შემოდგომის საუკეთესო პროდუქტები

ბოლო ორი დღის წვიმიან ამინდებს თუ არ გავითვალისწინებთ, შემოდგომა ძალიან მიყვარს, თავისი ფერადოვნების, ცხელი ზაფხულის შემდეგ გრილად მობერილი სიოს თუ შემოდგომის სოფლის ნობათის გამო: გოგრა, ვაშლი, ბროწეულით გადაჭრელებული დახლები განსაკუთრებით ლამაზი შესახედია. დღევანდელ პოსტში სწორედ იმ შემოდგომის ხილზე თუ ბოსტნეულზე მინდა გესაუბროთ, რომლებიც უამრავ სასარგბელო ნივთიერებას შეიცავენ და თან წონაში კლებაშიც გვეხმარებიან.

1. ბროწეული - მდიდარია უჯრედისით, რომელიც ძალიან გვეხმარება წონაში კლების დროს, დიდი ხნით გვანაყრებს. ამას გარდა, ის დიდი რაოდნეობით შეიცავს ანტიოქსიდანტებს, გააჩნია ანთებისსაწინააღმდეგო მოქმედება, ხელს უწყობს არტერიული წნევის დაქვეითებას.



2. მსხალი - საშუალო ზომის მსხალში 6 გრამი უჯრედისია, რაც მუცლის შებერილობას აგაცილებთ და კუჭ-ნაწლავის გამართულ ფუნქციონირებას შეუწყობს ხელს. ანტიოქსიდანტების, C და K ვიტამინების შემცველობასთან ერთად, მსხალი, ექიმების მტკიცებით, შესაძლოა ამცირებდეს გულსისხლძარღვოვანი დაავადებების და მეორე ჯგუფის დიაბეტის განვითარების რისკს.

3. შტოში - საკმაოდ არომატული სოუსის მომზადების გარდა,  შტოშს სხვა სასიკეთო თვისებებიც აქვს: ის მდიდარია მჟავებით, რომლებიც ხელს უწყობენ ცხიმების წვას და წონაში კლებას. ასე, რომ არ დაიზაროთ  და მიირთვით თუნდაც მარტივი შტოშის სახლში დამზადებული კომპოტი.



4. ვაშლი - უჯრედისის გარდა, ვაშლი დიდი ოდენობით შეიცავს პექტინს, გამორჩეულად დამანაყრებელ უჯრედისს, ამიტომაც ვაშლი დიეტის დროს საუკეთესო მეგობარია.

5. გოგრა - დაბალკალორიულია (100 გრამზე სულ რაღაც 26 კკალ!) , დიდი რაოდნეობით შეიცავს ურედისს, B ჯგუფის ვიტამინებს და რაც მთავარია, ძალიან არომატული და გემრიელია.

6. ტკბილი კარტოფილი - ასევე მდიდარი უჯრედისით, გვეხმარება სისხლში შაქრის დონის დარეულირებაში, შესაბამისად, გაცილებით მარტივად ვუმკლავდებით წასუსნავების და ტკბილეულის შემოტევებს.

მომდევნო პოსტამდე,

ანიკა