_from blog_:
_February_ 14, 2014
_by_ Anika
თქვენი არ ვიცი, მაგრამ მე განსაკუთრებული გაფაციცებით ვადევნებ ხოლმე თვალყურს ნიშური პარფიუმერიის სიახლეებს: არომატები, რომლებიც მასიურად არ იწარმოება და რომელიც განსაკუთრებულ, გამორჩეულ გამოცდილებას გპირდებათ. ამიტომაც, სწორედ ასეთი სიახლეებით დავიწყებ და რამდენიმე ახალ, ექსკლუზიურ სურნელზე მოგიყვებით. არომატში Anyway by Juliette Has a Gun 15 ინგრედიენტს შორის ნეროლის და ლიამის ხალისიანი ნოტები ჭარბობს; Au Pays de la Fleur d’Oranger-ის სუნამო Jasmin Rêvé ჟასმინის და ვარდის არომატის მოყვარულებისთვისაა; Ann Gerard-ის Perle de Mousse ზომიერად მსუბუქი არომატია მწვანე მცენარეების და მანდარინის ხარჯზე; ხოლო Chabaud-ის Chic et Bohême ქლიავის, ფორთოხლის ყვავილების და ილანგ-ილანგის დახვეწილი კომბინაციაა.
ელისეის მინდვრების 68 ნომერში მდებარე Guerlain-ის პარფიუმერულ ბუტიკს 100 წელი შეუსრულდა, რის აღსანიშნავადაც ფრანგულმა სახლმა საგანგებოდ შექმნა ახალი, ყვავილოვანი, მოტკბო სურნელის არომატი Le 68 - არომატი არ ვიცი და ფლაკონი ძალიან მომეწონა!
ვისაც რეტრო გადაწყვეტები და ბუდუარული ესთეტიკა გხიბლავთ, გირჩევთ, Bottega Veneta-ს ახალი სააბაზანე ხაზი გამოსცადოთ. ამ კოლექციაში ტანის აბრეშუმისებრი ზეთი, მსუბუქი სკრაბი და მბზინავი ნაწილაკების შემცველი პუდრა არის შესული - აღწერილობა უკვე იმდენად მიმზიდველია, რომ წარმომიდგენია, პროდუქციის მოხმარება და მისი შედეგები რამდენად სასიამოვნო უნდა იყოს.
ზამთრის ცივი ამინდების თანმდევი პრობლემა - გამომშრალი ტუჩები - რომ ყოველდღიურობის განუყოფელ ნაწილად არ იქცეს, საამისოდ, ხარისხიანი და ეფექტური ტუჩის ბალზამით უნდა შეიარაღდეთ. ბაზარზე არსებულ ფართო არჩევანს კიდევ 2 კარგი ალტერნატივა შეემატა: Lancaster-ის Aquamilk, რომელიც თაფლის და ქოქოსის ზეთის საფუძველზეა დამზადებული და მეორე Kiehl’s -ის Eucalyptus Lip Relief - გამაგრილებელი ეფექტის მქონე ტუჩის დამატენიანებელი, რომელსაც მბზინვარება არ გააჩნია და რომელიც განსაკუთრებით „nude“ ეფექტის ტუჩების მოყვარულებს მოეწონებათ.
სახის მონაკვეთი რომ ყურადღების გარეშე არ დაგვრჩეს, ბოლოს Clinique-ის Repairwear Laser Focus წარმოგიდგენთ, რომელიც სალბის ექსტრაქტით და ამინო-შაქრებით არის გამდიდრებული და ახლა, კიდევ უფრო ეფექტურად ასწორებს ნაოჭებს.
მომდევნო პოსტამდე,
ანიკა
ელისეის მინდვრების 68 ნომერში მდებარე Guerlain-ის პარფიუმერულ ბუტიკს 100 წელი შეუსრულდა, რის აღსანიშნავადაც ფრანგულმა სახლმა საგანგებოდ შექმნა ახალი, ყვავილოვანი, მოტკბო სურნელის არომატი Le 68 - არომატი არ ვიცი და ფლაკონი ძალიან მომეწონა!
ვისაც რეტრო გადაწყვეტები და ბუდუარული ესთეტიკა გხიბლავთ, გირჩევთ, Bottega Veneta-ს ახალი სააბაზანე ხაზი გამოსცადოთ. ამ კოლექციაში ტანის აბრეშუმისებრი ზეთი, მსუბუქი სკრაბი და მბზინავი ნაწილაკების შემცველი პუდრა არის შესული - აღწერილობა უკვე იმდენად მიმზიდველია, რომ წარმომიდგენია, პროდუქციის მოხმარება და მისი შედეგები რამდენად სასიამოვნო უნდა იყოს.
ზამთრის ცივი ამინდების თანმდევი პრობლემა - გამომშრალი ტუჩები - რომ ყოველდღიურობის განუყოფელ ნაწილად არ იქცეს, საამისოდ, ხარისხიანი და ეფექტური ტუჩის ბალზამით უნდა შეიარაღდეთ. ბაზარზე არსებულ ფართო არჩევანს კიდევ 2 კარგი ალტერნატივა შეემატა: Lancaster-ის Aquamilk, რომელიც თაფლის და ქოქოსის ზეთის საფუძველზეა დამზადებული და მეორე Kiehl’s -ის Eucalyptus Lip Relief - გამაგრილებელი ეფექტის მქონე ტუჩის დამატენიანებელი, რომელსაც მბზინვარება არ გააჩნია და რომელიც განსაკუთრებით „nude“ ეფექტის ტუჩების მოყვარულებს მოეწონებათ.
სახის მონაკვეთი რომ ყურადღების გარეშე არ დაგვრჩეს, ბოლოს Clinique-ის Repairwear Laser Focus წარმოგიდგენთ, რომელიც სალბის ექსტრაქტით და ამინო-შაქრებით არის გამდიდრებული და ახლა, კიდევ უფრო ეფექტურად ასწორებს ნაოჭებს.
მომდევნო პოსტამდე,
ანიკა