ბლოგი:
სექტემბერი 21, 2013
ავტორი Anika
ვისაც საშემოდგომო პარფიუმერულ “რეიდზე” გასვლა ჯერ არ გადაგიწყვეტიათ, დღეს შევეცდები თქვენი ცნობისმოყვარეობა გამოვაცოცხლო და საინტერესო თავგადასავლებისკენ გიბიძგოთ: მოდით, ცნობილი ბრენდების მიერ შემოდგომა-ზამთრის სეზონისთვის შემოთავაზებული ახალი სურნელები დავტესტოთ.
Kiss'n Fly Madly Kenzo-ზე წერენ, მონოტონურობის და ერთფეროვნებისგან თავის დასაღწევად საუკეთესო არჩევანიაო. ხილის არომატის განახლებული საშემოდგომო ვერსია მსხლის და გრეიფრუტის ხილის, ჟასმინის და შროშანის ყვავილების და მუსკუსის და კედარის საბაზისო ნოტების მიქსია.
GIORGIO ARMANI-ს ახალი სურნელი Si ჭეშმარიტად ცივი და გრილი ამინდის არომატია. შავი მოცხარის, პაჩულის და ვანილის აკორდებით გაზავებული სურნელი ნამდვილად იქნება თქვენთვის გამორჩეულობის და განსხვავებულობის გარანტი. თავად სურნელის შემქმნელების თქმით, შავი მოცხარი - ქალის სპონტანურობას უსვამს ხაზს, თეთრი ფრეზია - მის სენსიტიურობას, ხოლოდ მუსკუსი კი იდუმალებას.
Iceberg-ის White Iceberg-ის სურნელის მატარებელი ქალი ლამაზი და დახვეწილია, უყვარს კონტრასტებზე თამაში, მისი მგრძნობიარე ხასიათი კი თითქოსდა ცივი სიმშვიდის მიღმა აქვს დამალული. არომატი გრეიფრუტის და ლიმნის გრილი ნოტებით იხსნება, რასაც მწიფე მსხლის ძლიერი არომატი მოსდევს, ბოლოს კი, დამამთავრებელი ნოტები ჟოლოს მოტკბო სურნელს შემოაქვს. დამეთანხმებით, რომ ზემოთჩამოთვლილი ნოტები ერთმანეთის გამომრიცხავი და არათავსებადი უნდა იყოს წესით, თუმცა სწორედ ეს არის ამ სურნელის მიმზიდველი და მაგიური ძალა.
Givenchy-ის Ange Ou Demon Le Secret Eau de Toilette იმ ქალებისთვისაა, რომელთაც საკუთარი მიმზიდველობის კიდევ უფრო მეტად ხაზგასმა სურთ. ამ არომატში იდეალურად ერწყმის ერთმანეთს გრილი ბერგამოტის და ჩაის ფოთლების და კარამელიზირებული ვაშლების ტკბილი ნოტები. ამას ჟასმინის, ვარდის, ამბრის და პაჩულის აკორდებიც ემატება და შედეგად ცნობილი და ბევრისთვის უკვე საყვარელი Ange ou Deom Le Secret ხაზის ყველაზე მსუბუქ ინტერპრეტაციას ვიღებთ, რომელიც Givenchy-ის ფრანგულმა სახლმა ამ შემოდგომაზე წარმოგვიდგინა.
მომდევნო პოსტამდე,
ანიკა
Kiss'n Fly Madly Kenzo-ზე წერენ, მონოტონურობის და ერთფეროვნებისგან თავის დასაღწევად საუკეთესო არჩევანიაო. ხილის არომატის განახლებული საშემოდგომო ვერსია მსხლის და გრეიფრუტის ხილის, ჟასმინის და შროშანის ყვავილების და მუსკუსის და კედარის საბაზისო ნოტების მიქსია.
GIORGIO ARMANI-ს ახალი სურნელი Si ჭეშმარიტად ცივი და გრილი ამინდის არომატია. შავი მოცხარის, პაჩულის და ვანილის აკორდებით გაზავებული სურნელი ნამდვილად იქნება თქვენთვის გამორჩეულობის და განსხვავებულობის გარანტი. თავად სურნელის შემქმნელების თქმით, შავი მოცხარი - ქალის სპონტანურობას უსვამს ხაზს, თეთრი ფრეზია - მის სენსიტიურობას, ხოლოდ მუსკუსი კი იდუმალებას.
Iceberg-ის White Iceberg-ის სურნელის მატარებელი ქალი ლამაზი და დახვეწილია, უყვარს კონტრასტებზე თამაში, მისი მგრძნობიარე ხასიათი კი თითქოსდა ცივი სიმშვიდის მიღმა აქვს დამალული. არომატი გრეიფრუტის და ლიმნის გრილი ნოტებით იხსნება, რასაც მწიფე მსხლის ძლიერი არომატი მოსდევს, ბოლოს კი, დამამთავრებელი ნოტები ჟოლოს მოტკბო სურნელს შემოაქვს. დამეთანხმებით, რომ ზემოთჩამოთვლილი ნოტები ერთმანეთის გამომრიცხავი და არათავსებადი უნდა იყოს წესით, თუმცა სწორედ ეს არის ამ სურნელის მიმზიდველი და მაგიური ძალა.
Givenchy-ის Ange Ou Demon Le Secret Eau de Toilette იმ ქალებისთვისაა, რომელთაც საკუთარი მიმზიდველობის კიდევ უფრო მეტად ხაზგასმა სურთ. ამ არომატში იდეალურად ერწყმის ერთმანეთს გრილი ბერგამოტის და ჩაის ფოთლების და კარამელიზირებული ვაშლების ტკბილი ნოტები. ამას ჟასმინის, ვარდის, ამბრის და პაჩულის აკორდებიც ემატება და შედეგად ცნობილი და ბევრისთვის უკვე საყვარელი Ange ou Deom Le Secret ხაზის ყველაზე მსუბუქ ინტერპრეტაციას ვიღებთ, რომელიც Givenchy-ის ფრანგულმა სახლმა ამ შემოდგომაზე წარმოგვიდგინა.
მომდევნო პოსტამდე,
ანიკა