სითხეების მიღება ცივ სეზონზე

სითხის მიღებას სეზონი არ გააჩნია - ნებისმიერ სეზონზე თუ გეოგრაფიულ ლოკაციაზე დღე-ღამის განმავლობაში 2 ლიტრამდე წყლის დალევა უცვლელ წესად და სავალდებულო ნორმად რჩება. დილა რომ უზმოზე მიღებული წყლით უნდა დავიწყოთ, ამასაც ნელ-ნელა ვეჩვევით - ორი დიდი ჭიქა წყალი (მინერალების ბალანსის იდეალურად დასარეგულირებლად, ბოთლის წყალი ყველაზე გონივრული არჩევანია) დილიდანვე ენერგიას შეგმატებთ. თუმცა, ცივი სეზონის მოსვლასთან და სხვადასხვა ვირუსული ინფექციების მატებასთან ერთად, იმუნიტეტის მოძლიერების საჭიროებაც ჩნდება, ამიტომაც, დღევანდელ პოსტში იმ რამდენიმე სასარგებლო სასმელზე მოგიყვებით, რომლებიც შემოდგომა-ზამთრის ნაცრისფერ სეზონს გაგილამაზებთ და კომფორტის შეგრძნებასაც მოგგვრით.

ვაშლის ძმრის სასმელი - 1/4 ჭიქა წყალს დუღილამდე მივიყვანთ, დავასხამთ 1/4 ჭიქა გაუფილტრავ ვაშლის ძმარს, დავუმატებთ 1 სუფრის კოვზ თაფლს, 1 ჩაის კოვზ კაიენის პილპილს, კარგად მოვუმევთ და ბოლოს ჩავაგდებთ ერთ თხელ ნაჭერ ლიმონს.



ცხელი ალკოჰოლური სასმელი - ვიღებთ 50 გრამ ბრენდის, სკოჩს ან ბურბონს, ვამატებთ 200 მლ. ცხელ წყალს, 3/4 სუფრის კოვზ თაფლს, 2 სუფრის კოვზ ლიმონის წვენს, ამ ყველაფერს ავურევთ და დავამატებთ დარიჩინის ჩხირს და ბოლოს 1-2 თხელ ნაჭერ ლიმონს.

ანტიმოკრობული თვისებებით გამორჩეული კურკუმას რძე - ერთ ჭიქა ნუშის რძეს ჩავაყაროთ 1/2 ჩაის კოვზი დაფქული კურკუმა, 1/2 ჩაიკ კოვზი დაფქული კოჭა, 1/4 ჩაის კოვზი დაფქული ილი და ბოლოს მოვასხათ ერთი ჩაის კოვზი თაფლი.

იმუნიტეტის გამაძლიერებელი სასმელი - ვიღებთ ნახევარ ჭიქა ფორთოხლის ახლადგამოწურულ წვენს, ვამატებთ კოჭას  დაახლოებით სამსანტიმეტრიან ნაჭერს წვრილად დაჭრილს, 2 სუფრის კოვზ თაფლს და ერთ მწიკს დაფქულ კურკუმას. როგორც ამბობენ, ეს სასმელი მდიდარია C ვიტამინით, ანტიოქსიდანტებით და გააჩნია ძლიერი ანტივირუსული მოქმედება. 

მომდევნო პოსტამდე,

ანიკა