_from blog_:
_September_ 15, 2014
_by_ Anika
არ ვიცი, ვინ როგორ მოახერხეთ ზაფხულის განმავლობაში მრავალფეროვანი ხილის ათვისება და რამდენად მოამარაგეთ ორგანიზმი ზამთრის ცივი დღეებისთვის საჭირო ვიტამინებით და მინერალებით, მაგრამ თუ ამ მხრივ დიდად ვერ იყოჩაღეთ, ძალიანაც ნუ დადარდიანდებით - შემოდგომაზე ამ ყველაფრის გამოსწორების შესაძლებლობა გეძლევათ. გაიარეთ გარემოვაჭრეებში და ნახავთ, თუ რამდენად დიდი არჩევანია სეზონური ხილის, ხოლო თითოეული მათგანი რისთვისაცაა სასარგებლო ამას დღევანდელ პოსტში მოგახსენებთ.
შემოდგომის ვაშლი ხილის ნამცხვრისთვის საუკეთესო ინგრედიენტადაა მიჩნეული - ხრაშუნა ვაშლი მდიდარია ანტიოქსიდანტებით, განსაკუთრებით კი C ვიტამინით, რაც იმუნური სისტემის გაძლიერებაში და სისმსივნის რისკის შემცირებაში გვეხმარება. ამას გარდა, ვაშლი დიდი რაოდენობით პექტინს შეიცავს, რომელიც არც თუ უმნიშვნელო როლს თამაშობს გულ-სისხლძარღვოვანი დაავადებების პროფილაქტიკაში.
გოგრა, კვახი - როგორც გსურთ ისე მოიხსენიეთ, მაგრამ ეს ბოსტნეული თქვენი საშემოდგომო ნობათის აუცილებელ ნაწილად რომ უნდა აქციოთ, ეს დანამდვილებით ვიცი. ის მდიდარია A ვიტამინით, რაც დადებითად აისახება ჩვენს მხედველობაზე, ასევე დიდი რაოდენობით შეიცავს ფიტოსტეროლებს - ეს უკანასკნელი ცუდ ქოლესტერინს ამცირებს - და ბეტა-კაროტინს, რომელიც თავისუფალი რადიკალებისგან გვიცავს.
ლეღვი - ამ ხილის დიდი მოყვარული არასდროს ვყოფილვარ - უფრო სწორად ყოველთვის შორიდან ვუყურებდი იმის გამო, რომ მაღალკალორიულობით არის სახელგანთქმული. მაგრამ მას შემდეგ რაც გავარკვიე, რომ ის ბლომად კალიუმს შეიცავს, უჯრედისის არაჩვაულებრივი წყაროა, სისხლში შაქრის დონეს არეულირებს და დანაყრებითაც საკმაო დროით გვანაყრებს.
ყვავილოვანი კომბოსტო თავისი საკვები ღირებულებით მწვანე ფოთლებს ნამდვილად არ ჩამოუვარდება. ეს კომბოსტო ძალიან დიდი რაოდენობით C და K ვიტამინებს, უჯრედისს და ფოლიუმის მჟავას შეიცავს - ფოლიუმის მჟავა ორსულობა გამოვლილი ქალებისთვის უკვე ნაცნობი უნდა იყოს, ყველამ ვიცით რომ ეს მჟავა უმნიშვნელოვანესია ნაყოფის განვითარებისთვის.
და ბოლოს, მსხალი, რომელიც გარდა იმისა, რომ წვნიანი, არომატული და საოცრად სასიამოვნო მისართმევია (ჩემთვის ასეა, ყოველ შემთხვევაში) , ის ორგანიზმს საჭირო რაოდენობით უჯრედისს და C ვიტამინს აწვდის, აკონტროლებს სისხლში შაქრის დონეს და ამცირებს ცუდ ქოლესტერინს. გარდა ამისა, მსხალი შეიცავს სპილენძს და ბორს, რომელიც ორგანიზმს კალციუმის შენარჩუნებაში ეხმარება.
მომდევნო პოსტამდე,
ანიკა
შემოდგომის ვაშლი ხილის ნამცხვრისთვის საუკეთესო ინგრედიენტადაა მიჩნეული - ხრაშუნა ვაშლი მდიდარია ანტიოქსიდანტებით, განსაკუთრებით კი C ვიტამინით, რაც იმუნური სისტემის გაძლიერებაში და სისმსივნის რისკის შემცირებაში გვეხმარება. ამას გარდა, ვაშლი დიდი რაოდენობით პექტინს შეიცავს, რომელიც არც თუ უმნიშვნელო როლს თამაშობს გულ-სისხლძარღვოვანი დაავადებების პროფილაქტიკაში.
გოგრა, კვახი - როგორც გსურთ ისე მოიხსენიეთ, მაგრამ ეს ბოსტნეული თქვენი საშემოდგომო ნობათის აუცილებელ ნაწილად რომ უნდა აქციოთ, ეს დანამდვილებით ვიცი. ის მდიდარია A ვიტამინით, რაც დადებითად აისახება ჩვენს მხედველობაზე, ასევე დიდი რაოდენობით შეიცავს ფიტოსტეროლებს - ეს უკანასკნელი ცუდ ქოლესტერინს ამცირებს - და ბეტა-კაროტინს, რომელიც თავისუფალი რადიკალებისგან გვიცავს.
ლეღვი - ამ ხილის დიდი მოყვარული არასდროს ვყოფილვარ - უფრო სწორად ყოველთვის შორიდან ვუყურებდი იმის გამო, რომ მაღალკალორიულობით არის სახელგანთქმული. მაგრამ მას შემდეგ რაც გავარკვიე, რომ ის ბლომად კალიუმს შეიცავს, უჯრედისის არაჩვაულებრივი წყაროა, სისხლში შაქრის დონეს არეულირებს და დანაყრებითაც საკმაო დროით გვანაყრებს.
ყვავილოვანი კომბოსტო თავისი საკვები ღირებულებით მწვანე ფოთლებს ნამდვილად არ ჩამოუვარდება. ეს კომბოსტო ძალიან დიდი რაოდენობით C და K ვიტამინებს, უჯრედისს და ფოლიუმის მჟავას შეიცავს - ფოლიუმის მჟავა ორსულობა გამოვლილი ქალებისთვის უკვე ნაცნობი უნდა იყოს, ყველამ ვიცით რომ ეს მჟავა უმნიშვნელოვანესია ნაყოფის განვითარებისთვის.
და ბოლოს, მსხალი, რომელიც გარდა იმისა, რომ წვნიანი, არომატული და საოცრად სასიამოვნო მისართმევია (ჩემთვის ასეა, ყოველ შემთხვევაში) , ის ორგანიზმს საჭირო რაოდენობით უჯრედისს და C ვიტამინს აწვდის, აკონტროლებს სისხლში შაქრის დონეს და ამცირებს ცუდ ქოლესტერინს. გარდა ამისა, მსხალი შეიცავს სპილენძს და ბორს, რომელიც ორგანიზმს კალციუმის შენარჩუნებაში ეხმარება.
მომდევნო პოსტამდე,
ანიკა