ბლოგი:
ნოემბერი 11, 2013
ავტორი Anika
რა ხანია, რაც უჯრედისი დიეტოლოგებითვის ერთ-ერთ საყვარელ კომპონენტად და ზოგადად, ჯანსაღი კვების განუყოფელ ნაწილად იქცა. საინტერესოა ის ფაქტი, რომ 1970-იან წლებამდე მას “ბალასტის” სახელით მოიხსენიებდნენ და მის კვებით ღირებულებას სერიოზულად არც არავინ განიხილავდა. არადა უჯრედისი, რომელიც ცელულოზას ნაირსახეობას წარმოადგენს, საჭმლის მომნელებელი სისტემის მხრიდან დაშლას არ ექვემდებარება და პირდაპირ კუჭ-ნაწლავის მიკროფლორაში ხვდება. მისი ყველაზე სასარგებლო თვისება კი ჩვენს ორგანიზმში დაგროვილი მავნე ნივთიერებების, ტოქსინების, პესტიციდების და მძიმე მეტალების მარილების შეწოვაა.
კუჭში მოხვედრისთანავე უჯრედისი ფუვდება - სწორედ ამ უნიკალური თვისების წყალობით გვანიჭებს ის დანაყრების შეგრძნებას. ამას გარდა, მას ნივთიერებათა ცვლის პროცესის დაჩქარებაც შეუძლია. ასე რომ უჯრედისით მდიდარი საკვების რეგულარული გამოყენება კუჭ-ნაწლავის გამართულ მუშაობაშიც დაგეხმარებათ და გულის, ღვიძლის, კუჭქვეშა ჯირკვალის და ფილტვების უკეთ ფუნქციონირებასაც შეუწყობს ხელს.
ყველაზე დიდი ოდენობით უჯრედისს ცოცხალ ბოსტნეულში და ხილში, მარცვლეულში და პარკოსნებში ვხვდებით. კერძოდ, მწვანე ლობიო, გრეიფრუტი, ლიმონი, გოგრის თესლი, მარწყვი, შავი მოცხარი მდიდარია წყალში ხსნადი უჯრედისით. მათ გარდა, შვრია, ჭვავი და ხორბალიც საკმაო რაოდენობით უჯრედისს შეიცავენ. გახსოვთ, ალბათ, დილით შვრიის ფაფა დღის საუკეთესო დასაწყისად რომ ითვლება. თუ თქვენ დიეტურად იკვებებით და ზედმეტი კილოგრამების ჩამოყრა გსურთ, მაშინ ასეთი ფაფა წყალზე უნდა იყოს მომზადებული - რძით და ნაღებით მოხარშული ვარიანტი საკმაოდ მაღალკალორიულია.
რაც შეეხება, უხსნად უჯრედისს, მათ თითქმის ნებისმიერი დასახელების ბოსტნეულში შეხვდებით, განსაკუთრებით მდიდარი კი ამ მხრივ უმი სტაფილოა.
მოკლედ, დიეტოლოგების რეკომენდაცია ასეთია: უჯრედისი უნდა მივიღოთ ყოველდღიურად - მისი წყალობით ხომ საბოლოო ჯამში კანის, თმის, ფრჩხილების მდგომარეობის გაუმჯობესება და წონის დარეგულირება შეგვიძლია. თუმცა, იმ ადამიანებმა, ვისაც ჩემს მსგავსად კუჭ-ნაწლავის მწვავე დაავადებები აწუხებთ (წყლული, გასტრიტი), უჯრედისით დატვირთულ კვების რაციონზე გადასვლამდე, უმჯობესია ექიმთან გაიარონ კონსულტაცია.
მომდევნი პოსტამდე
ანიკა
კუჭში მოხვედრისთანავე უჯრედისი ფუვდება - სწორედ ამ უნიკალური თვისების წყალობით გვანიჭებს ის დანაყრების შეგრძნებას. ამას გარდა, მას ნივთიერებათა ცვლის პროცესის დაჩქარებაც შეუძლია. ასე რომ უჯრედისით მდიდარი საკვების რეგულარული გამოყენება კუჭ-ნაწლავის გამართულ მუშაობაშიც დაგეხმარებათ და გულის, ღვიძლის, კუჭქვეშა ჯირკვალის და ფილტვების უკეთ ფუნქციონირებასაც შეუწყობს ხელს.
ყველაზე დიდი ოდენობით უჯრედისს ცოცხალ ბოსტნეულში და ხილში, მარცვლეულში და პარკოსნებში ვხვდებით. კერძოდ, მწვანე ლობიო, გრეიფრუტი, ლიმონი, გოგრის თესლი, მარწყვი, შავი მოცხარი მდიდარია წყალში ხსნადი უჯრედისით. მათ გარდა, შვრია, ჭვავი და ხორბალიც საკმაო რაოდენობით უჯრედისს შეიცავენ. გახსოვთ, ალბათ, დილით შვრიის ფაფა დღის საუკეთესო დასაწყისად რომ ითვლება. თუ თქვენ დიეტურად იკვებებით და ზედმეტი კილოგრამების ჩამოყრა გსურთ, მაშინ ასეთი ფაფა წყალზე უნდა იყოს მომზადებული - რძით და ნაღებით მოხარშული ვარიანტი საკმაოდ მაღალკალორიულია.
რაც შეეხება, უხსნად უჯრედისს, მათ თითქმის ნებისმიერი დასახელების ბოსტნეულში შეხვდებით, განსაკუთრებით მდიდარი კი ამ მხრივ უმი სტაფილოა.
მოკლედ, დიეტოლოგების რეკომენდაცია ასეთია: უჯრედისი უნდა მივიღოთ ყოველდღიურად - მისი წყალობით ხომ საბოლოო ჯამში კანის, თმის, ფრჩხილების მდგომარეობის გაუმჯობესება და წონის დარეგულირება შეგვიძლია. თუმცა, იმ ადამიანებმა, ვისაც ჩემს მსგავსად კუჭ-ნაწლავის მწვავე დაავადებები აწუხებთ (წყლული, გასტრიტი), უჯრედისით დატვირთულ კვების რაციონზე გადასვლამდე, უმჯობესია ექიმთან გაიარონ კონსულტაცია.
მომდევნი პოსტამდე
ანიკა