს სავარჯიშო ისე შეასრულეთ.

დაეშვით მუხლებზე და დაეყრდენით ხელებს. ზურგი უნდა იყოს სწორი. ზურგის გამოძრავების გარეშე, ასწიეთ მუხლში მოხრილი მარცხენა ფეხი, მიიყვანეთ იატაკის პარალელურ მდგომარეობამდე, ერთი წამით გააჩერეთ და შემდეგ დაუბრუნდით საწყის მდგომარეობას. იგივე გაიმეორეთ მარჯვენა ფეხზე.

სავარჯიშო N3

ვავარჯიშებთ ბარძაყის შიდა კუნთებს. წვივზე დასამაგრებელი ჰანტელები აქაც გამოგვადგება.

დაწექით მარცხენა მხარზე, მარცხენა ხელი ამოიდეთ თავქვეშ და მარჯვენა ფეხი მოათავსეთ მარცხენა მუხლის წინ. მარცხენა ფეხი კარგად უნდა იყოს გაშლილი. ასწიეთ მარცხენა ფეხი, ერთი წამი გააჩერეთ და ისევ დაუბრუნდით საწყის პოზიციას.

სავარჯიშო N4

ვავარჯიშებთ დუნდულის კუნთებს, მუხლის ქვედა მყესს, ბარძაყის ოთხთავა კუნთებს.

მოიხარეთ მუხლებში და ოდნავ ჩაჯექით, თითქოს სკამზე აპირებდეთ დაჯდომას. ზურგი უნდა იყოს გასწორებული, მუხლები კი არ უნდა გადასცდეს ფეხის წვერებს. შეყოვნდით, გაასწორეთ ფეხები და მარცხენა ფეხი ასწიეთ ზემოთ, გვერდითა მიმართულებით. ერთი წამით გააჩერეთ ასე და შემდეგ ისევ საწყის მდგომარეობას დაუბრუნდით. გაიმეორეთ იგივე მარცხენა მხარეს. ვარჯიშის დრს მარცხენა და მარჯვენა მხარე მუდმივად ანაცვლეთ.

სავარჯიშო N5

ვავარჯიშებთ დუნდულის კუნთებს, მუქლის ქვედა მყესს და ბარძაყის ოთხთავა კუნთებს

დადექით დაახლოებით 60 სანტიმეტრის დაშორებაზე მყარი სკამისგან. მარცხენა ფეხი დადეთ სკამზე, მარჯვენა კი მუხლში მოხარეთ, როგორც ეს ფოტოზეა მოცემული. ზურგი გასწორებულია, თავი ზერგის აყოლებაზე სწორად გვიჭირავს.

ოდნავ მოხარეთ მარჯვენა მუხლი ისე რომ ბარძაყი იატაკის პარალელური იყოს, შეჩერდით ერთი წამი და დაუბრუნდით საწყის მდგომარეობას. 10-15 გამეორებას რომ მორჩებით ამ ფეხზე, შემდეგ იგივე გააკეთეთ მეორე ფეხზე.

წარმატებებს გისურვებთ!

ანიკა