სახის მოვლის ნობელიანტი პროდუქტები

ამ პოსტის სათაური ყველაზე უცნაური და მოულოდნელია, ალბათ, ანიკას ბლოგის არსებულ წერილებს შორის. დღეს მეცნიერებაზე საუბარს არ ვაპირებთთქო რომ გითხრათ, მოგატყუებთ - დღევანდელი თემა სწორედ რომ მეცნიერებაში მომხდარი გადატრიალებებია, რომლებიც, თავის მხრივ, კოსმეტიკის სფეროს ინოვაციებს დაედო საფუძვლად.

YSL-ის რევოლუციურმა, გამაახალგაზრდავებელმა ხაზმა სამეცნიერო სამყაროსთან ერთად, მოდის სამყაროც “შეაზანზარა”. ამბობენ, მომლოდინეთა სიის მოწინავე რიგებში, მომღერალი რიანა და ვიქტორია ბექჰემი იყვნენ განთავსებულიო. არც უნდა იყოს გასაკვირი - Forever Youth Liberator-ის ხაზი ხომ კოსმეტოლოგიაში არსებული ნებისმიერი სხვა პროდუქციისგან რადიკალურად განსხვავდება. მას საფუძვლად 1999 წელს ამერიკელი ბიოლოგის, ნობელიანტი გიუნტერ ბლობელის მიერ უჯრედშიდა განახლების მექნიზმი უდევს საფუძვლად.

რაში მდგომარეობს ამ გამაახალგაზრდავებელი ხაზის უპირატესობა? მოკლედ რომ გითხრათ, ამ შემთხვევაში, მეცნიერებმა პირველად გააკეთეს აქცენტი გლიკანებზე. “ყველა დნკ-ზე და ღეროვან უჯრედებზე არის გადართული. ჩვენ კი გამოვარკვიეთ, რომ კანის მდგომარეობაზე არანაკლებ დიდი გავლენა გლიკანებს აქვთ, რომელთა რაოდენობაც ასაკთან ერთად იკლებს - ამბობს ამ ხაზის ერთ-ერთი შემქმნელი ბრუნო ბერნარი - წლების განმავლობაში კოლეგებთან ერთად სწორედ ამ მიმართულებით ვმუშაობდით, გვინდოდა ისეთი რამ შეგვექმნა, რომელიც ამ დანაკლისის ანაზღაურებას და შევსებას შეძლებდა. საბოლოოდ, გამოგვივიდა კიდეც! Glycanactif სამი, ხელოვნურად სინთეზირებული გლიკანის ნარევია, რომლებიც სრულიად იდენტურია ჩვენს კანში არსებული გლიკენებისა”.

როგორც ირკვევა, Forever Youth Liberator-ის ხაზში შემავალ პროდუქტებში Glycanactif-ის ყველაზე დიდი კონცენტრაცია ახალ შრატშია, რომელიც ერთკვირიანი მოხმარების შემდეგ კანს სიმკვრივეს და ტონუსს უბრუნებს.



არ მინდა გამომრჩეს კიდევ ერთი ნობელის პრემიით შთაგონებული პროდუქტი - Lancaster-ის ღამის საცხი Suractif, რომელიც ღამის განმავლობაში ინტენსიურად აახალგაზრდავებს კანს ცილების სინთეზზე ზემოქმედების გზით და რომელსაც საფუძვლად 2004 წლის ქიმიის ნობელიანტი კვლევა უდევს.

მომდევნო პოსტამდე,

ანიკა