ბლოგი:
ოქტომბერი 02, 2015
ავტორი Anika
ზაფხულის ცხელი და მზიანი დღეების შემდეგ საკუთარ კანს პატივი თუ გსურთ სცეთ, მაშინ ერთ-ერთი რაც უნდა გააკეთოთ, მის ინტენსიურ დატენიანებაზე ზრუნვაა. დამატენიანებელი საცხე და კოსმეტოლოგიურ კაბინეტში ვიზიტი თავისთავად, ამაზე ყურადღებას ამ პოსტში არც გავამახვილებ - დღეს სახლის პირობებში კანის დამატენიანებელი ნიღბების გამოყენებაზე გესაუბრებით, უფრო სწორად, რამდენიმე გამოცდილ და ეფექტურ ნიღაბს გაგაცნობთ.
Clarins HydraQuench Cream-Mask - ამ ნიღაბს გაუწყლოვანებული კანის ოაზისსაც უწოდებენ, ვინაიდან მასში შემავალი ჰიალურონის მჟავის, E ვიტამინის და კატაფრაის ხის ექსტრაქტის ხარჯზე ის კანის წყლის რეზერვებს ავსებს, კანის გარეგან დამცავ შრეს აღადგენს და გააჩნია ულტრაიისფერი სხივების ფილტრი. რაც მთავარია, ეს ნიღაბი არ შეიცავს სილიკონს და სხვა ქიმიურ დანამატებს. ტექსტურით ძალიან წააგავს მსუყე სახის საცხს, კანზე გამჭვირვალე ფენად ნაწილდება და საკმაოდ სასიამოვნო არომატი აქვს. საინტერესო იყო იმის აღმოჩენა, რომ ეს ნიღაბი თვალის ირგვლივ ზონაზეც შეგიძლიათ გადაისვათ.
Lancome, Hydra Zen - საკმაოდ უნიკალური პროდუქტია, ვინაიდან მასში ღამის ნიღბის და შრატის მოქმედებებია გაერთიანებული. ინტენსიური დამატენიანებელი შრატი -ნიღაბი სტრესის შედეგებთან საბრძოლველად შეიქმნა და ის იდეალურად ახერხებს კანის დატენიანებასაც ღამის განმავლობაში და მისთვის მბზინვარების მინიჭებასაც. ნიღაბი ადვილად შეიწოვება კანზე, აქვს ძალიან სასიამოვნო სურნელი, კარგად ადუნებს/ამშვიდებს კანს და მეორე დილით, თქვენი სახე უკვე ახალი ენერგიით და ჯანსაღი მბზინვარებითაა სავსე.
ლანკასტერის ბრენდს დიდ პატივს ვცემ მზისგანდამცავი პროდუქტების გამო და მრავალი წელია უკვე ლოიალური კლიენტი ვარ. თუმცა,ამ ბრენდის მიერ წარმოებული თავის მოვლის საშუალებები არასდროს გამომიყენებია. ამ ნიღაბს - Flash Hydration Mask - ინტერნეტგვერდებზე დადებითი რეკომენდაციები აქვს, ვინაიდან ის წყალმცენარეების და მინერალური წყლების საფუძველზეა შემოშავებული და ამ ყველაფრის წყალობით, "მოწყურებულ" კანს იდეალურად ატენიანებს. თუმცა, ერთი მინუსი რაც ნიღაბს გააჩნია და რის გამოც მას მგრძნობიარე კანის შემთხვევაში უნდა მოერიდოთ, ალკოჰოლის შემცველობაა.
მომდევნო პოსტამდე,
ანიკა
Clarins HydraQuench Cream-Mask - ამ ნიღაბს გაუწყლოვანებული კანის ოაზისსაც უწოდებენ, ვინაიდან მასში შემავალი ჰიალურონის მჟავის, E ვიტამინის და კატაფრაის ხის ექსტრაქტის ხარჯზე ის კანის წყლის რეზერვებს ავსებს, კანის გარეგან დამცავ შრეს აღადგენს და გააჩნია ულტრაიისფერი სხივების ფილტრი. რაც მთავარია, ეს ნიღაბი არ შეიცავს სილიკონს და სხვა ქიმიურ დანამატებს. ტექსტურით ძალიან წააგავს მსუყე სახის საცხს, კანზე გამჭვირვალე ფენად ნაწილდება და საკმაოდ სასიამოვნო არომატი აქვს. საინტერესო იყო იმის აღმოჩენა, რომ ეს ნიღაბი თვალის ირგვლივ ზონაზეც შეგიძლიათ გადაისვათ.
Lancome, Hydra Zen - საკმაოდ უნიკალური პროდუქტია, ვინაიდან მასში ღამის ნიღბის და შრატის მოქმედებებია გაერთიანებული. ინტენსიური დამატენიანებელი შრატი -ნიღაბი სტრესის შედეგებთან საბრძოლველად შეიქმნა და ის იდეალურად ახერხებს კანის დატენიანებასაც ღამის განმავლობაში და მისთვის მბზინვარების მინიჭებასაც. ნიღაბი ადვილად შეიწოვება კანზე, აქვს ძალიან სასიამოვნო სურნელი, კარგად ადუნებს/ამშვიდებს კანს და მეორე დილით, თქვენი სახე უკვე ახალი ენერგიით და ჯანსაღი მბზინვარებითაა სავსე.
ლანკასტერის ბრენდს დიდ პატივს ვცემ მზისგანდამცავი პროდუქტების გამო და მრავალი წელია უკვე ლოიალური კლიენტი ვარ. თუმცა,ამ ბრენდის მიერ წარმოებული თავის მოვლის საშუალებები არასდროს გამომიყენებია. ამ ნიღაბს - Flash Hydration Mask - ინტერნეტგვერდებზე დადებითი რეკომენდაციები აქვს, ვინაიდან ის წყალმცენარეების და მინერალური წყლების საფუძველზეა შემოშავებული და ამ ყველაფრის წყალობით, "მოწყურებულ" კანს იდეალურად ატენიანებს. თუმცა, ერთი მინუსი რაც ნიღაბს გააჩნია და რის გამოც მას მგრძნობიარე კანის შემთხვევაში უნდა მოერიდოთ, ალკოჰოლის შემცველობაა.
მომდევნო პოსტამდე,
ანიკა